ಮಕ್ಕಳಿರಲವ್ವಾ ಮನೆ ತುಂಬಾ ಎಂಬ ಮಾತಿದೆ. ಈ ಮಾತಿಗೆ ಪ್ರತ್ಯಕ್ಷ ಉದಾಹರಣೆ ಎಂಬಂತೆ ನಿಂತಿದ್ದಾಳೆ ನ್ಯೂ ಮೆಕ್ಸಿಕೋದಲ್ಲಿ ವಾಸಿಸುತ್ತಿರುವ ಈ 11 ಮಕ್ಕಳ ತಾಯಿ..! ಈಕೆ ಗರ್ಭ ನಿರೋಧಕ ಅಥವಾ ಇನ್ನಿತರ ಯಾವುದೇ ಜನನ ನಿಯಂತ್ರಣಗಳನ್ನು ಬಳಸದ ಕಾರಣಕ್ಕಾಗಿ ಕಳೆದ 11 ವರ್ಷಗಳಿಂದ ಗರ್ಭಿಣಿಯಾಗುತ್ತಲೇ ಇದ್ದಾಳೆ. ಇದೇ ಕಾರಣಕ್ಕಾಗಿ ಸೋಶಿಯಲ್ ಮೀಡಿಯಾದಲ್ಲಿ ಈ ಮಹಿಳೆ ಟ್ರೋಲಿಗರ ಬಾಯಿಗೆ ಆಹಾರವಾಗಿದ್ದಾಳೆ.
ಸೋಶಿಯಲ್ ಮೀಡಿಯಾಗಳಲ್ಲಿ ಟ್ರೋಲ್ ಆಗುತ್ತಿರುವ ಬಗ್ಗೆ ಮಾತನಾಡಿದ ರೋಜರ್ಸ್, ಅನೇಕರು ದೊಡ್ಡ ಪರಿವಾರವನ್ನು ಇಷ್ಟಪಡೋದಿಲ್ಲ. ಆದರೆ ಅವರೆಲ್ಲ ಅಪರಿಚಿತರು. ಅವರಿಗೆ ನಮ್ಮ ಬಗ್ಗೆ ಏನೂ ತಿಳಿದಿಲ್ಲ. ಹೀಗಾಗಿ ಟ್ರೋಲಿಗರ ಟೀಕೆಗೆಲ್ಲ ನಾನು ತಲೆಕೆಡಿಸಿಕೊಳ್ಳೋದಿಲ್ಲ ಎಂದು ಹೇಳಿದ್ದಾರೆ.
37 ವರ್ಷದ ರೋಜರ್ಸ್ 2008ರ ಅಕ್ಟೋಬರ್ನಲ್ಲಿ ಕ್ರಿಸ್ ಎಂಬವರ ಜೊತೆ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಅಂದಿನಿಂದ ಇಂದಿನವರೆಗೆ ಅವರು ಪ್ರತಿ ವರ್ಷವೂ ಗರ್ಭಿಣಿಯಾಗುತ್ತಲೇ ಇದ್ದಾರೆ. ಇದೀಗ ರೋಜರ್ಸ್ ತಮ್ಮ 12 ನೇ ಮಗುವನ್ನು ಗರ್ಭದಲ್ಲಿಟ್ಟುಕೊಂಡಿದ್ದಾರೆ. ಮಾರ್ಚ್ನಲ್ಲಿ ರೋಜರ್ಸ್ 12ನೇ ಮಗುವಿಗೆ ಜನ್ಮ ನೀಡಲಿದ್ದಾರೆ.
11 ವರ್ಷದ ಕ್ಲಿಂಟ್, 10 ವರ್ಷದ ಕೇಡ್, 9 ವರ್ಷದ ಕ್ಯಾಲಿ, 8 ವರ್ಷದ ಕ್ಯಾಶ್, 7 ವರ್ಷದ ಕೋಲ್ಟ್, 6 ವರ್ಷದ ಕೇಸ್, 5 ವರ್ಷದ ಕೆಲೆನಾ, 4 ವರ್ಷದ ಕಯಡೆ, 3 ವರ್ಷದ ಕೊರಾಲಿ, ಕ್ಯಾರಿಸ್ ಇನ್ನೇನು ಕೆಲವೇ ದಿನಗಳಲ್ಲಿ 1 ವರ್ಷಕ್ಕೆ ಕಾಲಿಡಲಿದ್ದಾನೆ. ತನ್ನ 11 ಮಕ್ಕಳ ಆರೈಕೆಯನ್ನು ರೋಜರ್ಸ್ ಒಬ್ಬರೇ ಮಾಡುತ್ತಾರೆ. ಮಕ್ಕಳಿಗೆ ಮನೆಯಲ್ಲೇ ಶಿಕ್ಷಣ ನೀಡುತ್ತಾರೆ.
Loading ...