ಪರ್ವತ ಸಿಂಹದ ಬಗ್ಗೆ ನೀವೆಲ್ಲಾ ಬಹುತೇಕ ಕೇಳಿರುತ್ತೀರಿ. ಆದರೆ ಪರ್ವತ ಮೇಕೆ ಬಗ್ಗೆ? ಇಲ್ಲವಾದಲ್ಲಿ ಈ ವಿಡಿಯೋದಲ್ಲಿ ನೀವು ಈ ಜೀವಿಯನ್ನು ಕಾಣಬಹುದಾಗಿದೆ.
ಉತ್ತರ ಅಮೆರಿಕದ ಪರ್ವತ ಪ್ರದೇಶಗಳಲ್ಲಿ ಕಂಡು ಬರುವ ಈ ಪ್ರಾಣಿಯು ಇದೀಗ ನೆಟ್ಟಿಗರ ಗಮನ ಸೆಳೆಯುತ್ತಿದೆ. ಈ ವಿಡಿಯೋಗೆ ಅದಾಗಲೇ ಐದು ಮಿಲಿಯನ್ಗೂ ಹೆಚ್ಚಿನ ವೀಕ್ಷಣೆಗಳು ಸಿಕ್ಕಿವೆ.
ಪರ್ವತ ಮೇಕೆಯೊಂದು ಕಾಡಿನಲ್ಲಿ ಓಡಾಡುತ್ತಿರುವುದನ್ನು ಈ ವಿಡಿಯೋದಲ್ಲಿ ನೋಡಬಹುದಾಗಿದೆ. ಈ ಪರ್ವತಗಳ ಮೇಲೆ ಟ್ರೆಕ್ಕಿಂಗ್ ಮಾಡುತ್ತಿರುವ ಪರ್ವತಾರೋಹಿಗಳು ಈ ವಿಡಿಯೋ ಸೆರೆ ಹಿಡಿದಿದ್ದಾರೆ.
“ಭಾರೀ ಬಲಿಷ್ಠ ಪರ್ವತ ಮೇಕೆ ಇಲ್ಲಿ ನೋಡಿ,” ಎಂದು ಕ್ಯಾಪ್ಷನ್ನಲ್ಲಿ ಬರೆಯಲಾಗಿದೆ.
ಈ ವಿಡಿಯೋ ವೀಕ್ಷಿಸಿದ ಅನೇಕರು ಖುದ್ದು ತಾವು ರೆಕಾರ್ಡ್ ಮಾಡಿರುವ ಪರ್ವತ ಮೇಕೆಗಳ ವಿಡಿಯೋಗಳನ್ನು ಇದೇ ವೇಳೆ ಕಾಮೆಂಟ್ಸ್ ವಿಭಾಗದಲ್ಲಿ ಶೇರ್ ಮಾಡಿದ್ದಾರೆ.
ಪರ್ವತ ಮೇಕೆಯು ಒಂದೇ ನೆಗೆತದಲ್ಲಿ ನಾಲ್ಕು ಮೀಟರ್ನಷ್ಟು ಜಿಗಿಯಬಲ್ಲದು ಎಂದು ನೆಟ್ಟಿಗರೊಬ್ಬರು ಇದೇ ವೇಳೆ ಕಾಮೆಂಟ್ ಮಾಡಿದ್ದಾರೆ.