ದುಬಾರಿ ಜೀವನದಲ್ಲಿ ಒಂದು ಮಕ್ಕಳನ್ನು ಸಂಭಾಳಿಸುವುದು ಕಷ್ಟ ಎನ್ನುವವರಿದ್ದಾರೆ. ಗರ್ಭಧರಿಸುವುದು, 9 ತಿಂಗಳು ದೇಹ, ಮನಸ್ಸಿನಲ್ಲಾಗುವ ಬದಲಾವಣೆಗೆ ಹೊಂದಿಕೊಳ್ಳುವುದು, ಹೆರಿಗೆ ನೋವು, ಹೆರಿಗೆ ನಂತ್ರ ಆಗುವ ಸಮಸ್ಯೆ, ಮಕ್ಕಳ ಪಾಲನೆ ಎಲ್ಲವೂ ದೊಡ್ಡ ಸವಾಲು. ಈ ಎಲ್ಲ ಕಾರಣಕ್ಕೆ ಅನೇಕರು ಒಂದು ಮಕ್ಕಳು ಸಾಕು ಎನ್ನುತ್ತಾರೆ. ಆದ್ರೆ ಇಲ್ಲೊಬ್ಬ ಮಹಿಳೆ 8 ಮಕ್ಕಳ ತಾಯಿಯಾದ್ರೂ ಆಕೆಗೆ ಮಕ್ಕಳನ್ನು ಪಡೆಯುವ ಆಸೆ ಕಡಿಮೆಯಾಗಿಲ್ಲ. ಇನ್ನೊಂದಿಷ್ಟು ಮಕ್ಕಳು ಬೇಕು ಎನ್ನುವ ಮಹಿಳೆ ಸಿಂಗಲ್ ಮದರ್ ಎಂಬುದು ಮತ್ತೊಂದು ವಿಶೇಷ.
ಕ್ರಿಕೆಟ್‌ ಪ್ರಿಯರನ್ನು ಬೆರಗಾಗಿಸುತ್ತೆ ಪುಟಾಣಿ ಬಾಲಕನ ಸ್ಪಿನ್ ಕೌಶಲ್ಯ
ಈ ಮಹಾ ತಾಯಿ ಹೆಸರು ಮೇರಿ. ಯುಕೆ ಬರ್ಮಿಂಗ್ಹ್ಯಾಮ್ ನಿವಾಸಿ. ಈಕೆಗೆ ಕೆಲಸವಿಲ್ಲ. ಸರ್ಕಾರದಿಂದ ಬರುವ ಭತ್ಯೆಯಲ್ಲಿ 8 ಮಕ್ಕಳನ್ನು ಸಾಕುತ್ತಿದ್ದಾಳೆ. ಎರಡು ರೂಮಿನ ಮನೆಯಲ್ಲಿ ವಾಸಿಸುವ ಮೇರಿಗೆ ಗರ್ಭಿಣಿಯಾಗುವುದು ಒಂದು ಚಟವಂತೆ. ಯಸ್. ಗರ್ಭ ಧರಿಸುವುದು, ಹೆರಿಗೆ ನೋವು, ಮಕ್ಕಳಿಗೆ ಹಾಲುಣಿಸುವುದು ಆಕೆಗೆ ಬಲು ಇಷ್ಟವಂತೆ. ಇದೊಂದು ರೀತಿಯಲ್ಲಿ ಚಟವಾಗಿದೆ. 8 ಮಕ್ಕಳಿದ್ರೂ ನನಗೆ ಇನ್ನೂ ಮಕ್ಕಳು ಬೇಕು ಎಂದು ಮೇರಿ ಹೇಳಿದ್ದಾಳೆ.
ಜನರು ನನ್ನನ್ನು ವಿಚಿತ್ರವಾಗಿ ನೋಡ್ತಾರೆ. ಆದ್ರೆ 9 ತಿಂಗಳು ಮಗುವೊಂದು ಹೊರುವುದು, ನಂತ್ರ ಹೆರಿಗೆ, ಮಕ್ಕಳಿಗೆ ಹಾಲುಣಿಸುವುದು, ಅವರ ಡೈಪರ್ ಬದಲಿಸುವುದು ಹೀಗೆ ಎಲ್ಲ ಕೆಲಸವೂ ನನಗೆ ಇಷ್ಟವಾಗುತ್ತದೆ ಎಂದು ಮೇರಿ ಹೇಳಿದ್ದಾಳೆ. ಈಕೆ ಡಾಕ್ಯೂಮೆಂಟರಿಯೊಂದರಲ್ಲೂ ಕಾಣಿಸಿಕೊಂಡಿದ್ದಾಳೆ. ಈಕೆ ಚಟದ ಬಗ್ಗೆ ಜನರು ಬಗೆ ಬಗೆ ಕಮೆಂಟ್ ಮಾಡಿದ್ದಾರೆ.
Loading ...