ಆಸ್ಟ್ರೇಲಿಯಾದಲ್ಲಿ ಕೊರೊನಾಗಿಂತಲೂ ಭಯಾನಕ ವೈರಸ್​ ಪತ್ತೆ…! ಸೋಂಕು ಹಬ್ಬುತ್ತಿರುವ ವೇಗಕ್ಕೆ ಬೆಚ್ಚಿಬಿದ್ದ ಜನ

ಕೊರೊನಾ ವೈರಸ್​ ಇಡೀ ವಿಶ್ವಕ್ಕೆ ಬಂದಪ್ಪಳಿಸಿ ವರ್ಷಗಳೇ ಕಳೆದಿದ್ದರೂ ಇನ್ನೂ ಕೂಡ ಈ ಸಾಂಕ್ರಾಮಿಕದಿಂದ ಪೂರ್ಣ ಪ್ರಮಾಣದಿಂದ ಪಾರಾಗೋಕೆ ಜಗತ್ತಿನಿಂದ ಸಾಧ್ಯವಾಗಿಲ್ಲ.

ಈ ನಡುವೆ ಆಸ್ಟ್ರೇಲಿಯಾದಲ್ಲಿ ಕಳೆದ ವರ್ಷ ಕೊರೊನಾ ವೈರಸ್​​ ಹರಡುತ್ತಿರುವ ವೇಳೆಯಲ್ಲಿ ಮಾಂಸ ಭಕ್ಷಕ ಇನ್ನೊಂದು ವೈರಾಣು ಕೂಡ ಜನರಲ್ಲಿ ನಡುಕ ಹುಟ್ಟಿಸಿತ್ತು ಎಂಬ ಭಯಾನಕ ಅಂಶ ಬಯಲಾಗಿದೆ.

ಆಡಮ್​ ನೋವೆಲ್​ ಎಂಬವರು ಮೊದಲು ಇದನ್ನ ಸೊಳ್ಳೆಯ ಕಡಿತ ಎಂದೇ ಭಾವಿಸಿದ್ದರು. ಆದರೆ ಕ್ರಮೇಣ ಅವರ ಹಿಮ್ಮಡಿಯಲ್ಲಿ ಕೆಂಪು ಬಣ್ಣದ ಕಲೆಯೊಂದು ಉದ್ಭವವಾಗಿತ್ತು. ಇದು ವಾಸಿಯೇ ಆಗದ್ದನ್ನ ನೋಡಿ ನೋವೆಲ್ ಆಸ್ಪತ್ರೆಗೂ ಭೇಟಿ ನೀಡಿದ್ದರು. ಆದರೆ ಈ ವೇಳೆ ವೈದ್ಯರು ಅಲರ್ಜಿ ಇರಬಹುದೆಂದು ಭಾವಿಸಿದ್ದರು. ಎರಡು ವಾರದ ಬಳಿಕ ಈ ಗಾಯದ ಕಲೆ ರಂಧ್ರವಾಗಿ ಮಾರ್ಪಟ್ಟಿದೆ.

ಕಳೆದ ವರ್ಷ ಏಪ್ರಿಲ್​ ತಿಂಗಳಲ್ಲಿ ಆಸ್ಟ್ರೇಲಿಯಾದಲ್ಲಿ ಈ ವಿಚಿತ್ರ ಘಟನೆ ವರದಿಯಾಗಿದೆ. ಈತನನ್ನ ಪರೀಕ್ಷಿಸಿದ ವೈದ್ಯರು ಗಾಯ ಬೇಗನೇ ವಾಸಿಯಾಗುತ್ತೆ ಎಂಬ ಭರವಸೆ ಹೊಂದಿದ್ದರು. ಆದರೆ ಟೇಬಲ್​ ಟೆನ್ನಿಸ್​ ಚೆಂಡಿನ ಗಾತ್ರಕ್ಕೆ ಈ ರಂಧ್ರ ದೊಡ್ಡದಾಗಿದೆ. ಸಾಕಷ್ಟು ಪರೀಕ್ಷೆ ಬಳಿಕ ಇದೊಂದು ಮಾಂಸ ಭಕ್ಷಕ ಬ್ಯಾಕ್ಟೀರಿಯಾದ ಕಾರ್ಯ ಎಂಬ ಭಯಾನಕ ವಿಚಾರ ಬಯಲಾಗಿದೆ. ಇದನ್ನ ಸರಿಯಾದ ಸಮಯಕ್ಕೆ ಪರೀಕ್ಷೆ ಮಾಡಿಸದೇ ಹೋದಲ್ಲಿ ಶಾಶ್ವತ ದಿವ್ಯಾಂಗಕ್ಕೆ ರೋಗಿ ಒಳಗಾಗುವ ಸಾಧ್ಯತೆ ಇದೆ.

ಬುರುಲಿ ಅಲ್ಸರ್​ ಎಂಬ ಈ ಸಮಸ್ಯೆ ಆಸ್ಟ್ರೇಲಿಯಾದಲ್ಲಿ ಸದ್ದಿಲ್ಲದೇ ಕ್ರಮೇಣವಾಗಿ ಹೆಚ್ಚುತ್ತಿದೆ. ತಮ್ಮದೇ ಆಸ್ಪತ್ರೆಯಲ್ಲಿ ವಾರದಲ್ಲಿ ಇಂತಹ 5 – 10 ಕೇಸ್​ಗಳನ್ನ ನೋಡ್ತಿರೋದಾಗಿ ವೈದ್ಯರೊಬ್ಬರು ಮಾಹಿತಿ ನೀಡಿದ್ದಾರೆ.