ಒಬ್ಬ ಮಗಳು ತನ್ನ ಇಚ್ಛೆಗೆ ವಿರುದ್ಧವಾಗಿ ವಿವಾಹವಾಗಿದ್ದಾಳೆ ಎಂಬ ಒಂದೇ ಕಾರಣಕ್ಕೆ ಸ್ವತಃ ತಂದೆಯೇ ತನ್ನ ಹೆಣ್ಣುಮಕ್ಕಳಿದ್ದ ಮನೆಗೆ ಬೆಂಕಿ ಹಚ್ಚಿದ ಆಘಾತಕಾರಿ ಘಟನೆ ಪಾಕಿಸ್ತಾನದ ಮುಜಾಫರ್ಗರ್ ಜಿಲ್ಲೆಯ ಪೀರ್ ಜಹನೈನ್ ಪಟ್ಟಣದಲ್ಲಿ ವರದಿಯಾಗಿದೆ. ಈ ಘಟನೆಯಲ್ಲಿ 7 ಮಂದಿ ಸಜೀವ ದಹನವಾಗಿದ್ದಾರೆ. ಈ ಸಂಬಂಧ ಆರೋಪಿ ಮಂಜೂರ್ ಹುಸೇನ್ ವಿರುದ್ಧ ಪೊಲೀಸರು ಲುಕ್ಔಟ್ ನೋಟಿಸ್ ಜಾರಿ ಮಾಡಿದ್ದಾರೆ.
ಕ್ಯಾನ್ಸರ್‌ ಮುಕ್ತ ಮಗನೊಂದಿಗೆ ಕುಣಿದು ಸಂಭ್ರಮಿಸಿದ ತಂದೆ; ಲಕ್ಷಾಂತರ ಮಂದಿಯ ಮೆಚ್ಚುಗೆಗೆ ಪಾತ್ರವಾಗಿದೆ ಈ ವಿಡಿಯೋ
ಮಂಜೂರ್ ಹುಸೇನ್ ಬೆಂಕಿ ಹಚ್ಚಿದ ಈ ಮನೆಯಲ್ಲಿ ಆತನ ಇಬ್ಬರು ಮಕ್ಕಳಾದ ಫೌಜಿಯಾ ಬೀಬಿ ಹಾಗೂ ಖುರ್ಷಿದ್ ಮೇ ಕುಟುಂಬ ವಾಸವಿತ್ತು. ಈ ದುರ್ಘಟನೆಯಲ್ಲಿ ಫೌಜಿಯಾ ಬೀಬಿ, ಖುರ್ಷಿದ್, ಬೀಬಿಯ ನಾಲ್ಕು ತಿಂಗಳ ಪುತ್ರ, ಖುರ್ಷಿದ್ ಮೂರು ಮಕ್ಕಳು ಹಾಗೂ ಅವರ ಪತಿ ಸಾವನ್ನಪ್ಪಿದ್ದಾರೆ.
ಮೃತರ ದೇಹವನ್ನು ಮರಣೋತ್ತರ ಪರೀಕ್ಷೆಗೆ ಜಿಲ್ಲಾಸ್ಪತ್ರೆಗೆ ರವಾನಿಸಲಾಗಿದೆ. ಈ ಘಟನೆ ನಡೆಯುವ ವೇಳೆ ಫೌಜಿಯಾ ಪತಿ ಮೆಹಬೂಬ್ ಅಹಮದ್ ಮನೆಯಿಂದ ಹೊರಗಡೆ ಇದ್ದರು ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.
ʼಕೋವಿಡ್ʼ ಸೋಂಕಿಗೊಳಗಾದರೂ ಲಸಿಕೆ ಹಾಕಿಸಿಕೊಳ್ಳೋದಿಲ್ಲವೆಂದ ನಟಿ…!
ಅಹಮದ್ ಹಾಗೂ ಫೌಜಿಯಾ 18 ತಿಂಗಳ ಹಿಂದೆ ವಿವಾಹವಾಗಿದ್ದರು. ಈ ಮದುವೆಗೆ ಮಂಜೂರ್ ಹುಸೇನ್ ವಿರೋಧವಿತ್ತು. ಇದೇ ಕಾರಣಕ್ಕೆ ದ್ವೇಷ ಬೆಳೆಸಿಕೊಂಡಿದ್ದ ಹುಸೇನ್ ಈ ಕೃತ್ಯ ಎಸಗಿದ್ದಾನೆ. ಪ್ರಕರಣ ಸಂಬಂಧ ಮೆಹಬೂಬ್ ಅಹಮದ್ ಮಂಜೂರ್ ಹುಸೇನ್ ಹಾಗೂ ಬಾವ ಸಬೀರ್ ಹುಸೇನ್ ವಿರುದ್ಧ ದೂರು ದಾಖಲಿಸಿದ್ದಾರೆ.
Loading ...