ದಾಖಲೆ ಬರೆದ ಓಲಾ ಎಲೆಕ್ಟ್ರಿಕಲ್​ ಸ್ಕೂಟರ್​: ಒಂದೇ ತಿಂಗಳಿನಲ್ಲಿ 25 ಸಾವಿರ ಯೂನಿಟ್ ಮಾರಾಟ

ಎಲೆಕ್ಟ್ರಿಕ್ ದ್ವಿಚಕ್ರ ವಾಹನಗಳ ತಯಾರಕರಾದ ಓಲಾ ಎಲೆಕ್ಟ್ರಿಕ್, ಡಿಸೆಂಬರ್ 2022 ರಲ್ಲಿ 25 ಸಾವಿರ ಯುನಿಟ್‌ಗಳಿಗಿಂತ ಹೆಚ್ಚು ಮಾರಾಟವಾಗಿದೆ ಎಂದು ವರದಿ ಮಾಡಿದೆ. ಇದರೊಂದಿಗೆ ಕಂಪೆನಿಯು ಭಾರತದಲ್ಲಿ ತನ್ನ ಮಾರುಕಟ್ಟೆ ಪಾಲನ್ನು 30 ಪ್ರತಿಶತಕ್ಕೆ ಹೆಚ್ಚಿಸಿದೆ.

ಬೇರೆ ರೀತಿಯಲ್ಲಿ ಹೇಳುವುದಾದರೆ, ಡಿಸೆಂಬರ್ 2022 ರಲ್ಲಿ ದ್ವಿಚಕ್ರ ವಾಹನ ತಯಾರಕರ ಮಾರಾಟವು ಹೊಸ ದಾಖಲೆಗಳನ್ನು ಸೃಷ್ಟಿಸಿದೆ. ಮಾರ್ಚ್ 2023 ರ ಅಂತ್ಯದ ವೇಳೆಗೆ, ತನ್ನ ನೇರ-ಗ್ರಾಹಕ ವ್ಯವಹಾರವನ್ನು ಬೆಳೆಸುತ್ತಿರುವ ಕಂಪೆನಿಯು 200 ಸ್ಥಳಗಳನ್ನು ತೆರೆಯುವ ಗುರಿಯನ್ನು ಹೊಂದಿದೆ. ಪ್ರಸ್ತುತ ರಾಷ್ಟ್ರದಾದ್ಯಂತ 100 ಅನುಭವ ಕೇಂದ್ರಗಳನ್ನು ತೆರೆಯಲಾಗಿದೆ.

“ಡಿಸೆಂಬರ್ ಟು ರಿಮೆಂಬರ್! ನಾವು 25 ಸಾವಿರ ಸ್ಕೂಟರ್‌ಗಳನ್ನು ಮಾರಾಟ ಮಾಡಿದ್ದೇವೆ ಮತ್ತು ನಮ್ಮ ಮಾರುಕಟ್ಟೆ ಪಾಲನ್ನು 30% ಕ್ಕೆ ಹೆಚ್ಚಿಸಿದ್ದೇವೆ. ಭಾರತದ ಎಲೆಕ್ಟ್ರಿಕಲ್​ ವಾಹನ ಕ್ರಾಂತಿಯು ನಿಜವಾಗಿಯೂ ಹೊರಹೊಮ್ಮಿದೆ! 2023 ಇನ್ನೂ ದೊಡ್ಡದಾಗಿರುತ್ತದೆ” ಎಂದು ಓಲಾ ಎಲೆಕ್ಟ್ರಿಕ್ ಸಿಇಒ ಭವಿಶ್ ಅಗರ್​ವಾಲ್​ ಟ್ವಿಟರ್​ನಲ್ಲಿ ಉಲ್ಲೇಖಿಸಿದ್ದಾರೆ.

ಓಲಾ ಎಲೆಕ್ಟ್ರಿಕ್ ಸಂಸ್ಥಾಪಕ ಮತ್ತು ಸಿಇಒ ಭವಿಶ್ ಅಗರ್ವಾಲ್ ಮಾತನಾಡಿ, 2022 ಜಾಗತಿಕ ಎಲೆಕ್ಟ್ರಿಕಲ್​ ವಾಹನ ಹಬ್ ಆಗುವತ್ತ ಭಾರತದ ಪ್ರಯಾಣ ಸಾಗಿದೆ ಎಂದಿದ್ದಾರೆ.