ಭಾರತದ ಮಾರುಕಟ್ಟೆಗೆ 5-ಬಾಗಿಲಿನ ಜಿಮ್ನಿ ಕಾರನ್ನು ಬಿಡುಗಡೆ ಮಾಡಲು ಮಾರುತಿ ಸುಜ಼ುಕಿ ಮುಂದಾಗಿದೆ. ಈ ಬಗ್ಗೆ ಕೆಲವು ವರದಿಗಳು ಬಂದಿದ್ದು, 2020 ಆಟೋ ಎಕ್ಸ್ಪೋ ವೇಳೆ ಮೂರು ಬಾಗಿಲಿನ ಜಿಮ್ನಿ ಕಾರನ್ನು ಕಂಪನಿ ಪ್ರದರ್ಶಿಸಿತ್ತು. ಆದರೆ ಈ ಕಾರಿನ ಬೆಲೆಯ ಕಾರಣದಿಂದಾಗಿ ಭಾರತದಲ್ಲಿ ಬಿಡುಗಡೆ ಮಾಡದಿರಲು ಮಾರುತಿ ಸುಜ಼ುಕಿ ನಿರ್ಧರಿಸಿತ್ತು.
ಇದಾದ ಬಳಿಕ ಐದು ಬಾಗಿಲಿನ ಜಿಮ್ನಿ ಅಭಿವೃದ್ಧಿಪಡಿಸುತ್ತಿರುವ ವಿಚಾರ ಬಹಿರಂಗಗೊಳಿಸಿದ್ದ ಮಾರುತಿ ಸುಜ಼ುಕಿ, ಭಾರತದ ಎಸ್‌ಯುವಿ ಪ್ರಿಯರಿಗೊಂದು ಇಂಟರೆಸ್ಟಿಂಗ್ ಸುದ್ದಿ ಕೊಟ್ಟಿತ್ತು. ಈ ಎಸ್‌ಯುವಿಯ ಬಿಡುಗಡೆ ಕುರಿತಂತೆ ಹೆಚ್ಚಿನ ಮಾಹಿತಿಗಳು ಇನ್ನೂ ಸಿಕ್ಕಿಲ್ಲ.
ಜಿಮ್ನಿ 5-ಡೋರ್‌ ನಾಲ್ಕು ಮೀಟರ್‌ ಉದ್ದವಿರಲಿದ್ದು, ಜಿಮ್ನಿ 3-ಡೋರ್‌ಗಿಂತ 300 ಮಿಮೀ ಉದ್ದವಿದೆ. ಜಿಮ್ನಿ 5-ಡೋರ್‌ನ ಉದ್ದ ವಿಟಾರಾ ಬ್ರೀಜ಼ಾಗಿಂತ ಸ್ವಲ್ಪ ಚಿಕ್ಕದಿದೆ.
ಜಿಮ್ನಿ 5-ಡೋರ್‌ಗೆ 1.5-ಲೀಟರ್‌ ಕೆ15ಬಿ ಪೆಟ್ರೋಲ್ ಇಂಜಿನ್‌ನ ಬಲವಿದ್ದು, ಎಸ್‌ಎಚ್‌ವಿಎಸ್‌ ವ್ಯವಸ್ಥೆ ಸಹ ಇದೆ. ಈ ಇಂಜಿನ್‌ 102ಬಿಎಚ್‌ಪಿ ಶಕ್ತಿ ಉತ್ಪಾದಿಸಲಿದ್ದು, 138ಎನ್‌ಎಂನಷ್ಟು ಟಾರ್ಕ್ ಶಕ್ತಿ ಹೊಂದಿದೆ. 5-ಸ್ಪೀಡ್ ಮ್ಯಾನುವಲ್ ಅಥವಾ 4-ಸ್ಪೀಡ್ ಟಾರ್ಕ್ ಪರಿವರ್ತಿತ ಸ್ವಯಂಚಾಲಿತ ಗೇರ್‌ಬಾಕ್ಸ್‌ ವರ್ಶನ್‌ಗಳಲ್ಲಿ ಜಿಮ್ನಿ 5-ಡೋರ್‌ ಕಾರು ಬರಲಿದೆ.
ಜಿಮ್ನಿ ಕಾರುಗಳನ್ನು ಭಾರತದಲ್ಲೇ ಉತ್ಪಾದಿಸುವ ಮಾರುತಿ ಸುಜ಼ುಕಿ, ರಫ್ತಿನ ದೃಷ್ಟಿಯಿಂದ ಎಡಬದಿ ಹಾಗೂ ಬಲಬದಿಗಳೆರಡೂ ಆಯ್ಕೆಯಲ್ಲಿ ಡ್ರೈವಿಂಗ್ ವ್ಯವಸ್ಥೆ ನೀಡುತ್ತಿದೆ. ಮಹಿಂದ್ರಾದ ಥಾರ್‌ ಹಾಗೂ ಫೋರ್ಸ್‌ನ ಗೂರ್ಖಾಗಳೊಂದಿಗೆ ಪೈಪೋಟಿದಾರನಾದ ಜಿಮ್ನಿಯ ಬೆಲೆ 10 ಲಕ್ಷ ರೂ.ಗಳ ಮೇಲ್ಪಟ್ಟಿರಲಿದೆ.
Loading ...