ಆರೋಗ್ಯ ಅಥವಾ ಸೌಂದರ್ಯ ಕಾರಣ ಏನೇ ಇರಲಿ ಡಯೆಟ್ ಅನ್ನೋದು ಒಂದಕ್ಕೊಂದು ಪೂರಕವಾಗಿಯೇ ಫಲಿತಾಂಶ ನೀಡುತ್ತದೆ. ಆದ್ರೆ ಡಯೆಟ್ ಅನ್ನೋ ನೆಪದಲ್ಲಿ ದೇಹಕ್ಕೆ ಅಗತ್ಯವಾದ ಪೋಷಕಾಂಶಗಳನ್ನು ನೀಡದೇ ಹೋದಲ್ಲಿ ಅದು ವ್ಯತಿರಿಕ್ತ ಪರಿಣಾಮ ಬೀರುತ್ತದೆ. ಈ ನಿಟ್ಟಿನಲ್ಲಿ ನಿಮ್ಮ ಡಯೆಟ್ನಲ್ಲಿ ಹಸಿ ತರಕಾರಿಗಳ ಕಾರ್ನ್ ಸಲಾಡ್ ಇರಲಿ. ಪ್ರೊಟೀನ್, ನಾರಿನಂಶವನ್ನು ಹೊಂದಿರುವ ಈ ಸಲಾಡ್ ಡಯೆಟ್ನಿಂದ ಮಂಕಾಗುವ ತ್ವಚೆಯ ಸೌಂದರ್ಯವನ್ನು ಇಮ್ಮಡಿಗೊಳಿಸುತ್ತದೆ.
ಹಾಗಾದ್ರೆ ಕಾರ್ನ್ ಸಲಾಡ್ ಮಾಡೋದು ಹೇಗೆ ನೋಡೋಣ ಬನ್ನಿ.
ಮೊದಲಿಗೆ ಒಂದು ಎಳೆ ಸೌತೆಕಾಯಿಯನ್ನು ಸಿಪ್ಪೆ ಸಹಿತ ಸಣ್ಣ ಹೋಳುಗಳಾಗಿ ಹೆಚ್ಚಿಕೊಳ್ಳಿ.
ಬಳಿಕ ಒಂದು ದೊಡ್ಡ ಕ್ಯಾರೆಟ್ ಅನ್ನು ತುರಿದುಕೊಳ್ಳಿ.
ಆ ನಂತರ ಅರ್ಧ ಈರುಳ್ಳಿಯನ್ನು ಸಣ್ಣಗೆ ಹೆಚ್ಚಿಕೊಳ್ಳಿ.
10 ಬೇಬಿ ಟೊಮ್ಯಾಟೊವನ್ನು ಸಣ್ಣದಾಗಿ ಹೆಚ್ಚಿಕೊಳ್ಳಿ.
ಈಗ ಒಂದು ದೊಡ್ಡ ಬೌಲ್ಗೆ ಸಣ್ಣದಾಗಿ ಹೆಚ್ಚಿಕೊಂಡ ಸೌತೆಕಾಯಿ, ಈರುಳ್ಳಿ, ಕ್ಯಾರೆಟ್ ತುರಿ, ಒಂದು ಮುಷ್ಟಿಯಷ್ಟು ಹಸಿರು ಮೊಳಕೆಕಾಳು, ಟೊಮ್ಯಾಟೊ ಹೋಳು ಸೇರಿಸಿಕೊಳ್ಳಿ.
ನಂತರ ಇದೇ ಬೌಲ್ಗೆ ಒಂದು ಬಟ್ಟಲು ಜೋಳದ ಕಾಳುಗಳನ್ನು ಸೇರಿಸಿಕೊಳ್ಳಿ. ನಂತರ 1 ಸ್ಪೂನ್ನಷ್ಟು ಕೊತ್ತಂಬರಿ ಸೊಪ್ಪನ್ನು ಹಾಕಿಕೊಳ್ಳಬೇಕು. ಬಳಿಕ ಕಾಲು ಚಮಚದಷ್ಟು ಅಚ್ಚಖಾರದ ಪುಡಿ ಸೇರಿಸಿ ಮಿಕ್ಸ್ ಮಾಡಿಕೊಳ್ಳಬೇಕು.
ನಂತರ ಇದಕ್ಕೆ ಒಂದು ನಿಂಬೆ ಹಣ್ಣಿನ ರಸ ಸೇರಿಸಿ ಮಿಕ್ಸ್ ಮಾಡಿಕೊಳ್ಳಬೇಕು. ಆ ನಂತರ ಅರ್ಧ ಸ್ಪೂನ್ ಉಪ್ಪು ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿಕೊಳ್ಳಬೇಕು. ಇಷ್ಟಾದ್ರೆ ಡಯೆಟ್ಗೆ ನೆರವಾಗುವ ಕಾರ್ನ್ ಸಲಾಡ್ ಸವಿಯಲು ಸಿದ್ಧ.
ಈ ಸಲಾಡ್ ಸಂಜೆ ಚಾಟ್ ಇಲ್ಲವೇ ಬೆಳಿಗ್ಗೆಯ ಬ್ರೇಕ್ಫಾಸ್ಟ್ನಲ್ಲೂ ಸೇವಿಸಬಹುದು. ಜ್ಯೂಸಿ ಮತ್ತು ಟೇಸ್ಟೀ ಸಲಾಡ್ ನಿಮ್ಮ ಹಸಿವನ್ನು, ತಿನಿಸಿನ ಮೋಹವನ್ನು ಖಂಡಿತಾ ತೃಪ್ತಿಪಡಿಸುತ್ತದೆ.
Loading ...