ಮಾರುಕಟ್ಟೆಯಲ್ಲಿ ಹೆಚ್ಚುತ್ತಿರುವ ಕಾರು ಬೇಡಿಕೆಯನ್ನು ಪೂರೈಸಲು ಟಾಟಾ ಮೋಟಾರ್ಸ್ ತಮ್ಮ ವಾಹನವನ್ನು ಕಾಲಕಾಲಕ್ಕೆ ಹೊಸ ವೈಶಿಷ್ಟ್ಯಗಳೊಂದಿಗೆ ನವೀಕರಿಸುತ್ತದೆ. ಹೊಸ ಹೊಸ ಎಡಿಷನ್ಗಳಲ್ಲಿ ಮಾರುಕಟ್ಟೆಗೆ ಪರಿಚಯಿಸುತ್ತಿದೆ.
ವರದಿಯ ಪ್ರಕಾರ, ಟಾಟಾ ಮೋಟಾರ್ಸ್ ಮುಂದಿನ ದಿನಗಳಲ್ಲಿ ಹೊಸ ಟಾಟಾ ಆಲ್ಟ್ರೋಜ್ ಸಿ.ಎನ್.ಜಿ. ಎಡಿಷನ್ ಹೊರತರಲು ಸಜ್ಜಾಗುತ್ತಿದೆ. ಈಗಾಗಲೇ ಸಿದ್ಧತೆಗಳು ಭರದಿಂದ ನಡೆದಿದೆ. ಮಾರುತಿ ಸುಜುಕಿ ಇತ್ತೀಚೆಗೆ ಮಾರುತಿ ಸುಜುಕಿ ಸ್ವಿಫ್ಟ್ ಎಸ್- ಸಿಎನ್ಜಿ ರೂಪಾಂತರವನ್ನು ಹೊರತರುವ ಮೂಲಕ ಗಮನ ಸೆಳೆದಿತ್ತು.
ಪ್ರಸ್ತುತ, ಟಾಟಾ ಟಿಯಾಗೊ ಮತ್ತು ಟಾಟಾ ಟಿಗೊರ್ ಟಾಟಾ ಮೋಟಾರ್ಸ್ ಪೋರ್ಟ್ಫೋಲಿಯೊದಲ್ಲಿ ಸಿ.ಎನ್.ಜಿ. ರೂಪಾಂತರದೊಂದಿಗೆ ಲಭ್ಯವಿದೆ. ಇದೇ ಬೆಳವಣಿಗೆ ಮುಂದುವರಿದರೆ ಸುರಕ್ಷತೆ ಮತ್ತು ಬಾಳಿಕೆಯ ಉನ್ನತ ಗುಣಮಟ್ಟದಿಂದಾಗಿ ಖರೀದಿದಾರರಲ್ಲಿ ಸಾಕಷ್ಟು ಜನಪ್ರಿಯವಾಗಿರುವ ಟಾಟಾ ನೆಕ್ಸಾನ್ ಮತ್ತು ಟಾಟಾ ಪಂಚ್ ರಿಯಲ್ನ ಸಿ.ಎನ್.ಜಿ. ರೂಪಾಂತರಗಳನ್ನು ಸಹ ಶೀಘ್ರದಲ್ಲೇ ನೋಡಬಹುದು.
ಪೆಟ್ರೋಲ್ ಆವೃತ್ತಿಗಳಲ್ಲಿ ಕಂಡುಬರುವ ಎಲ್ಲಾ ಅನುಕೂಲತೆಗಳು ಸಿ.ಎನ್.ಜಿ. ಆಲ್ಟ್ರೊಜ್ನಲ್ಲಿ ಸಹ ಲಭ್ಯವಾಗುತ್ತದೆ. ಕಾರಿನ ಪ್ರಾಥಮಿಕ ವೈಶಿಷ್ಟ್ಯಗಳಲ್ಲಿ ಲೆದರ್ನಿಂದ ಆವೃತವಾದ ಸ್ಟೀರಿಂಗ್, 7-ಇಂಚಿನ ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್, ಇನ್ಫೋಟೈನ್ಮೆಂಟ್ ಸಿಸ್ಟಮ್ ಸೇರಿವೆ. ಕ್ರೂಸ್ ಕಂಟ್ರೋಲ್, ಆಂಬಿಯೆಂಟ್ ಲೈಟಿಂಗ್, ಸೆಮಿ- ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಮತ್ತು ಐಆರ್ಎ ಲಿಂಕ್ಡ್ ವೆಹಿಕಲ್ ಟೆಕ್ನಾಲಜಿ ಇತರ ವೈಶಿಷ್ಟ್ಯಗಳಲ್ಲಿ ಸೇರಿವೆ.
ಪೆಟ್ರೋಲ್ ಆವೃತ್ತಿಗೆ ಹೋಲಿಸಿದರೆ ಸಿ.ಎನ್.ಜಿ. ರೂಪಾಂತರವು ಕಡಿಮೆ ಕಾರ್ಯಕ್ಷಮತೆ ಹೊಂದಿರುತ್ತದೆ. 1.2-ಲೀಟರ್ ಟರ್ಬೊ ಪೆಟ್ರೋಲ್ ಎಂಜಿನ್ ಗರಿಷ್ಠ 110 ಪಿಎಸ್ ಪವರ್ ಔಟ್ಪುಟ್ ಮತ್ತು 140 ಎನ್ಎಂ ಗರಿಷ್ಠ ಟಾರ್ಕ್ ಅನ್ನು ಹೊಂದಿದೆ. ಸಿ.ಎನ್.ಜಿ. ಖರೀದಿದಾರರಿಗೆ 10-15 ಪಿಎಸ್ನ ಕುಸಿತವನ್ನು ನಿರೀಕ್ಷಿಸಲಾಗಿದೆ.
Loading ...