ಐಷಾರಾಮಿ ಕಾರುಗಳನ್ನು ಸಾಗಿಸುತ್ತಿದ್ದ ಹಡಗು ಬೆಂಕಿಗಾಹುತಿ

ಐಷಾರಾಮಿ ಕಾರುಗಳನ್ನು ಹೊತ್ತೊಯ್ಯುತ್ತಿದ್ದ ಸರಕು ಸಾಗಣೆಯ ಹಡಗೊಂದು ಬೆಂಕಿಗೆ ಆಹುತಿಯಾದ ಪರಿಣಾಮ ಅಟ್ಲಾಂಟಿಕ್​ ಸಾಗರದಲ್ಲಿ ಮುಳುಗಿ ಹೋಗಿದೆ. ಬೃಹತ್​ ಹಡಗಿನಲ್ಲಿದ್ದ 22 ಸಿಬ್ಬಂದಿಯನ್ನು ಘಟನಾ ಸ್ಥಳದಿಂದ ಸ್ಥಳಾಂತರಿಸಲಾಗಿದೆ. ಸುಡುತ್ತಿದ್ದ ಕಾರುಗಳ ಜೊತೆಯಲ್ಲಿ ಫೆಲಿಸಿಟಿ ಏಸ್​ ಮಧ್ಯ ಅಟ್ಲಾಂಟಿಕ್​ ಅಜೋರ್ಸ್​ ದ್ವೀಪಗಳ ಬಳಿ ತೇಲಿದೆ. ಈ ಹಡಗು ಜರ್ಮನಿಯ ಎಂಡೆನ್​ನಿಂದ ಅಮೆರಿಕದ ರೋಡ್​ ಐಲ್ಯಾಂಡ್​​ನ ಡೇವಿಸ್​​ವಿಲ್ಲೆ ಬಂದರಿಗೆ ನೌಕಾಯಾನ ಮಾಡುತ್ತಿತ್ತು.

ಫೆಲಿಸಿಟಿ ಏಸ್​ 17 ಸಾವಿರ ಮೆಟ್ರಿಕ್​ ಟನ್​ಗಿಂತ ಹೆಚ್ಚಿನ ಸರಕನ್ನು ಸಾಗಿಸುವ ಸಾಮರ್ಥ್ಯವನ್ನು ಹೊಂದಿದೆ. ಸಾಮಾನ್ಯವಾಗಿ ಇದನ್ನು ಸಾವಿರಾರು ಕಾರುಗಳನ್ನು ಸಾಗಿಸಲು ಬಳಕೆ ಮಾಡಲಾಗುತ್ತದೆ.

ಪೋರ್ಚುಗೀಸ್ ನೌಕಾಪಡೆಯ ಹಡಗು ಜರ್ಮನಿಯಿಂದ ಯುನೈಟೆಡ್ ಸ್ಟೇಟ್ಸ್‌ಗೆ ಅಟ್ಲಾಂಟಿಕ್ ಸಮುದ್ರಯಾನದಲ್ಲಿ ವಾಹನ ಸಾಗಣೆ ಮಾಡುತ್ತಿತ್ತು. ಬೆಂಕಿ ಇನ್ನೂ ಉರಿಯುತ್ತಿದ್ದು ಆ ಸ್ಥಳದಾದ್ಯಂತ ದಟ್ಟ ಹೊಗೆ ಮಂಜಿನಂತೆ ಆವರಿಸಿದೆ ಎಂದು ನೌಕಾಪಡೆ ಮಾಹಿತಿ ನೀಡಿದೆ.