ಟೊಮೆಟೊ ಬೆಲೆ ಏರಿಕೆ ಒತ್ತಡದಿಂದ ತತ್ತರಿಸಿದ ಗ್ರಾಹಕರಿಗೆ ಮತ್ತೊಂದು ಶಾಕ್: ಹಾಲಿನ ದರ ಶೇ.5 ರಷ್ಟು ಏರಿಕೆ ಸಾಧ್ಯತೆ

ನವದೆಹಲಿ: ಟೊಮೆಟೊ ದರ ಏರಿಕೆಯ ಒತ್ತಡದಲ್ಲಿ ಗ್ರಾಹಕರು ತತ್ತರಿಸುತ್ತಿರುವ ಬೆನ್ನಲ್ಲೇ ಇದೀಗ ಹಾಲಿನ ದರ ಏರಿಕೆ ಬಿಸಿ ತಟ್ಟಲಿದೆ. ಮುಂಬರುವ ದಿನಗಳಲ್ಲಿ ಶೇ.5ರಷ್ಟು ಏರಿಕೆಯಾಗುವ ಸಾಧ್ಯತೆ ಇದೆ.

1 ಲೀಟರ್ ಹಾಲಿನ ದರ ಎಷ್ಟು?

ಅಮುಲ್ ಗೋಲ್ಡ್ ಲೀಟರ್‌ಗೆ 66 ರೂ.

ಮದರ್ ಡೈರಿ ಫುಲ್ ಕ್ರೀಮ್ ಪ್ರತಿ ಲೀಟರ್ ಗೆ 66 ರೂ.

ನಂದಿನಿ ವಿಶೇಷ ಹಾಲು ಲೀಟರ್‌ಗೆ 41 ರೂ.

ಸುಧಾ ಪೂರ್ಣ ಕೆನೆ ಹಾಲು ಲೀಟರ್‌ಗೆ 62 ರೂ.

ಸಾಂಚಿ ಫುಲ್ ಕ್ರೀಮ್ ಹಾಲು ಲೀಟರ್ ಗೆ 63 ರೂ.

ಬೆಲೆ ಏರಿಕೆಯ ಹಿಂದಿನ ಕಾರಣಗಳು

ಕಳೆದ ಮೂರು ವರ್ಷಗಳಲ್ಲಿ, ಪೂರೈಕೆ-ಸಂಬಂಧಿತ ಸಮಸ್ಯೆಗಳು ಮತ್ತು ಕೋವಿಡ್-19 ಸಾಂಕ್ರಾಮಿಕ ಮತ್ತು ಜಾನುವಾರುಗಳಲ್ಲಿ ಉಬ್ಬಿರುವ ಚರ್ಮದ ಕಾಯಿಲೆಯ ಪ್ರಭಾವದಿಂದಾಗಿ ಹಾಲಿನ ಬೆಲೆಗಳು ಒತ್ತಡದಲ್ಲಿಯೇ ಉಳಿದಿವೆ.

ಇದರ ಪರಿಣಾಮವಾಗಿ ಕಳೆದ ಮೂರು ವರ್ಷಗಳಲ್ಲಿ ಹಾಲಿನ ದರ ಶೇ.22ರಷ್ಟು ಏರಿಕೆಯಾಗಿದೆ. ವಾರ್ಷಿಕ ಲೆಕ್ಕದಲ್ಲಿ ಕಳೆದ ಒಂದು ವರ್ಷದಲ್ಲಿ ಕೆಲ ಬ್ರ್ಯಾಂಡ್ ಹಾಲಿನ ಬೆಲೆ ಲೀಟರ್‌ಗೆ 10 ರೂ. ಏರಿಕೆಯಾಗಿದೆ.

ಹವಾಮಾನ ಬದಲಾವಣೆಯ ಪರಿಣಾಮವು ಜಾನುವಾರುಗಳ ಆಹಾರದ ಬೆಲೆಯನ್ನು ಹೆಚ್ಚಿಸಿದೆ. ಎಣ್ಣೆ ತೆಗೆದ ಹೊಟ್ಟು, ಜಾನುವಾರುಗಳ ಮೇವಿನ ಪ್ರಮುಖ ಘಟಕಾಂಶವಾಗಿದೆ, ಈ ಹಿಂದೆ ಪ್ರತಿ ಟನ್‌ಗೆ 15,000 ರೂ.ಗೆ ಹೋಲಿಸಿದರೆ ಈಗ 18.000-18500 ರೂ. ದರ ಇದೆ.

ಮತ್ತೊಂದು ಪ್ರಮುಖ ಮೇವಿನ ಘಟಕ, ಜೋಳದ ಬೆಲೆ ಈಗ ಟನ್‌ಗೆ 24,5000 ರೂ. ಸದ್ಯ ರಾಗಿ ಬೆಲೆಯೂ ಗಗನಕ್ಕೇರುತ್ತಿದೆ. ಜೂನ್ ಅಂತ್ಯದ ವೇಳೆಗೆ ಮತ್ತು ಜುಲೈನಲ್ಲಿ, ಟೊಮೆಟೊ ಬೆಲೆಗಳು ಶೇಕಡ 400 ರಷ್ಟು ಏರಿತು.

ಆಗಸ್ಟ್ 1 ರಿಂದ ಜಾರಿಗೆ ಬರುವಂತೆ ಹಾಲಿನ ದರವನ್ನು ಲೀಟರ್‌ಗೆ 3 ರೂ.ಗಳಷ್ಟು ಹೆಚ್ಚಿಸುವ ರಾಜ್ಯದ ಹಾಲು ಸಹಕಾರಿ ಕರ್ನಾಟಕ ಹಾಲು ಒಕ್ಕೂಟದ(ಕೆಎಂಎಫ್) ಬೇಡಿಕೆಗೆ ಕರ್ನಾಟಕ ಸರ್ಕಾರವು ಒಪ್ಪಿಗೆ ನೀಡಿದೆ.