ಅಮೆರಿಕಾದ ರಿಯಾಲಿಟಿ ಶೋನಲ್ಲಿ ಮಿಂಚಿದ ಭಾರತದ ಬಡ ರೈತನ ಮಗಳು

ಪ್ರತಿಷ್ಠಿತ America’s Got Talent ರಿಯಾಲಿಟಿ ಶೋನಲ್ಲಿ ಈ ಬಾರಿ ಭಾರತ ಮೂಲದ ಇಬ್ಬರು ನೃತ್ಯಪಟುಗಳು ಮಿಂಚುತ್ತಿದ್ದಾರೆ.

ಕೃಷಿಕ ಮನೆತನದ ಮಗಳಾದ ಸೋನಾಲಿ ಮಜುಮ್ದಾರ್‌ ಹಾಗೂ ಕೋಲ್ಕತ್ತಾದ ಮರಾಜು ಸುಮಂತ್‌ ಈ ರಿಯಾಲಿಟಿ ಶೋನಲ್ಲಿ ಸಖತ್‌ ಸದ್ದು ಮಾಡುತ್ತಿದ್ದಾರೆ. ಬಡ ರೈತನ ಮಗಳಾದ ಸೋನಾಲಿಯ ತಂದೆಯ ದುಡಿಮೆಯಲ್ಲಿ ಎರಡು ಹೊತ್ತಿನ ಊಟಕ್ಕೂ ಕಷ್ಟಪಡುತ್ತಿದ್ದ ಪರಿಸ್ಥಿತಿ ಅವರ ಕುಟುಂಬದಲ್ಲಿ ನೆಲೆಸಿತ್ತು. ಈ ಕಷ್ಟವನ್ನೆಲ್ಲಾ ಮೆಟ್ಟಿ ನಿಂತ ಮೇಲೆದ್ದು ಬಂದಿದ್ದಾರೆ ಸೋನಾಲಿ.

ರಣವೀರ್‌ ಕಪೂರ್‌ ಹಾಗೂ ದೀಪಿಕಾ ಪಡುಕೋಣೆ ಅಭಿನಯದ ‘Goliyon Ki Rasleela: Ram-Leela’s song ‘Tattad Tattad’ ಚಿತ್ರದ ಹಾಡಿಗೆ ಈ ಇಬ್ಬರೂ ಹೆಜ್ಜೆ ಹಾಕಿದ್ದು, ಶೋನಲ್ಲಿ ನೆರೆದಿದ್ದ ಸಭಿಕರ ಮನಸೂರೆಗೊಂಡಿದೆ.