ಕೊರೊನಾ ನಾಶ ಮಾಡುವ ವಿಡಿಯೋ ಗೇಮ್​ ಕಂಡು ಹಿಡಿದ ಬಾಲಕ..!

ಕೆಟ್ಟ ವರ್ಷವಾದ 2020ಕ್ಕೆ ವಿದಾಯ ಹೇಳಿ 2021ಕ್ಕೆ ಸ್ವಾಗತ ಕೋರಿದ ನಂತರ ಕೋವಿಡ್​ ಮುಕ್ತ ಜಗತ್ತಿಗಾಗಿ ಪ್ರತಿಯೊಬ್ಬರೂ ಎದುರು ನೋಡುತ್ತಿದ್ದಾರೆ.

ಕೊರೊನಾ ವೈರಸ್​ನ್ನ ಸಂಪೂರ್ಣವಾಗಿ ನಾಶ ಮಾಡಬೇಕು ಎಂಬುದು ಪ್ರತಿಯೊಬ್ಬನ ಕನಸಾಗಿದೆ. ಈ ಕನಸನ್ನ ಅಮೆರಿಕದ ಮಿನ್ನೆಸೋಟದ ಬಾಲಕನೊಬ್ಬ ಸಾಕಾರಗೊಳಿಸಿದ್ದಾನೆ.

ಈತ ಕಂಡು ಹಿಡಿದಿರುವ ಕೋವಿಡ್​ ಇನ್ವೆಡರ್ಸ್​ ಎಂಬ ಮೊಬೈಲ್​ ಗೇಮ್​ ಮೂಲಕ ಒಂದೇ ಕ್ಲಿಕ್​ನಲ್ಲಿ ನೀವು ಕೊರೊನಾ ವೈರಸ್​ ನಾಶ ಮಾಡಬಹುದಾಗಿದೆ.

ಜೋಶ್​ ಟೆನ್ರ್ಯಾಕ್​ ಎಂಬ ಬಾಲಕ ಈ ವಿಡಿಯೋ ಗೇಮ್​ ಕಂಡು ಹಿಡಿದಿದ್ದಾನೆ. ಇದರಲ್ಲಿ ಬಳಕೆದಾರರು ಲಸಿಕೆ ಮೂಲಕ ಕೊರೊನಾ ವೈರಸ್​ ಮೇಲೆ ದಾಳಿ ಮಾಡಬಹುದಾಗಿದೆ. ಸಾಂಕ್ರಾಮಿಕ ಆತಂಕದಲ್ಲಿರುವ ಜನತೆ ಈ ವಿಡಿಯೋ ಗೇಮ್ ಮೂಲಕ ಮನಸ್ಸನ್ನ ನಿರಾಳ ಮಾಡಿಕೊಳ್ಳಬಹುದು ಅಂತಾ ಜೋಶ್​ ಹೇಳಿದ್ದಾನೆ.

70 ದಶಕದಲ್ಲಿ ಜನಪ್ರಿಯವಾಗಿದ್ದ ವಿಡಿಯೋ ಗೇಮ್​ ಸ್ಪೇಸ್​ ಇನ್ವೇಡರ್ಸ್​ನಿಂದ ಸ್ಪೂರ್ತಿ ಪಡೆದು ಜೋಶ್​ ಈ ಗೇಮ್​ ರಚಿಸಿದ್ದಾರೆ. 16 ವರ್ಷದ ಜೋಶ್​ 11ನೇ ವಯಸ್ಸಿನಲ್ಲೇ ಕೋಡಿಂಗ್​ ಕಲಿತಿದ್ದಾನೆ. ಹೀಗಾಗಿ ಈತನಿಗೆ ವಿಡಿಯೋ ಗೇಮ್ ರೂಪಿಸೋದು ಸುಲಭವಾಯಿತು.