ತಿರುವನಂತಪುರಂನ ಗ್ರೀನ್ ಫೀಲ್ಡ್ ಇಂಟರ್ ನ್ಯಾಷನ್ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಶ್ರೀಲಂಕಾ ವಿರುದ್ಧದ ಏಕದಿನ ಸರಣಿಯ ಮೂರನೇ ಏಕದಿನ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ಭರ್ಜರಿ ಶತಕ ಸಿಡಿಸಿದ್ದಾರೆ.
ಏಕದಿನ ಪಂದ್ಯದಲ್ಲಿ 46ನೇ ಶತಕ ಬಾರಿಸಿದ್ದಾರೆ ಈ ಶತಕದೊಂದಿಗೆ ಕೊಹ್ಲಿ ತಮ್ಮದೇ ದಾಖಲೆಯನ್ನು ಮುರಿದರು. ಏಕೈಕ ಎದುರಾಳಿಯ ವಿರುದ್ಧ ಅತಿ ಹೆಚ್ಚು ಶತಕಗಳ ಪಟ್ಟಿಯಲ್ಲಿ ಸಚಿನ್ ಅವರನ್ನು ಹಿಂದಿಕ್ಕಿದರು. ಭಾರತದ ಮಾಜಿ ನಾಯಕ ಶ್ರೀಲಂಕಾ ವಿರುದ್ಧ ಏಕದಿನ ತಂಡದ ವಿರುದ್ಧ 10 ಶತಕಗಳನ್ನು ಗಳಿಸಿದ ಏಕೈಕ ಬ್ಯಾಟರ್. ಅವರು ವೆಸ್ಟ್ ಇಂಡೀಸ್ ವಿರುದ್ಧ 9 ಶತಕಗಳನ್ನು ಹೊಂದಿದ್ದಾರೆ ಮತ್ತು ಆಸ್ಟ್ರೇಲಿಯಾ ವಿರುದ್ಧ ಸಚಿನ್ ಇದೇ ರೀತಿಯ ಮೊತ್ತ ಹೊಂದಿದ್ದಾರೆ.
ತವರಿನಲ್ಲಿ ಅತಿ ಹೆಚ್ಚು ಶತಕ ಸಿಡಿಸಿದ ಸಚಿನ್ ದಾಖಲೆಯನ್ನೂ ಕೊಹ್ಲಿ ಮುರಿದಿದ್ದಾರೆ. ಇದು ಭಾರತದಲ್ಲಿ 101 ಇನ್ನಿಂಗ್ಸ್‌ ಗಳಲ್ಲಿ ಕೊಹ್ಲಿ ಅವರ 21 ನೇ ಶತಕ ಆಗಿದೆ. ಈ ವಾರದ ಆರಂಭದಲ್ಲಿ ಸರಣಿಯ ಆರಂಭಿಕ ಪಂದ್ಯದಲ್ಲಿ ಅವರು 113 ರನ್ ಗಳಿಸುವ ಮೂಲಕ ತವರಲ್ಲಿ ಸಚಿನ್ ಅವರ ತವರಲ್ಲಿ 20 ಏಕದಿನ ಶತಕಗಳ ದಾಖಲೆ ಸರಿಗಟ್ಟಿದ್ದರು.
ಅರ್ಧಶತಕದ ಗಡಿಯನ್ನು ತಲುಪಿದ ನಂತರ, ಕೊಹ್ಲಿ ಏಕದಿನ ಕ್ರಿಕೆಟ್ ನಲ್ಲಿ ತವರಿನಲ್ಲಿ ಅತಿ ಹೆಚ್ಚು 50 ಪ್ಲಸ್ ಸ್ಕೋರ್‌ ಗಳ ಎರಡನೇ ಸ್ಥಾನದಲ್ಲಿ ಆಸ್ಟ್ರೇಲಿಯಾದ ಮಾಜಿ ನಾಯಕ ರಿಕಿ ಪಾಂಟಿಂಗ್ ಮತ್ತು ದಕ್ಷಿಣ ಆಫ್ರಿಕಾದ ದಂತಕಥೆ ಆಲ್‌ರೌಂಡರ್ ಜಾಕ್ವೆಸ್ ಕಾಲಿಸ್ ಅವರನ್ನು ಸೇರಿಕೊಂಡರು. ಮೂವರೂ ತಮ್ಮ ಹೆಸರಿಗೆ ಅಂತಹ 46 ಸ್ಕೋರ್‌ ಗಳನ್ನು ಹೊಂದಿದ್ದಾರೆ. ಭಾರತದ ಮಾಜಿ ಬ್ಯಾಟರ್ ಸಚಿನ್ ತೆಂಡೂಲ್ಕರ್ (58) ಮುಂದಿದ್ದಾರೆ.
ಈ ಹಾದಿಯಲ್ಲಿ ಕೊಹ್ಲಿ ಅವರು ಕಾಲಿಸ್ ರನ್ನು(5186 ರನ್‌ಗಳು) ಹಿಂದಿಕ್ಕಿದ್ದಾರೆ. ಏಕದಿನ ಸ್ವರೂಪದಲ್ಲಿ ಸ್ವದೇಶದಲ್ಲಿ ಮೂರನೇ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರರಾದರು. ಸಚಿನ್(6976) ಮತ್ತು ಪಾಂಟಿಂಗ್ (5521) ಮಾತ್ರ ತವರಿನಲ್ಲಿ ಕೊಹ್ಲಿಗಿಂತ ಹೆಚ್ಚು ರನ್ ಗಳಿಸಿದ್ದಾರೆ.
ಆದಾಗ್ಯೂ ಹೆಚ್ಚು ಎದ್ದುಕಾಣುವ ಮೈಲಿಗಲ್ಲು ಎಂದರೆ ಕೊಹ್ಲಿ ಏಕದಿನ ಕ್ರಿಕೆಟ್‌ನಲ್ಲಿ ಅಗ್ರ-ಐದು ರನ್ ಗಳಿಸಿದವರ ಪಟ್ಟಿಯಲ್ಲಿ ಸ್ಥಾನ ಪಡೆದರು. 64 ರನ್‌ಗಳ ಗಡಿಯನ್ನು ತಲುಪಿದ ನಂತರ, 50 ಓವರ್‌ಗಳ ಕ್ರಿಕೆಟ್‌ನಲ್ಲಿ ತಮ್ಮ ವೃತ್ತಿಜೀವನದಲ್ಲಿ 12650 ರನ್ ಗಳಿಸಿದ ಶ್ರೀಲಂಕಾದ ದಿಗ್ಗಜ ಮಹೇಲಾ ಜಯವರ್ಧನೆ ಅವರನ್ನು ಕೊಹ್ಲಿ ಮೀರಿಸಿದರು. ಟಾಪ್ ಸ್ಕೋರರ್ ಸಚಿನ್(18426) ನಂತರ ಕೊಹ್ಲಿ ಈಗ ಪಟ್ಟಿಯಲ್ಲಿ ಎರಡನೇ ಭಾರತೀಯರಾಗಿದ್ದಾರೆ. ಇತರರಲ್ಲಿ ಕುಮಾರ್ ಸಂಗಕ್ಕಾರ(14234), ಪಾಂಟಿಂಗ್ (13704) ಮತ್ತು ಸನತ್ ಜಯಸೂರ್ಯ (13430) ಪಟ್ಟಿಯಲ್ಲಿದ್ದಾರೆ.
Loading ...