ಪರ ಸ್ತ್ರೀಯೊಂದಿಗೆ ಇದ್ದ ಪತಿಯನ್ನು ರೆಡ್ ಹ್ಯಾಂಡ್ ಆಗಿ ಹಿಡಿದ ಪತ್ನಿಯು ಆಕೆಗೆ ಥಳಿಸಿದ ವಿಡಿಯೋವೊಂದು ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಔರಂಗಾಬಾದ್ನಲ್ಲಿ ನಡೆದ ಘಟನೆ ಇದಾಗಿದ್ದು ಇದರಲ್ಲಿ ಸೀರೆ ಧರಿಸಿದ್ದ ಮಹಿಳೆಯು ಹೋಟೆಲ್ನ ಹೊರಗಡೆ ಪಾರ್ಕ್ ಮಾಡಲಾಗಿದ್ದ ಕಾರಿನ ಬಳಿ ಓಡಿ ಬರುತ್ತಾಳೆ. ಕಾರಿನ ಒಳಗೆ ಕುಳಿತಿದ್ದ ಮಹಿಳೆಯನ್ನು ಹೊರಗೆ ಎಳೆದು ಥಳಿಸಲು ಆರಂಭಿಸುತ್ತಾಳೆ. ಹೊಡೆತ ತಿನ್ನುತ್ತಿರುವ ಮಹಿಳೆ ಮುಖಕ್ಕೆ ಬಿಳಿ ಬಣ್ಣ ದುಪ್ಪಟ್ಟಾ ಹಾಕಿಕೊಂಡಿದ್ದಳು. ಈ ದುಪ್ಪಟ್ಟ ಎಳೆಯಲು ಪತ್ನಿ ಯತ್ನಿಸುತ್ತಿದ್ದರೆ ಇನ್ನೊಂದೆಡೆ ಪತಿಯ ಬಳಿ ಈಕೆ ಯಾರು ಎಂದು ಆಕ್ರೋಶದಿಂದ ಪ್ರಶ್ನೆ ಮಾಡಿದ್ದಾಳೆ.
ಪತಿ ಮಾತ್ರ ತನ್ನ ಮಹಿಳೆಯನ್ನು ಪತ್ನಿಯ ಕೈಯಿಂದ ಕಾಪಾಡೋಕೆ ಇನ್ನಿಲ್ಲದ ಹರಸಾಹಸ ಪಟ್ಟಿದ್ದಾನೆ. ಬಹುಶಃ ಕಾರಿನಲ್ಲಿದ್ದ ಮಹಿಳೆ ಹಾಗೂ ವ್ಯಕ್ತಿ ಹೋಟೆಲ್ನ ಒಳಗಡೆ ಹೋಗುವವರಿದ್ದರು ಎಂದು ಅಂದಾಜಿಸಲಾಗಿದೆ. ಇದೇ ಕ್ಷಣಕ್ಕೆ ಕಾಯುತ್ತಿದ್ದ ಪತ್ನಿ ಪತಿಯನ್ನು ರೆಡ್ ಹ್ಯಾಂಡ್ ಆಗಿ ಹಿಡಿದಿದ್ದಾರೆ. ಈ ವಿಡಿಯೋವನ್ನು ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಲಾಗಿದ್ದು, ಎಲ್ಲರಿಗೂ ಮನೆಯ ಹೊರಗಡೆ ಸಿಗುವ ಬಿರಿಯಾನಿಯೇ ಬೇಕು. ಮನೆಯಲ್ಲೇ ಇರುವ ಅನ್ನ – ಸಾಂಬಾರು ಏಕೆ ಬೇಡ..? ಎಂದು ಶೀರ್ಷಿಕೆ ನೀಡಲಾಗಿದೆ. ಈ ವಿಡಿಯೋ ಸಿಕ್ಕಾಪಟ್ಟೆ ವೈರಲ್ ಆಗಿದೆ.
Loading ...