ಅಶುಚಿಯಾದ ಪ್ರಾಣಿಗಳು, ಪ್ರಾಣಿ-ಪಕ್ಷಿಗಳು ತಿಂದು ಉಳಿಸಿದ ಆಹಾರ, ಹಣ್ಣುಗಳಿಂದ ಜನರು ದೂರ ಉಳಿಯುವುದು ನಿಫಾ ತಡೆಯಲು ಇರುವ ಮುನ್ನೆಚ್ಚರಿಕೆ. ಸಾರ್ವಜನಿಕ ಸ್ಥಳಗಳಲ್ಲಿ ತಿರುಗಾಡುವವರು ಕೈಗಳನ್ನು ಆಗಿಂದಾಗ್ಗೆ ಸೋಪಿನಿಂದ ಚೆನ್ನಾಗಿ ತೊಳೆದುಕೊಳ್ಳುತ್ತಿರಬೇಕು. ನಿಫಾ ಸೋಂಕಿನ ಚಿಕಿತ್ಸೆಗೆ ಸೀಮಿತವಾದ ಮತ್ತು ಗರಿಷ್ಠ ಪರಿಣಾಮಕಾರಿ ಔಷಧವನ್ನು ಇನ್ನೂ ಕೂಡ ಸಂಶೋಧನೆ ಮಾಡಲಾಗಿಲ್ಲ. ಸೋಂಕಿನ ಲಕ್ಷಣಗಳನ್ನು ಹತ್ತಿಕ್ಕಲು ಕೆಲವು ಔಷಧಗಳನ್ನು ಪ್ರಯೋಗಿಸಲಾಗುತ್ತದೆ ಅಷ್ಟೇ.