ಪ್ರಪಂಚವು ವಾಸ್ತುಶಿಲ್ಪದ ಅದ್ಭುತಗಳಿಂದ ತುಂಬಿದೆ. ಇವುಗಳಲ್ಲಿ ಕೆಲವು ಮಾನವ ನಿರ್ಮಿತ ರಚನೆಗಳು ಕುತೂಹಲಕಾರಿಯಾಗಿದೆ. ಪ್ರಪಂಚದಾದ್ಯಂತದ ವಾಸ್ತುಶಿಲ್ಪಿಗಳು ಕೆಲವು ಸುಂದರವಾದ ರಚನೆಗಳನ್ನು ರಚಿಸಿರುವುದು ಕೌತುಕ ತರುವಂತಿದೆ.
ಅಂತಹ ಒಂದು ರಚನಾತ್ಮಕ ಮೇರುಕೃತಿಯೆಂದರೆ ಡೆನ್ಮಾರ್ಕ್‌ನ ಕೋಪನ್‌ ಹೇಗನ್‌ನ ಸರ್ಕೆಲ್‌ಬ್ರೋನ್ ಸೇತುವೆ. ಈ ಸೇತುವೆಯ ವಿಡಿಯೋ ಟ್ವಿಟ್ಟರ್ ನಲ್ಲಿ ವೈರಲ್ ಆಗಿದೆ. ನೌಕಾಯಾನ ದೋಣಿಗಳನ್ನು ನೆನಪಿಸುವಂತೆ, ಇಲ್ಲಿ ಐದು ವೃತ್ತಾಕಾರದ ವೇದಿಕೆಗಳಿಂದ ಮಾಡಲ್ಪಟ್ಟಿದೆ, ಪ್ರತಿಯೊಂದೂ ವಿಭಿನ್ನ ಗಾತ್ರ ಹೊಂದಿದೆ. ಪಾದಚಾರಿ ಸೇತುವೆಯ ನಿರ್ಮಾಣವನ್ನು ಡ್ಯಾನಿಶ್ ಫೌಂಡೇಶನ್ ನಾರ್ಡಿಯಾ-ಫೊಂಡೆನ್ ನಿಯೋಜಿಸಿದೆ ಮತ್ತು ಓಲಾಫರ್ ಎಲಿಯಾಸನ್ ವಿನ್ಯಾಸಗೊಳಿಸಿದ್ದಾರೆ.
ಓಲಾಫುರ್ ಅವರು ಐಸ್‌ಲ್ಯಾಂಡ್‌ನಲ್ಲಿ ಹುಟ್ಟಿ ಬೆಳೆದ ಡ್ಯಾನಿಶ್ ಆಗಿರುವುದರಿಂದ ಡ್ಯಾನಿಶ್-ಐಸ್‌ಲ್ಯಾಂಡಿಕ್ ಹಿನ್ನೆಲೆಯಿಂದ ಸ್ಫೂರ್ತಿ ಪಡೆದು ಸೇತುವೆಯನ್ನು ವಿನ್ಯಾಸಗೊಳಿಸಿದ್ದಾರೆ. “ಬೈಸಿಕಲ್‌ಗಳು, ವಾಕರ್‌ಗಳು ಮತ್ತು ದೋಣಿಗಳು ಈ ಸೇತುವೆಯನ್ನು ಏಕಕಾಲದಲ್ಲಿ ದಾಟಬಹುದು!
ಡ್ರೋನ್-ಕ್ಯಾಮೆರಾ ಶಾಟ್ ಮೂಲಕ ವೃತ್ತ ಸೇತುವೆಯ ಕೆಲಸವನ್ನು ನೋಡಬಹುದಾಗಿದ್ದು, ಇದು ಬಹಳ ಕುತೂಹಲಕಾರಿಯಾಗಿದೆ.
ಸೇತುವೆಯು ಒಂದು ಬದಿಯಿಂದ ತೆರೆದುಕೊಳ್ಳುವುದರೊಂದಿಗೆ ಮತ್ತು ದೋಣಿಗಳನ್ನು ಹಾದುಹೋಗಲು ಬಾಗಿಸುವುದರೊಂದಿಗೆ ವೀಡಿಯೊ ಪ್ರಾರಂಭವಾಗುತ್ತದೆ. ಈ ಕೌತುಕಕ್ಕೆ ಜನರು ಮನಸೋತಿದ್ದಾರೆ.
Loading ...