ಮತದಾರರಿಗೆ ಮತ್ತೊಂದು ಗುಡ್ ನ್ಯೂಸ್: ಪಟ್ಟಿ ಪರಿಶೀಲನೆ, ಗೊಂದಲ ಪರಿಹಾರಕ್ಕೆ ಇಲ್ಲಿದೆ ಸುಲಭ ವಿಧಾನ

ಮತದಾನ ಮಾಡುವ ಅಧಿಕೃತ ವಯಸ್ಸು 18 ಆಗುತ್ತಿದ್ದಂತೆಯೇ ಚುನಾವಣಾ ಆಯೋಗ ಮತದಾನದ ಐಡಿ ಕಾರ್ಡ್​ಗಳನ್ನ ನೀಡುತ್ತೆ. ಇದು ಭಾರತದ ನಾಗರೀಕತ್ವವನ್ನ ಸಾಬೀತುಪಡಿಸುವ ದಾಖಲೆಗಳಲ್ಲೊಂದು. 1993ರಲ್ಲಿ ಮೊದಲಗೊಂಡು ಎಲ್ಲಾ ಮತದಾರರಿಗೆ ಚುನಾವಣಾ ಆಯೋಗ ಅವರ ಭಾವಚಿತ್ರವುಳ್ಳ ವೋಟರ್​ ಐಡಿಯನ್ನ ನೀಡುತ್ತಾ ಬಂದಿದೆ.

ನಿಮ್ಮ ಹೆಸರನ್ನ ನಿಮ್ಮ ಕ್ಷೇತ್ರದ ಮತದಾರರ ಪಟ್ಟಿಯಲ್ಲಿ ನೋಂದಾಯಿಸಲಾಗಿದೆಯೋ ಇಲ್ಲವೋ ಅನ್ನೋದನ್ನ ನೀವು ಮನೆಯಲ್ಲೇ ಕೂತು ಪರಿಶೀಲನೆ ಮಾಡಬಹುದಾಗಿದೆ. ಇದಕ್ಕಾಗಿ ಈ ಕೆಳಗಿನ ಹಂತಗಳನ್ನ ಪಾಲಿಸಿ.

ಮೊದಲು ನ್ಯಾಷನಲ್ ವೋಟರ್ಸ್​ ಸರ್ವೀಸ್​ ವೆಬ್​ಸೈಟ್​ಗೆ ಹೋಗಿ ( www.nvsp.in)
ವೆಬ್​​ಸೈಟ್​ ಮೇಲೆ ಎಡಭಾಗದಲ್ಲಿ ನಿಮಗೆ ಸರ್ಚ್​ ಎಲೆಕ್ಟೋರಲ್​ ರೋಲ್​ ಎಂಬ ಆಯ್ಕೆ ಕಾಣಸಿಗುತ್ತದೆ.
ಇದರ ಮೇಲೆ ಕ್ಲಿಕ್​ ಮಾಡುವ ಮೂಲಕ ನೀವು (https://electoralsearch.in/) ಪೇಜ್​​ಗೆ ಹೋಗುತ್ತೀರಿ.

ನೀವು ಇಲ್ಲಿ ನಿಮ್ಮ ಮಾಹಿತಿಯನ್ನ ನೀಡುವ ಮೂಲಕ ಇಲ್ಲವೇ ನಿಮ್ಮ ಮತದಾರ ಸಂಖ್ಯೆಯನ್ನ ನಮೂದಿಸಬಹುದಾಗಿದೆ.

ವೋಟರ್​ ಐಡಿಯಲ್ಲಿ ನಮೂದಿಸಲಾದ ಇಪಿಐಸಿ ನಂಬರ್​​​ನ ಹಾಕುವ ಮೂಲಕ ನೀವು ಮತದಾರರ ಪಟ್ಟಿಯಲ್ಲಿ ಇದ್ದೀರೋ ಇಲ್ಲವೋ ಎಂಬುದನ್ನ ಪರಿಶೀಲನೆ ಮಾಡಬಹುದಾಗಿದೆ.

ಒಂದು ವೇಳೆ ನೀವು ನಿಮ್ಮ ಮಾಹಿತಿಯನ್ನ ನಮೂದಿಸುವವರಾಗಿದ್ದರೆ, ನಿಮ್ಮ ಹೆಸರು, ವಯಸ್ಸು, ಲಿಂಗ, ಹುಟ್ಟಿದ ದಿನಾಂಕ , ಜಿಲ್ಲೆ, ತಂದೆ ಇಲ್ಲವೇ ಪತಿಯ ಹೆಸರನ್ನ ನೋಂದಾಯಿಸಬೇಕಾಗುತ್ತೆ. ಇದಾದ ಬಳಿಕ ನಿಮ್ಮ ಕ್ಯಾಪ್ಚಾ ಕೋಡ್​ ಸಿಗಲಿದೆ.

ಈಗ ಸರ್ಚ್​ ಬಟನ್​ನ್ನು ಪ್ರೆಸ್​ ಮಾಡಿ. ಈಗ ವೆಬ್​ಸೈಟ್​​ನಲ್ಲಿ ನಿಮ್ಮ ಹೆಸರು ಗೋಚರವಾಗ್ತಿದೆ ಅಂದರೆ ನೀವು ನಿಮ್ಮ ಕ್ಷೇತ್ರದಲ್ಲಿ ಮತದಾನ ಮಾಡಲು ಅರ್ಹರಿದ್ದೀರಿ ಎಂದರ್ಥ.