ವಾಷಿಂಗ್ಟನ್ನ ಮಹಿಳೆಯೊಬ್ಬರು ತಮ್ಮ ವೈದ್ಯರ ವಿರುದ್ಧವೇ ಮೊಕದ್ದಮೆ ಹೂಡಿದ್ದಾರೆ. 34 ವರ್ಷಗಳ ಹಿಂದೆ ತಮಗೆ ಕೃತಕ ಗರ್ಭದಾರಣೆ ಮಾಡುವ ಸಂದರ್ಭದಲ್ಲಿ ನನಗೆ ಅರಿವೆ ಇಲ್ಲದಂತೆ ರಹಸ್ಯವಾಗಿ ತಮ್ಮ ವೀರ್ಯ ಬಳಕೆ ಮಾಡಿದ್ದರು ಎಂದು ದೂರುದಾರ ಮಹಿಳೆ ಆರೋಪಿಸಿದ್ದಾರೆ.
1989ರಲ್ಲಿ ವಾಷಿಂಗ್ಟನ್ನ ಸ್ಪೋಕೇನ್ನಲ್ಲಿ ನೆಲೆಸಿರುವ ಪ್ರಸೂತಿ ತಜ್ಞ ಹಾಗೂ ಸ್ತ್ರೀರೋಗ ತಜ್ಞ ಡಾ. ಡೇವಿಡ್ ಆರ್ ಕ್ಲೇಪೂಲ್ ಎಂಬವರ ಬಳಿಯಲ್ಲಿ ನಾನು ಕೃತಕ ಗರ್ಭದಾರಣೆಗೆ ಚಿಕಿತ್ಸೆ ಪಡೆದಿದ್ದೆ ಎಂದು ಮಹಿಳೆ ಹೇಳಿಕೊಂಡಿದ್ದಾರೆ. ಮಹಿಳೆಗೆ ಈಗ 67 ವರ್ಷವಾಗಿದ್ದು ಇವರ ಹೆಸರು ಶರೋನ್ ಹೇಯ್ಸ್ ಎನ್ನಲಾಗಿದೆ. ಪತಿಗೆ ಸಂತಾನೋತ್ಪತ್ತಿ ಸಮಸ್ಯೆ ಇದ್ದ ಕಾರಣ ಶೆರೋನ್ ಕೃತಕ ಗರ್ಭದಾರಣೆ ನಿರ್ಧಾರಕ್ಕೆ ಬಂದಿದ್ದರು ಎನ್ನಲಾಗಿದೆ.
ಸ್ಪೋಕೇನ್ ಕೌಂಟಿ ಸುಪೀಯರ್ ಕೋರ್ಟ್ನಲ್ಲಿ ಬುಧವಾರ ಈ ಸಂಬಂಧ ಅರ್ಜಿ ವಿಚಾರಣೆ ನಡೆದಿದೆ. ಶೆರೋನ್ ಅನಾಮಧೇಯ ವ್ಯಕ್ತಿಯಿಂದ ತಮಗೆ ವೀರ್ಯ ಬೇಕೆಂದು ಹೇಳಿದ್ದರು ಎನ್ನಲಾಗಿದೆ. ಆದರೆ ಕ್ಲೇಪೂಲ್ ನನಗೆ ಮೋಸ ಮಾಡಿದ್ದು ಅವರ ವೀರ್ಯ ಬಳಕೆ ಮಾಡಿದ್ದಾರೆ. ನಾನು ಅನಾಮಧೇಯ ವ್ಯಕ್ತಿಯಿಂದ ವೀರ್ಯ ಪಡೆಯುವ ಮೂಲಕ ಆ ವ್ಯಕ್ತಿಯ ಕಣ್ಣಿನ ಬಣ್ಣ ಹಾಗೂ ಗುಣಲಕ್ಷಣ ಹೀಗೆಯೇ ಇರಬೇಕೆಂದು ಹೇಳಿದ್ದೆ ಎಂದು ಮಹಿಳೆ ಆರೋಪಿಸಿದ್ದಾರೆ.
ಸಂಪೂರ್ಣ ಚಿಕಿತ್ಸೆಗೆ ವೈದ್ಯ ಕ್ಲೇಪೂಲ್ 100 ಡಾಲರ್ ಶುಲ್ಕ ಪಡೆದುಕೊಂಡಿದ್ದರು ಎನ್ನಲಾಗಿದೆ. 33 ವರ್ಷದ ಹಿಂದೆ ಶೆರೋನ್ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾರೆ. ಪ್ರಸ್ತುತ 33 ವರ್ಷ ಪ್ರಾಯದ ಬ್ರಿಯನ್ನಾ ಹೇಯ್ಸ್ ಡಿಎನ್ಎ ಪರೀಕ್ಷೆಯಿಂದ ಈ ವಿಚಾರ ಬೆಳಕಿಗೆ ಬಂದಿದೆ ಎನ್ನಲಾಗಿದೆ. ಇನ್ನೊಂದು ವಿಚಾರ ಏನೆಂದರೆ ಈ ವೈದ್ಯ 16 – 17 ಪ್ರಕರಣಗಳಲ್ಲಿ ಇದೆ ರೀತಿ ಸ್ವಂತ ವೀರ್ಯ ಬಳಕೆ ಮಾಡಿದ್ದಾನೆ ಎಂದು ತಿಳಿದು ಬಂದಿದೆ.
Loading ...