ಅಮೆರಿಕದ ನೌಕಾನೆಲೆಯ ಪೈಲಟ್ಗಳು ಗುರುತಿಸಿದ ವೈಮಾನಿಕ ದೃಶ್ಯ ಸ್ಪೇಸ್ಕ್ರಾಫ್ಟ್ನದ್ದು ಎಂದು ಹೇಳುವಂತಹ ಮಾತಿಗೆ ಯಾವುದೇ ಪುರಾವೆಗಳು ಇಲ್ಲಿಯವರೆಗೂ ದೊರಕಿಲ್ಲ ಎಂದು ನ್ಯೂಯಾರ್ಕ್ ಟೈಮ್ಸ್ ವರದಿ ಮಾಡಿದೆ. ಅಲ್ಲದೇ ಅಮೆರಿಕ ಗುಪ್ತಚರ ಇಲಾಖೆ ಕೂಡ ಪೈಲಟ್ಗಳು ನೋಡಿದ ವೈಮಾನಿಕ ದೃಶ್ಯಕ್ಕೆ ನಮ್ಮ ಬಳಿ ಯಾವುದೇ ವಿವರಣೆ ಇಲ್ಲ ಎಂದು ಹೇಳಿದ್ದಾರೆ.
ಈ ಅಪರಿಚಿತ ಹಾರುವ ವಸ್ತುವಿನ ಬಗ್ಗೆ ಇನ್ನೂ ಪ್ರಕಟವಾಗದ ಅಮೆರಿಕ ಸರ್ಕಾರದ ವರದಿಯನ್ನ ನ್ಯೂಯಾರ್ಕ್ ಟೈಮ್ಸ್ ವರದಿ ಮಾಡಿದೆ. ಅಮೆರಿಕ ಮಿಲಿಟರಿ ಪಡೆ ಇದೀಗ ಈ ವಸ್ತುಗಳಿಗೆ ಗುರುತಿಸಲಾಗದ ವೈಮಾನಿಕ ವಿದ್ಯಮಾನ ಎಂದು ಹೆಸರು ನೀಡಿದೆ.
ಸರ್ಕಾರದ ವರದಿಯ ಬಗ್ಗೆ ಮಾಹಿತಿ ಇರುವ ಅಮೆರಿಕದ ಅಧಿಕಾರಿಗಳು ಈ ವಸ್ತು ಅಮೆರಿಕ ಮಿಲಿಟರಿ ಏರ್ಕ್ರಾಫ್ಟ್ ಅಥವಾ ಅಮೆರಿಕದ ಇತರೆ ಅತ್ಯಾಧುನಿಕ ರಕ್ಷಣಾ ತಂತ್ರಜ್ಞಾನಕ್ಕೆ ಸೇರಿದ್ದಲ್ಲ ಎಂದು ದೃಢೀಕರಿಸಿದ್ದಾರೆ.
2019ರ ಜುಲೈ ತಿಂಗಳಲ್ಲಿ ತೆಗೆದ ವಿಡಿಯೋ ಇದಾಗಿದ್ದು ಸ್ಯಾನ್ಡಿಯಾಗೋದ ಕರಾವಳಿಯ ಒಮಾಹದಲ್ಲಿದ್ದ ಯುದ್ಧ ಮಾಹಿತಿ ಕೇಂದ್ರದಲ್ಲಿ ನೌಕಾಪಡೆ ಹಡಗಿನ ಸಮೀಪ ಹಾರುತ್ತಿದ್ದ ಯುಎಫ್ಓವನ್ನ ಪತ್ತೆ ಮಾಡಲಾಗಿತ್ತು. ಈ ವಿಡಿಯೋವನ್ನ ಮೇ 14ರಂದು ನಿರ್ದೇಶಕ ಜೆರೆಮಿ ಕಾರ್ಬೆಲ್ ಟ್ವಿಟರ್ನಲ್ಲಿ ಶೇರ್ ಮಾಡಿದ ಬಳಿಕ ವೈರಲ್ ಆಗಿತ್ತು.
Loading ...