ಲೈಂಗಿಕ ಶೋಷಣೆ ಮಾಡಿ ಲಾರಿ ಚಾಲಕನಿಂದ ಘೋರ ಕೃತ್ಯ, ಬಾಲಕಿಗೆ ಬಲವಂತದ ಗರ್ಭಪಾತ

ಹೈದರಾಬಾದ್: ತೆಲಂಗಾಣದಲ್ಲಿ ಅಪ್ರಾಪ್ತ ಬಾಲಕಿಗೆ ಅಕ್ರಮವಾಗಿ ಗರ್ಭಪಾತ ಮಾಡಿಸಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮೂವರನ್ನು ಬಂಧಿಸಲಾಗಿದೆ

ಇಬ್ರಾಹಿಂಪಟ್ಟಣಂನ ಆಸ್ಪತ್ರೆಯಲ್ಲಿ 16 ವರ್ಷದ ಬಾಲಕಿಯ ಗರ್ಭವನ್ನು ಅಕ್ರಮವಾಗಿ ತೆಗೆಯಲಾಗಿದ್ದು, ತೆಲಂಗಾಣದ ನಲ್ಗೊಂಡ ಪೊಲೀಸರು ಮೂವರನ್ನು ಬಂಧಿಸಿದ್ದಾರೆ.

ಬಂಧಿತ ಮೂವರು ಟ್ರಕ್ ಚಾಲಕ, ಆತನ ತಂದೆ ಮತ್ತು ಅವರ ಸಹಾಯಕ ಬಂಧಿತರು. ಬಾಲಕಿಯ ಗ್ರಾಮದವನಾಗಿದ್ದ 25 ವರ್ಷದ ಲಾರಿ ಚಾಲಕ ಆರು ತಿಂಗಳ ಹಿಂದೆ ಆಕೆಯನ್ನು ಲೈಂಗಿಕವಾಗಿ ಶೋಷಣೆ ಮಾಡಿ ಗರ್ಭಿಣಿಯಾಗಿಸಿದ್ದ.

ಬಾಲಕಿ ಗರ್ಭಿಣಿ ಎಂಬುದನ್ನು ಮನಗಂಡ ಆರೋಪಿ ತನ್ನ ಕುಟುಂಬದ ಸದಸ್ಯರ ನೆರವಿನೊಂದಿಗೆ ಬಾಲಕಿಯನ್ನು ಖಾಸಗಿ ಆಸ್ಪತ್ರೆಗೆ ಕರೆದೊಯ್ದು ಅಕ್ರಮವಾಗಿ ಗರ್ಭಪಾತ ಮಾಡಿಸಿದ್ದಾನೆ. ಮೇ 5 ರಂದು ಬಾಲಕಿಯ ತಾಯಿ ಪೊಲೀಸರಿಗೆ ದೂರು ನೀಡಿದಾಗ ಘಟನೆ ಬೆಳಕಿಗೆ ಬಂದಿದೆ.