ಗಿನ್ನೆಸ್​ ದಾಖಲೆ ಸೇರಿದ ವಿಶ್ವದ ಅತಿ ಉದ್ದದ ಈರುಳ್ಳಿ ಜಾತಿ ಗಿಡ ‘ಲೀಕ್’​

ಬ್ರಿಟನ್​: ಬ್ರಿಟನ್‌ನ ಉದ್ಯಾನಗಳಲ್ಲಿ ಒಂದರಿಂದ ವಿಶ್ವದ ಅತಿ ಉದ್ದದ ಲೀಕ್ (ಈರುಳ್ಳಿ ಜಾತಿಯ ಒಂದು ಗಿಡ) ಗಿನ್ನೆಸ್ ವರ್ಲ್ಡ್ ರೆಕಾರ್ಡ್‌ ಸೇರಿದೆ.

ಗಿನ್ನೆಸ್ ವರ್ಲ್ಡ್ ರೆಕಾರ್ಡ್‌ನ ಅಧಿಕೃತ ವೆಬ್‌ಸೈಟ್ ಪ್ರಕಾರ, ಸ್ಟೋಕ್-ಆನ್-ಟ್ರೆಂಟ್‌ನ ಹವ್ಯಾಸಿ ತೋಟಗಾರ ಡೆರೆಕ್ ಹಲ್ಮ್ ಇದನ್ನು ಬೆಳೆದಿದ್ದಾರೆ.

ವೋರ್ಸೆಸ್ಟರ್‌ಶೈರ್‌ನಲ್ಲಿ ನಡೆಯುತ್ತಿರುವ ರಾಷ್ಟ್ರೀಯ ದೈತ್ಯ ತರಕಾರಿ ಚಾಂಪಿಯನ್‌ಶಿಪ್‌ನಲ್ಲಿ ಲೀಕ್ ಈಗ ಅಗ್ರ ಬಹುಮಾನದ ರೇಸ್‌ನಲ್ಲಿದೆ. ಅಲ್ಲಿ ಅದರ ಉದ್ದವನ್ನು ಅಧಿಕೃತವಾಗಿ ಪರಿಶೀಲಿಸಲಾಯಿತು. ಸರಾಸರಿ ಲೀಕ್ ಕೇವಲ ಒಂದು ಅಡಿ ಎತ್ತರ ಮತ್ತು ಒಂದರಿಂದ ಎರಡು ಇಂಚು ಅಗಲ ಬೆಳೆಯುತ್ತದೆ, ಇದು 4 ಅಡಿ 8.3 ಇಂಚು ಎತ್ತರಕ್ಕೆ ಬೆಳೆದಿದೆ.

“ನಾನು ಇತ್ತೀಚೆಗೆ ಕೆಲವು ದೈತ್ಯ ತರಕಾರಿಗಳನ್ನು ಬೆಳೆಯಲು ತೊಡಗಿದ್ದೇನೆ. ವಿಶ್ವ ದಾಖಲೆ ಮಾಡಬೇಕೆಂಬುದು ನನ್ನ ಬಾಲ್ಯದ ಕನಸಾಗಿತ್ತು. 2019 ರಲ್ಲಿ, ನಾನು ಮತ್ತು ಇತರ ಕೆಲವು ದೈತ್ಯ ಸಸ್ಯಾಹಾರಿ ಬೆಳೆಗಾರರಿಗೆ 30 ಬಲ್ಗೇರಿಯನ್ ಲಾಂಗ್ ಲೀಕ್ ಬೀಜಗಳ ಪ್ಯಾಕೆಟ್ ಅನ್ನು ನೀಡಲಾಯಿತು. ಈಗ ನನ್ನ ಕನಸು ನನಸಾಗಿದೆ ಎಂದಿದ್ದಾರೆ.

ಕೋವಿಡ್​-19 ನಿರ್ಬಂಧಗಳಿಂದಾಗಿ, ತಮ್ಮ ತರಕಾರಿಯನ್ನು ಜಗತ್ತಿಗೆ ಪ್ರದರ್ಶಿಸಲು ಸಾಧ್ಯವಾಗಿರಲಿಲ್ಲ. ಆದರೆ ಈಗ ಅದು ಸಾಧ್ಯವಾಗಿದೆ. ಇಂಗ್ಲೆಂಡ್​ನ ರಾಷ್ಟ್ರೀಯ ದೈತ್ಯ ತರಕಾರಿ ಚಾಂಪಿಯನ್‌ಶಿಪ್‌ಗೆ ಪ್ರವೇಶಿಸಿದೆ ಮತ್ತು ಅಂತಿಮವಾಗಿ ಅಧಿಕೃತವಾಗಿ ವಿಶ್ವದ ಅತಿ ಉದ್ದದ ಲೀಕ್‌ಗಾಗಿ ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ಸ್ ಪ್ರಶಸ್ತಿಯನ್ನು ಗೆದ್ದಿದ್ದೇನೆ ಎಂದಿದ್ದಾರೆ ಡೆರೆಕ್.