ಈ ಎತ್ತರದ ಚಾಕೊಲೇಟ್ ಜಿರಾಫೆ ನೋಡಿ ನೆಟ್ಟಿಗರು ಸುಸ್ತು…..!

ಜಿರಾಫೆ ಅತ್ಯಂತ ಎತ್ತರದ ಪ್ರಾಣಿ ಎಂಬುದು ಎಲ್ಲರಿಗೂ ತಿಳಿದಿರುವ ವಿಚಾರವಾಗಿದೆ. ಇದು ಸುಮಾರು 15 ರಿಂದ 20 ಅಡಿಗಳಷ್ಟು ಎತ್ತರವಿರುತ್ತದೆ. ಇದೇ ರೀತಿಯ ಜಿರಾಫೆ ಎಲ್ಲರನ್ನೂ ಆಕರ್ಷಿಸುತ್ತಿದೆ.

ಅದು ನಿಜವಾದ ಜಿರಾಫೆಯಲ್ಲ. ಸಂಪೂರ್ಣ ಚಾಕೊಲೇಟ್ ನಿಂದ ತಯಾರಿಸಲಾಗಿರುವ ಜಿರಾಫೆ ಇದು ! ಇದರ ಎತ್ತರ ಬರೋಬ್ಬರಿ 8 ಅಡಿ. ಇದರ ಪಕ್ಕದಲ್ಲಿ ನಿಂತರೆ ನೀವು ಕುಳ್ಳರಾಗಿ ಕಾಣುತ್ತೀರಿ.

BIG NEWS: ರಣಾಂಗಣವಾದ ರೈತರ ಮುಖಂಡರ ಸಭೆ; ರಾಕೇಶ್ ಟಿಕಾಯತ್ ಮುಖಕ್ಕೆ ಮಸಿ ಬಳಿದು ಹಲ್ಲೆ

ಪೇಸ್ಟ್ರಿ ಕಲಾವಿದ ಅಮೌರಿ ಗ್ಯುಚೋನ್ ಎಂಬುವರು ಈ ಚಾಕೊಲೇಟ್ ಜಿರಾಫೆಯನ್ನು ತಯಾರಿಸಿದ್ದು, ಇದರ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿದೆ. ಇದುವರೆಗಿನ ಅತ್ಯಂತ ಎತ್ತರ ಮತ್ತು ದೊಡ್ಡದಾದ ಚಾಕೊಲೇಟ್ ಜಿರಾಫೆ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.

ಈ ಚಾಕೊಲೇಟ್ ಜಿರಾಫೆಯನ್ನು ತಯಾರು ಮಾಡುವ ಪ್ರಕ್ರಿಯೆಯನ್ನು ಸಂಪೂರ್ಣವಾಗಿ ವಿಡಿಯೋ ಮಾಡಲಾಗಿದ್ದು, ಈ ವಿಡಿಯೋವನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಹಂಚಿಕೊಳ್ಳಲಾಗಿದೆ. ಇದು 8.3 ಅಡಿ ಎತ್ತರವಿದೆ.

ಈ ಪ್ರಕ್ರಿಯೆ ಬಗ್ಗೆ ಇನ್ ಸ್ಟಾಗ್ರಾಮ್ ನಲ್ಲಿ ಬರೆದುಕೊಂಡಿರುವ ಗ್ಯುಚೋನ್, ಈ ಜಿರಾಫೆಯ ಕಲಾಕೃತಿಯನ್ನು ತಯಾರಿಸಲು ಸತತ 7 ದಿನಗಳು ಬೇಕಾದವು. ಇದಕ್ಕೆ ಸಂಪೂರ್ಣವಾಗಿ ಚಾಕೊಲೇಟ್ ಅನ್ನು ಬಳಸಲಾಗಿದೆ ಎಂದು ತಿಳಿಸಿದ್ದಾರೆ.

ಈ ಚಾಕೊಲೇಟ್ ಜಿರಾಫೆ ವಿಡಿಯೋವನ್ನು 80 ಮಿಲಿಯನ್ ಗೂ ಅಧಿಕ ಜನರು ವೀಕ್ಷಿಸಿದ್ದಾರೆ. ಈ ಜಿರಾಫೆಯ ಪಕ್ಕದಲ್ಲೊಂದು ದೊಡ್ಡ ಮರವಿದ್ದರೆ ಇನ್ನೂ ಚೆನ್ನಾಗಿರುತ್ತದೆ ಎಂದು ಕೆಲವು ನೆಟ್ಟಿಗರು ಉದ್ಘರಿಸಿದ್ದಾರೆ.