ಸಾಮಾಜಿಕ ಜಾಲತಾಣದಲ್ಲಿ ಹೊಸ ಹೊಸ ರಂಜನೀಯ ಕಂಟೆಂಟ್ ಗಳಿಗೇನು ಕೊರತೆ ಇಲ್ಲ. ಪ್ರಪಂಚದ ಮೂಲೆ ಮೂಲೆಗಳಿಂದ ವಿಷಯಗಳು ಜಾಲತಾಣಿಗರನ್ನು ಖುಷಿಪಡಿಸುತ್ತಲೇ ಇರುತ್ತವೆ.
ಇದೀಗ ನೆಟ್ಟಿಗರನ್ನು ಜೋರಾಗಿ ನಗುವಂತೆ ಮಾಡುವ ವಿಡಿಯೊ ವೈರಲ್ ಆಗಿದೆ. ಬ್ಯುಟೆಂಗೆಬೀಡೆನ್ ಹಂಚಿಕೊಂಡ ಕ್ಲಿಪ್ನಲ್ಲಿ, ಕಪ್ಪೆಯು ಬಾಟಲಿಯ ಕ್ಯಾಪ್ ಮೇಲೆ ತೇಲುತ್ತಿರುವಾಗ ಇನ್ನೊಂದು ಕಪ್ಪೆ ಅದನ್ನು ತಳ್ಳುತ್ತಿರುವುದನ್ನು ಕಾಣಬಹುದು.
ಚಿಕ್ಕ ವಿಡಿಯೊದಲ್ಲಿ ಕಪ್ಪೆಯು ಬಾಟಲಿಯ ಕ್ಯಾಪ್ ಮೇಲೆ ತೇಲುತ್ತಿರುವುದನ್ನು ಕಾಣಬಹುದು. ಇನ್ನೊಂದು ಕಪ್ಪೆ ಕೂಡ ಆ ಕ್ಯಾಪ್ ಮೇಲೆ ಏರಲು ಬಯಸಿದ್ದು, ಆದರೆ ಮೊದಲನೆಯದು ತನ್ನ ಸಣ್ಣ ಕಾಲಿನಿಂದ ಅದನ್ನು ಪಕ್ಕಕ್ಕೆ ತಳ್ಳಿದೆ. ಸಹಜವಾಗಿ ಇದನ್ನು ನೋಡಿದರೆ ಎಂತವರಿಗೂ ನಗು ತರಿಸುತ್ತದೆ. ಮನುಷ್ಯರ ನಿಜ ಜೀವನದಲ್ಲಿ ಸಹಜ ಎನಿಸುವಂತಹ ಕಾಲೆಳೆಯುವ, ಪೈಪೋಟಿ ನಡೆಸುವ ಕಾರ್ಯವನ್ನು ಈ ಒಂದು ಸಣ್ಣಸೀನ್ ಹೋಲಿಕೆ ಮಾಡುವಂತಿದೆ. ಈ ವಿಡಿಯೋ 13 ದಶಲಕ್ಷಕ್ಕೂ ಹೆಚ್ಚು ವೀಕ್ಷಣೆ ಪಡೆದುಕೊಂಡಿದೆ. ನೆಟ್ಟಿಗರು ತಮಾಷೆಯ ಕಾಮೆಂಟ್ ಮಾಡಿದ್ದಾರೆ.