ನೀವು ಪ್ರತಿದಿನ ಪ್ಯಾರಸಿಟಮಾಲ್ ಸೇವಿಸುತ್ತೀರಾ ? ಹಾಗಾದರೆ ನಿಮಗೆ ತಿಳಿದಿರಲಿ ಇದರ ಅಡ್ಡ ಪರಿಣಾಮ

ತಲೆನೋವು ಅಥವಾ ಜ್ವರ ಬಂದಾಗ ವೈದ್ಯರ ಬಳಿ ಹೋಗದೆ ಜಮಸಾಮಾನ್ಯರು ಪ್ಯಾರಾಸಿಟಮಾಲ್ ಮಾತ್ರೆ ತೆಗೆದುಕೊಳ್ಳುತ್ತಾರೆ. ಸಾಮಾನ್ಯ ನೋವು ನಿವಾರಕವಾಗಿ ಮತ್ತು ತಾಪಮಾನವನ್ನು ಕಡಿಮೆ ಮಾಡಲು ಪರಿಹಾರವಾಗಿ ಈ ಮಾತ್ರೆಯನ್ನು ಸೇವಿಸುತ್ತಾರೆ. ಆದರೆ ಪಿಸಿಎಂ ಎಂದೂ ಕರೆಯಲ್ಪಡುವ ಪ್ಯಾರಾಸಿಟಮೋಲ್ ಮಾತ್ರೆಯನ್ನು ವೈದ್ಯರ ಸಲಹೆ ಪಡೆಯದೇ ಪ್ರತಿದಿನ ಸೇವಿಸಿದರೆ ದೀರ್ಘಾವಧಿಯ ಹಾನಿಯನ್ನುಂಟುಮಾಡುತ್ತದೆ. ತಮ್ಮ ದಿನಚರಿಯಲ್ಲಿ ಸ್ವಲ್ಪ ಹೆಚ್ಚಿನ ಡೋಸ್ ಅಥವಾ ಕೆಲವೊಮ್ಮೆ ಅಗತ್ಯವಿಲ್ಲದಿದ್ದಾಗಲೂ ಈ ಮಾತ್ರೆ ಸೇವಿಸುವ ಜನರಿದ್ದು ಹಾಗೆ ಮಾಡುವುದರಿಂದ ಅಡ್ಡ ಪರಿಣಾಮಗಳಾಗುತ್ತವೆ ಎಂದು ರಾಷ್ಟ್ರೀಯ ಆರೋಗ್ಯ ಸೇವೆ( NHS) ಹೇಳಿದೆ.

ವೈದ್ಯರ ಪ್ರಕಾರ ಕೆಲವರು ಬೆನ್ನು ನೋವು, ಮೈಗ್ರೇನ್, ಹಲ್ಲುನೋವು ಮತ್ತು ಸಂಧಿವಾತದ ಸಂದರ್ಭದಲ್ಲಿಯೂ ಸಹ ಪ್ಯಾರಸಿಟಮಾಲ್ ತೆಗೆದುಕೊಳ್ಳುತ್ತಾರೆ. ಆದರೆ ನಿಯಮಿತವಾಗಿ ಅಥವಾ ಪ್ರತಿದಿನ ಹೆಚ್ಚಿನ ಪ್ರಮಾಣದಲ್ಲಿ ಬಳಸುವುದು ಕೆಲವು ಅಡ್ಡ ಪರಿಣಾಮಗಳನ್ನು ಉಂಟುಮಾಡುತ್ತದೆ. ಹಾಗಾದರೆ ಮಿತಿಮೀರಿದ ಪ್ಯಾರಾಸಿಟಮೋಲ್ ಸೇವನೆಯಿಂದ ಆರೋಗ್ಯದ ಮೇಲೆ ಆಗುವ ಅಪಾಯಗಳೇನು ಎಂದು ನೋಡಿದರೆ, N-acetyl-p-benzoquinone imine, ಅಥವಾ NAPQI ಒಂದು ವಿಷಕಾರಿ ರಾಸಾಯನಿಕವಾಗಿದ್ದು ಇದು ಯಕೃತ್ತಿನಲ್ಲಿ ಪ್ಯಾರಸಿಟಮಾಲ್ ಅನ್ನು ಒಡೆಯಲು ಸಹಾಯ ಮಾಡುತ್ತದೆ. ನಂತರ ಅದನ್ನು ನಿರ್ವಿಷಗೊಳಿಸಲಾಗುತ್ತದೆ. ಆದರೆ ಒಬ್ಬರು ಟ್ಯಾಬ್ಲೆಟ್ ಅನ್ನು ಹೆಚ್ಚು ಸೇವಿಸಿದರೆ, ಯಕೃತ್ತು NAPQI ಯ ವಿಷಕಾರಿ ಪರಿಣಾಮಗಳಿಗೆ ಗುರಿಯಾಗುತ್ತದೆ ಇದು ಸಾವು ಅಥವಾ ಯಕೃತ್ತಿನ ವೈಫಲ್ಯಕ್ಕೆ ಕಾರಣವಾಗಬಹುದು.

ಪ್ಯಾರಸಿಟಮಾಲ್ ಮಿತಿಮೀರಿದ ಸೇವನೆಯ ಲಕ್ಷಣಗಳು:

ಆರಂಭಿಕ ಹಂತಗಳಲ್ಲಿ PCM ಮಿತಿಮೀರಿದ ಸೇವನೆಯು ಕಡಿಮೆ ರೋಗಲಕ್ಷಣಗಳನ್ನು ಉಂಟುಮಾಡಬಹುದು. ಆದಾಗ್ಯೂ ಮಿತಿಮೀರಿದ ಸೇವನೆಯ ಕೆಲವೇ ದಿನಗಳಲ್ಲಿ ಕೆಲವು ಲಕ್ಷಣಗಳು ಕಾಣಿಸಿಕೊಳ್ಳಬಹುದು.

1. ಗೊಂದಲ
2. ವಾಕರಿಕೆ
3. ವಾಂತಿ
4. ತೀವ್ರ ಹೊಟ್ಟೆ ನೋವು
5. ಯಕೃತ್ತಿನ ವೈಫಲ್ಯ
6. ಚರ್ಮ ಮತ್ತು ಕಣ್ಣುಗಳ ಹಳದಿ
7. ಸಮತೋಲನ ಮತ್ತು ಸಮನ್ವಯದ ನಷ್ಟ
8. ಮನಸ್ಥಿತಿ ಮತ್ತು ವ್ಯಕ್ತಿತ್ವ ಬದಲಾವಣೆಗಳು
9. ಅರಿವಿನ ದುರ್ಬಲತೆ
10. ಹೊಟ್ಟೆಯ ಊತ ಮತ್ತು ಆಯಾಸ
11. ಊದಿಕೊಂಡ ಕಣಕಾಲುಗಳು ಮತ್ತು ಪಾದಗಳು
12. ಗೊಂದಲ
13. ಉಸಿರಾಟದ ತೊಂದರೆ