ಸ್ಟೋಟಕ ಸಂಗತಿ ಬಿಚ್ಚಿಟ್ಟ ನಟಿ…! ಅವಕಾಶ ನೀಡಲು ಲೈಂಗಿಕ ಸಹಕಾರದ ಬೇಡಿಕೆ ಇಟ್ಟ ವಿಚಾರ ಬಹಿರಂಗಪಡಿಸಿದ ಶಿವ್ಯಾ

ಬಾಲ ಶಿವ ಪಾತ್ರಕ್ಕೆ ಹೆಸರು ವಾಸಿಯಾಗಿರುವ ನಟಿ ಶಿವ್ಯಾ ಪಠಾನಿಯಾ ತಾವು ಅನುಭವಿಸಿದ ಸಂಕಟ ಹೊರ ಜಗತ್ತಿಗೆ ಬಹಿರಂಗಪಡಿಸಿದ್ದಾರೆ.

ಆಕೆಯ ಹಮ್ಸಾಫರ್ಸ್​ ಕಾರ್ಯಕ್ರಮವು ಸ್ಥಗಿತಗೊಂಡ ನಂತರ ಎಂಟು ತಿಂಗಳವರೆಗೆ ಯಾವುದೇ ಕೆಲಸವಿಲ್ಲದ ಕುಗ್ಗಿಹೋಗಿದ್ದರಂತೆ. ಅದೇ ಸಮಯದಲ್ಲಿ, ಒಬ್ಬ ವ್ಯಕ್ತಿ ಲೈಂಗಿಕ ಸಹಕಾರಕ್ಕೆ ಪ್ರತಿಯಾಗಿ ಕೆಲಸ ಕೊಡುವುದಾಗಿ ಮುಂದೆ ಬಂದಿದ್ದ ಎಂದು ಆಕೆ ಬಹಿರಂಗಪಡಿಸಿದ್ದಾರೆ.

ಜಾಹೀರಾತು ಚಿತ್ರವೊಂದರ ನಿರ್ಮಾಪಕರು, ಪ್ರಾಜೆಕ್ಟ್​ ಮಾಡಲು ಬಯಸಿದರೆ ದೊಡ್ಡ ಸೆಲೆಬ್ರಿಟಿಯೊಂದಿಗೆ “ರಾಜಿ ಮಾಡಿಕೊಳ್ಳಿ’ ಎಂದು ಆಕೆಯನ್ನು ಉದ್ದೇಶಿಸಿ ಹೇಳಿದ್ದರಂತೆ

ಸಂದರ್ಶನವೊಂದಲ್ಲಿ ಇದನ್ನು ನೆನಪಿಸಿಕೊಂಡಿರುವ ಆಕೆ, “ನನಗೆ ಸಾಂತಾಕ್ರೂಜ್​ನಲ್ಲಿ ಆಡಿಷನ್​ಗೆ ಕರೆದರು. ನಾನು ಕೋಣೆಗೆ ಪ್ರವೇಶಿಸಿದೆ, ಅದು ತುಂಬಾ ಚಿಕ್ಕದಾಗಿತ್ತು. ಆ ವ್ಯಕ್ತಿ ನೀವು ಈ ಜಾಹೀರಾತನ್ನು ಮಾಡಲು ಬಯಸುತ್ತೀರಾ ಹಾಗಿದ್ದರೆ ದೊಡ್ಡ ಸೆಲೆಬ್ರಿಟಿ ಜೊತೆ ನೀವು ರಾಜಿ ಮಾಡಿಕೊಳ್ಳಬೇಕಾತ್ತದೆ ಎಂದರು ಎಂದು ಆಕೆ ಹೇಳಿಕೊಂಡಿದ್ದಾರೆ.

“ನಾನು ಎಂದಿಗೂ ಮರೆಯಲಾಗದ ತಮಾಷೆಯ ಭಾಗವೆಂದರೆ ಆತನ ಲ್ಯಾಪ್​ಟಾಪ್​ನಲ್ಲಿ ಹನುಮಾನ್​ ಚಾಲೀಸಾ ಬರುತ್ತಾ ಇತ್ತು, ನಾನು ನಗಲು ಪ್ರಾರಂಭಿಸಿ, ನಿಮಗೆ ನಾಚಿಕೆ ಆಗುವುದಿಲ್ಲವೇ ಹೀಗೇ ಹೇಳಲು ಎಂದು ಕೇಳಿದೆ. ವರ್ಷಗಳ ನಂತರ, ಆ ವ್ಯಕ್ತಿಯ ಕಂಪನಿ ನಕಲಿ ಎಂದು ಅರಿವಿಗೆ ಬಂತು” ಎಂದು ಸಂದರ್ಶನದಲ್ಲಿ ವಿವರಿಸಿದ್ದಾರೆ.