43 ವರ್ಷಗಳಲ್ಲಿ 53 ಮಹಿಳೆಯರನ್ನು ಮದುವೆಯಾದ ಸೌದಿ ವ್ಯಕ್ತಿ ! ಆದರೂ ಸಿಕ್ಕಿಲ್ಲವಂತೆ ಶಾಂತಿ – ಸ್ಥಿರತೆ

ಸೌದಿ ಅರೇಬಿಯಾದ 63 ವರ್ಷದ ವ್ಯಕ್ತಿಯೊಬ್ಬರು ಭಾವನಾತ್ಮಕ “ಸ್ಥಿರತೆ” ಗಾಗಿ 53 ಮಹಿಳೆಯರನ್ನು ವಿವಾಹವಾಗಿದ್ದಾರೆ.

ಈ ‘ಶತಮಾನದ ಬಹುಪತ್ನಿತ್ವವಾದಿ’ ಎಂದು ಅಡ್ಡಹೆಸರು ಹೊಂದಿರುವ ಅಬು ಅಬ್ದುಲ್ಲಾ ಹಲವಾರು ಬಾರಿ ವಿವಾಹವಾಗಿದ್ದು, ವೆೈಯಕ್ತಿಕ ಸಂತೋಷಕ್ಕಾಗಿ ಅಲ್ಲ ಆದರೆ ಶಾಂತಿ ಮತ್ತು ಸ್ಥಿರತೆ ಹುಡುಕುವ ಭರವಸೆಯಲ್ಲಿ ಎಂದು ಹೇಳಿಕೊಂಡಿದ್ದಾರೆ.

ನಾನು ಈವರೆಗೆ 53 ಮಹಿಳೆಯರನ್ನು ಮದುವೆಯಾಗಿದ್ದೇನೆ. ಮೊದಲನೆಯದು ನಾನು 20 ವರ್ಷ ವಯಸ್ಸಿನವನಾಗಿದ್ದಾಗ ಮತ್ತು ಅವಳು ನನಗಿಂತ ಆರು ವರ್ಷ ದೊಡ್ಡವಳಾಗಿದ್ದಳು ಎಂದು ಅಬ್ದುಲ್ಲಾ ಸೌದಿ ಒಡೆತನದ ದೂರದರ್ಶನಕ್ಕೆ ತಿಳಿಸಿದ್ದಾರೆ.

ಅಬು ಅಬ್ದುಲ್ಲಾ ತನ್ನ ಮೊದಲ ಹೆಂಡತಿಯೊಂದಿಗೆ ಮಕ್ಕಳನ್ನು ಹೊಂದಿದ್ದು, ಎಲ್ಲವೂ ಸರಿಯಾಗಿ ನಡೆಯುತ್ತಿತ್ತು, ಆದರೆ ನಂತರ ಅವರ ಜೀವನದಲ್ಲಿ ಸಮಸ್ಯೆಗಳು ಕಾಣಿಸಿಕೊಂಡವು. ಹೀಗಾಗಿ ಮತ್ತೆ ಮದುವೆಯಾಗಲು ನಿರ್ಧರಿಸಿದರು.

23 ವರ್ಷದವರಾಗಿದ್ದಾಗ ಇನ್ನೊಬ್ಬ ಮಹಿಳೆಯನ್ನು ವಿವಾಹವಾದರು. ಆದರೆ, ತನ್ನ ಮೊದಲ ಮತ್ತು ಎರಡನೇ ವಧುವಿನ ನಡುವೆ ಸಮಸ್ಯೆಗಳು ಹರಿದಾಡಲು ಪ್ರಾರಂಭಿಸಿದಾಗ, ಅಬ್ದುಲ್ಲಾ ಮೂರನೇ ಮತ್ತು ನಾಲ್ಕನೇ ಬಾರಿಗೆ ಮದುವೆಯಾಗಲು ನಿರ್ಧರಿಸಿದರು. ಈ ವೇಳೆ ತನ್ನ ಮೊದಲ ಇಬ್ಬರು ಹೆಂಡತಿಯರಿಗೆ ವಿಚ್ಛೇದನ ನೀಡಿದ್ದಾರೆ.

ಅವರ ಎಲ್ಲಾ ಮದುವೆಗಳು ವಿಫಲಗೊಳ್ಳುತ್ತಲೇ ಇದ್ದವು. ಅವರ ಹಲವಾರು ಮದುವೆಗಳಿಗೆ ಸರಳ ಕಾರಣವೆಂದರೆ ಅವರನ್ನು ಸಂತೋಷಪಡಿಸುವ ಮಹಿಳೆಯ ಹುಡುಕಾಟವಾಗಿತ್ತು.

ಆತನ ಹೆಚ್ಚಿನ ಹೆಂಡತಿಯರು ಸೌದಿ ಅರೇಬಿಯಾದವರು, ಕೆಲವು ತಿಂಗಳುಗಳ ಕಾಲ ಕೆಲಸದ ಪ್ರವಾಸದಲ್ಲಿ ಒಬ್ಬ ವಿದೇಶಿ ಮಹಿಳೆಯನ್ನು ಸಹ ವಿವಾಹವಾಗಿದ್ದರು.

ಇತ್ತೀಚೆಗೆ ಒಬ್ಬ ಮಹಿಳೆಯನ್ನು ಮದುವೆಯಾಗಿದ್ದು, ಮರುಮದುವೆಯಾಗಲು ಯೋಜಿಸುವುದಿಲ್ಲ ಎಂದು ಒತ್ತಿ ಹೇಳಿದ್ದಾನೆ.