ನಿಮ್ಮ ಹೆಸರಿನ ಅರ್ಥವೇನು ? ಅರ್ಬನ್ ಡಿಕ್ಷನರಿ ಇದೀಗ ನಿಮ್ಮ ಹೆಸರಿನ ಅರ್ಥ ತಿಳಿಯಲು ನೆರವಾಗಲು ಮುಂದಾಗಿದೆ. ಈ ಶಬ್ದಕೋಶದ ಪೋರ್ಟಲ್‌ಗೆ ಭೇಟಿ ಕೊಟ್ಟು ತಮ್ಮ ಹೆಸರುಗಳ ಅರ್ಥ ತಿಳಿಯಲು ನೆಟ್ಟಿಗರು ಉತ್ಸುಕರಾಗಿದ್ದಾರೆ.
ಸಾರ್ವಜನಿಕರಿಂದ ನಿಧಿ ಸಂಗ್ರಹಿಸಿ ಸೃಷ್ಟಿಸಲಾದ ಈ ಡಿಜಿಟಲ್ ಗ್ರಂಥಾಲಯದಲ್ಲಿ ತಮ್ಮ ಹೆಸರುಗಳಿಗೆ ಅರ್ಥಗಳನ್ನೂ ಹುಡುಕಬಹುದು ಎಂದು ತಿಳಿದ ನೆಟ್ಟಿಗರು ಅರ್ಬನ್ ಡಿಕ್ಷನರಿಯನ್ನು ಸಾಮಾಜಿಕ ಜಾಲತಾಣದಲ್ಲಿ ಟ್ರೆಂಡ್ ಮಾಡಿಬಿಟ್ಟಿದ್ದಾರೆ.
ಅಷ್ಟಕ್ಕೂ ಈ ಹೆಸರುಗಳು ಡಿಕ್ಷನರಿ ಸೇರಿದ್ದಾದರೂ ಹೇಗೆ ? ಈ ಹೆಸರುಗಳ ಎಂಟ್ರಿಯನ್ನು ನೆಟ್ಟಿಗರೇ ಮಾಡಿದ್ದು, ಇವುಗಳ ಅರ್ಥವನ್ನು ಗಂಭೀರವಾಗಿ ತೆಗೆದುಕೊಳ್ಳಬೇಡಿ. ಆದರೂ ಸಹ ಹೆಸರುಗಳ ಅರ್ಥವನ್ನು ಈ ಡಿಜಿಟಲ್ ಗ್ರಂಥಾಲಯದಲ್ಲಿ ಹುಡುಕುವ ಟ್ರೆಂಡ್ ಸದ್ದು ಮಾಡುತ್ತಿದೆ.
ತಮ್ಮ ಹೆಸರಿಗೆ ಈ ಅರ್ಥವೂ ಇದೆ ಎಂದು ಅರಿತಾಗ ಮೊಗದಲ್ಲಿ ಮೂಡುವ ತಮ್ಮ ಪ್ರತಿಕ್ರಿಯೆಗಳನ್ನು ಜನರು ಸಾಮಾಜಿಕ ಜಾಲತಾಣದಲ್ಲಿ ಶೇರ್‌ ಮಾಡಿಕೊಂಡಿದ್ದಾರೆ.
ನೆಟ್‌ಫ್ಲಿಕ್ಸ್ ಇಂಡಿಯಾ ಸಹ ಈ ಬಗ್ಗೆ ಜೋಕ್ ಒಂದನ್ನು ಮಾಡಿ ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದು, ನೆಟ್ಟಿಗರು ಇದನ್ನು ಫಾಲೋ ಮಾಡಿದ್ದಾರೆ.
Loading ...