ಜೀವವಿಮೆ ಪಡೆಯಲು ನಡೆದಿತ್ತು ಬಹುದೊಡ್ಡ ಸಂಚು….! ಅಮಾಯಕನನ್ನು ಕೊಂದು ವಿಮೆ ಪಡೆಯಲು ಮುಂದಾದವರ ಹೆಡೆಮುರಿ ಕಟ್ಟಿದ ಖಾಕಿ

ನಾಗರಹಾವಿನಿಂದ ಕಚ್ಚಿಸಿಕೊಂಡು ವ್ಯಕ್ತಿಯೊಬ್ಬ ಸಾವಿನ ನಾಟಕವಾಡಲು ಯತ್ನಿಸಿದ ವಿಚಿತ್ರ ಘಟನೆಯೊಂದು ಮಹಾರಾಷ್ಟ್ರದ ಅಹಮದ್​ ನಗರದಲ್ಲಿ ನಡೆದಿದೆ. 54 ವರ್ಷದ ವ್ಯಕ್ತಿಯು 37.5 ಕೋಟಿ ರೂಪಾಯಿ ಮೌಲ್ಯದ ಜೀವವಿಮೆಯನ್ನು ಪಡೆಯುವ ಸಲುವಾಗಿ ನಾಗರ ಹಾವನ್ನು ಸಾವಿನ ಅಸ್ತ್ರವನ್ನಾಗಿ ಬಳಸಲು ಯತ್ನಿಸಿದ್ದ ಎನ್ನಲಾಗಿದೆ.

ಅಮೆರಿಕದ ಜೀವವಿಮಾ ಕಂಪನಿಯೊಂದರಲ್ಲಿ 5 ಮಿಲಿಯನ್​ ಡಾಲರ್​ ಮೌಲ್ಯದ ವಿಮಾ ಪಾಲಿಸಿಯನ್ನು ಹೊಂದಿದ್ದ ಈ ವ್ಯಕ್ತಿ ನಾಗರ ಹಾವನ್ನು ಬಳಸಿ ಸಾವಿನ ನಾಟಕ ಮಾಡಲು ಯತ್ನಿಸಿದ್ದ ಎನ್ನಲಾಗಿದೆ. ಆದರೆ ಜೀವ ವಿಮೆ ಕಂಪನಿಯು ಈ ಬಗ್ಗೆ ಪರಿಶೀಲನೆ ನಡೆಸಲು ತನಿಖಾಧಿಕಾರಿಯನ್ನು ಕಳುಹಿಸಿದ ವೇಳೆ ಸತ್ಯ ಬೆಳಕಿಗೆ ಬಂದಿದೆ.

ತನಿಖಾಧಿಕಾರಿ ವಿಚಾರಣೆ ನಡೆಸಿದ ವೇಳೆಯಲ್ಲಿ ಪ್ರಕರಣದ ಸಂಪೂರ್ಣ ಸತ್ಯಾಂಶ ಬೆಳಕಿಗೆ ಬಂದಿದೆ. ಈ ಸಂಬಂಧ ಪೊಲೀಸರು 54 ವರ್ಷದ ವ್ಯಕ್ತಿ ಹಾಗೂ ಆತನ ನಾಲ್ವರು ಸಹಚರರನ್ನು ಬಂಧಿಸಿದ್ದಾರೆ. ಪ್ರಭಾಕರ್​ ಭೀಮಾಜಿ ವಾಘಚೌರೆ ಎಂಬಾತ ಕಳೆದ 20 ವರ್ಷಗಳಿಂದ ಅಮೆರಿಕದಲ್ಲಿ ನೆಲೆಸಿದ್ದು, ಈ ವರ್ಷದ ಜನವರಿಯಲ್ಲಿ ಭಾರತಕ್ಕೆ ವಾಪಸ್ಸಾಗಿದ್ದರು ಎನ್ನಲಾಗಿದೆ.

BIG NEWS: ಕುಮಾರಸ್ವಾಮಿಯಿಂದ ಸೂಟ್ ಕೇಸ್ ರಾಜಕಾರಣ; ಜಮೀರ್ ಅಹ್ಮದ್ ಗಂಭೀರ ಆರೋಪ

ಪ್ರಭಾಕರ್​ ಜನವರಿ ತಿಂಗಳಿನಿಂದ ಮಹಾರಾಷ್ಟ್ರದ ಅಹಮದ್​ನಗರದ ರಾಜೂರ್​ ಗ್ರಾಮದಲ್ಲಿ ನೆಲೆಸಿದ್ದರು. ವಾಘಚೋರೆ ನಕಲಿ ಮರಣ ಪ್ರಮಾಣ ಪತ್ರವನ್ನು ಸ್ಥಳೀಯ ಸರ್ಕಾರಿ ಆಸ್ಪತ್ರೆಯಿಂದ ಪೊಲೀಸ್​ ಠಾಣೆ ಅಧಿಕಾರಿಗಳು ಪಡೆದಿದ್ದಾರೆ.

ಪ್ರಭಾಕರ್ ಮೃತದೇಹವನ್ನು ಆತನ ಅಳಿಯ ಹಾಗೂ ಇನ್ನೊಬ್ಬ ವ್ಯಕ್ತಿ ಗುರುತಿಸಿದ್ದರು. ಮರಣ ಪ್ರಮಾಣಪತ್ರದಲ್ಲಿ ನಾಗರ ಹಾವು ಕಚ್ಚಿ ಪ್ರಭಾಕರ್​ ಸಾವನ್ನಪ್ಪಿದ್ದಾರೆ ಎಂದು ವರದಿಯಾಗಿತ್ತು. ಪ್ರಭಾಕರ್​ದ್ದು ಎನ್ನಲಾದ ಮೃತದೇಹವನ್ನು ಅಳಿಯನಿಗೆ ಹಸ್ತಾಂತರಿಸಲಾಗಿತ್ತು.

ಆದರೆ ಪೊಲೀಸ್​ ತನಿಖೆ ವೇಳೆಯಲ್ಲಿ ಪ್ರಭಾಕರ್​ ಅಳಿಯ ಎನ್ನಲಾದ ಪ್ರವೀಣ್​ ಕೋವಿಡ್​ 19ನಿಂದ ಮೃತಪಟ್ಟಿದ್ದ ಎಂಬ ವರದಿ ಬೆಳಕಿಗೆ ಬಂದ ಬಳಿಕ ಪ್ರಕರಣ ಬಹುದೊಡ್ಡ ತಿರುವು ಪಡೆದಿದೆ. ಆರೋಪಿಯ ಕಾಲ್​ ರೆಕಾರ್ಡ್​ಗಳನ್ನು ಪರಿಶೀಲನೆ ಮಾಡಿದ ವೇಳೆಯಲ್ಲಿ ಆತ ಸತ್ತಿಲ್ಲ ಬದುಕಿದ್ದಾನೆ ಎಂದು ತಿಳಿದುಬಂದಿದೆ. ಕೂಡಲೇ ಪೊಲೀಸರು ಆತನನ್ನು ಬಂಧಿಸಿದ್ದಾರೆ.

ಪ್ರತಿ ದಿನ ಕನಿಷ್ಠ 7 ಗಂಟೆ ನಿದ್ರೆ ಮಾಡದೇ ಇದ್ರೆ ಕಾಡತ್ತೆ ಈ ಸಮಸ್ಯೆ

ಇನ್ನು ಈ ವಿಚಾರವಾಗಿ ಮಾತನಾಡಿದ ಎಸ್​ಪಿ ಮನೋಜ್ ಪಾಟೀಲ್, ಈ ಜೀವವಿಮೆ ಪಡೆಯುವ ಸಲುವಾಗಿ ವಾಘಚೌರೆ ಹಾಗೂ ಆತನ ಸಹಚರರು ಬಹುದೊಡ್ಡ ಸಂಚನ್ನೇ ರೂಪಿಸಿದ್ದರು. ಹಾವು ಆಡಿಸುವವನಿಂದ ವಾಘಚೌರೆ ಹಾವು ಖರೀದಿಸಿದ್ದ. ಬಳಿಕ ವಾಘಚೌರೆಯಂತೆಯೇ ಕಾಣುವಂತ ವ್ಯಕ್ತಿಯೊಬ್ಬನನ್ನು ಹುಡುಕಿದ್ದರು. ಬಳಿಕ ನಾಗರಹಾವನ್ನು ಕಚ್ಚಿಸಿ ಆತನ ಕೊಲೆ ಮಾಡಲಾಯ್ತು. ಬಳಿಕ ವಾಘಚೌರೆಯೇ ಪ್ರವೀಣ್​​​ನಂತೆ ಪೋಸ್​ ಕೊಟ್ಟು ಹಾವು ಕಚ್ಚಿ ಸತ್ತಿದ್ದು ತನ್ನ ಮಾವ ಎಂದು ಹೇಳಿದ್ದರು.

ಹಾವು ಕಚ್ಚಿಸಿಕೊಂಡು ಸಾವನ್ನಪ್ಪಿದ ವ್ಯಕ್ತಿಯನ್ನು ನವನಾಥ್​ ಯಶವಂತ್​​ ಆನಪ್​ ಎಂದು ಗುರುತಿಸಲಾಗಿದೆ. 50 ವರ್ಷದ ವ್ಯಕ್ತಿಯು ಇದೇ ಏರಿಯಾದಲ್ಲಿ ವಾಸಿಸುತ್ತಿದ್ದ ಎನ್ನಲಾಗಿದೆ. ಈ ವಿಚಾರವಾಗಿ ಮಾತನಾಡಿದ ಪೊಲೀಸರು, ಪ್ರಕರಣ ಸಂಬಂಧ ವಾಘಚೋರೆ ಹಾಗೂ ಆತನ ನಾಲ್ವರು ಸಹಚರನನ್ನು ಬಂಧಿಸಲಾಗಿದೆ. ತನ್ನ ಸಹಚರರಿಗೆ ವಾಘಚೌರೆ 35 ಲಕ್ಷ ರೂಪಾಯಿ ಕೊಡುವುದಾಗಿ ಹೇಳಿದ್ದ ಎನ್ನಲಾಗಿದೆ.