ಕೊರೊನಾ ಲಸಿಕೆ ಪಡೆಯದವರ ವಿರುದ್ಧ ಕಠಿಣ ಕ್ರಮಕ್ಕೆ ಮುಂದಾದ ಸರ್ಕಾರ….!

ದೃಢವಾದ ಕಾರಣವಿಲ್ಲದೇ ಕೊರೊನಾ ಲಸಿಕೆಯನ್ನು ಸ್ವೀಕರಿಸಲು ನಿರಾಕರಿಸಿದವರ ವಿರುದ್ಧ ಕಠಿಣ ಕ್ರಮವನ್ನು ಕೈಗೊಳ್ಳಲು ಮಲೇಷಿಯಾ ಸರ್ಕಾರ ಮುಂದಾಗಿದೆ. ದೇಶದ ಆರೋಗ್ಯ ಸಚಿವಾಲಯವು ಈ ಸಂಬಂಧ ಹೊಸ ಯೋಜನೆಯೊಂದನ್ನು ಜಾರಿಗೆ ತರಲಿದ್ದು ಈ ಮೂಲಕ ಕೋವಿಡ್​ 19 ಲಸಿಕೆ ಪಡೆಯದವರ ವಿರುದ್ಧ ಕಠಿಣ ಕ್ರಮಗಳನ್ನು ಕೈಗೊಳ್ಳಲಿದೆ.

BREAKING: ರಾಜ್ಯದಲ್ಲಿಂದು 349 ಜನರಿಗೆ ಕೊರೋನಾ ಸೋಂಕು ದೃಢ, 14 ಮಂದಿ ಸಾವು

ಇದನ್ನು ಹೇಳುತ್ತಿರೋದಕ್ಕೆ ಕ್ಷಮೆ ಇರಲಿ, ಆದರೆ ನೀವು ಬೇಕಂತಲೇ ಕೋವಿಡ್​ ಲಸಿಕೆಯನ್ನು ಸ್ವೀಕರಿಸದೇ ಹೋದಲ್ಲಿ ನಿಮ್ಮ ಜೀವನವನ್ನು ಇನ್ನಷ್ಟು ಕಷ್ಟ ಮಾಡಲಿದ್ದೇವೆ ಎಂದು ಆರೋಗ್ಯ ಸಚಿವ ಕೈರಿ ಜಮಾಲುದ್ದೀನ್​ ಹೇಳಿದ್ದಾರೆ.

ಹೊಸ ನಿಯಮಗಳ ಬಗ್ಗೆ ಹೆಚ್ಚೇನು ಮಾಹಿತಿಯನ್ನು ನೀಡದ ಸಚಿವ ಜಮಾಲುದ್ದೀನ್​, ಕೋವಿಡ್ ಲಸಿಕೆಯನ್ನು ಪಡೆಯದ ಮಲೇಷಿಯನ್ನರು ಕಡ್ಡಾಯ ಕೋವಿಡ್​ ಪರೀಕ್ಷೆಗಳಲ್ಲಿ ಹಣವನ್ನು ಪಾವತಿಸಬೇಕಾಗತ್ತದೆ ಎಂದು ಹೇಳಿದ್ದಾರೆ.

ಶಾಕಿಂಗ್​: ಭಾರೀ ಮಳೆಯೊಂದಿಗೆ ಆಕಾಶದಿಂದ ಉದುರಿದ ಮೀನುಗಳು…..!

ಕೋವಿಡ್​​ ಲಸಿಕೆಯು ಮಲೇಷಿಯಾದಲ್ಲಿ ಕಡ್ಡಾಯವಲ್ಲದೇ ಇದ್ದರೂ ಸಹ, ಲಸಿಕೆ ಪಡೆಯದ ಅನೇಕರು ದೇಶದ ಅನೇಕ ಪ್ರಯೋಜನಗಳಿಂದ ವಂಚಿತರಾಗಲಿದ್ದಾರೆ. ಹೊಸ ನಿಯಮವು ಮಸೀದಿ ಪ್ರವೇಶ, ಹೋಟೆಲ್​ ಹಾಗೂ ಅಂಗಡಿಗಳಿಗೆ ಭೇಟಿ ನೀಡಲು ನಿಷಿದ್ಧ ಹೇರುವುದನ್ನೂ ಮೀರಿದೆ ಎಂದು ಹೇಳಿದ್ದಾರೆ.

ವೈದ್ಯಕೀಯ ಕಾರಣವಿರುವ ಹಿನ್ನೆಲೆಯಲ್ಲಿ ಕೊರೊನಾ ಲಸಿಕೆ ಪಡೆಯದವರು ಈ ನಿಯಮಗಳಿಂದ ವಿನಾಯ್ತಿ ಪಡೆಯಲಿದ್ದಾರೆ ಎಂದು ಸಚಿವಾಲಯ ಹೇಳಿದೆ.