ಇಲ್ಲಿದೆ ನೋಡಿ ವಿಶ್ವದ ಅತ್ಯಂತ ಚಿಕ್ಕ ಅಗ್ನಿಶಾಮಕ ಟ್ರಕ್…!

ಭಾರತದಲ್ಲಿ ಎಲೆಕ್ಟ್ರಿಕ್​ ವಾಹನಗಳು ನಿಧಾನವಾಗಿ ಬಳಕೆಗೆ ಬರುತ್ತಿದೆ. ತುರ್ತು ಸೇವೆಗೆ ಎಲೆಕ್ಟ್ರಿಕ್​ ವಾಹನ ಇನ್ನೂ ಬರಬೇಕಷ್ಟೆ.

ಪ್ರಸ್ತುತ ಅಗ್ನಿಶಾಮಕ ದಳದವರು ಬಳಸುವ ಬೃಹತ್​ ವಾಹನಗಳನ್ನು ನೋಡಿರುತ್ತೇವೆ. ಅಗ್ನಿಶಾಮಕ ವಾಹನವಾಗಿ ಬಳಸಲಾಗುವ ಕಾಂಪ್ಯಾಕ್ಟ್​ ಗಾತ್ರದ ವಿದ್ಯುತ್​ ವಾಹನವನ್ನು ಯೋಚಿಸುವುದು ಅಸಾಧ್ಯ. ಆದರೆ ಚೀನಾದ ಇ-ಕಾಮರ್ಸ್​ ಕಂಪನಿ ಅಲಿಬಾಬಾ ಈ ಅಭಿಪ್ರಾಯ ತಪ್ಪು ಎಂದು ಸಾಬೀತುಪಡಿಸಲು ಬರುತ್ತಿದೆ.

ಅಲಿಬಾಬಾ ತನ್ನ ಇ- ಕಾಮರ್ಸ್​ ಸೈಟ್​ನಲ್ಲಿ ಆನ್​ಲೈನ್​ನಲ್ಲಿ ಅತ್ಯಂತ ಚಿಕ್ಕ ಅಗ್ನಿಶಾಮಕ ಟ್ರಕ್​ ಅನ್ನು ಮಾರಾಟ ಮಾಡುತ್ತಿದೆ. ಇದು ಸಂರ್ಪೂಣವಾಗಿ ಎಲೆಕ್ಟ್ರಿಕ್​ ಆಗಿದೆ, ಸಾಮಾನ್ಯ ಜನರು ಸಹ ಖರೀದಿಸಲು ಯೋಚಿಸಬಹುದು.

ಅಲಿಬಾಬಾ ನೀಡುವ ರೊಬೆಟಾ ಎಲೆಕ್ಟ್ರಿಕ್​ ಅಗ್ನಿಶಾಮಕ ಟ್ರಕ್​ ಸಾಮಾನ್ಯ ವ್ಯಕ್ತಿ ಕೂಡ ತನ್ನದೇ ಆದ ವೆೈಯಕ್ತಿಕ ಅಗ್ನಿಶಾಮಕ ಟ್ರಕ್​ ಅನ್ನು ಹೊಂದಲು ಯೋಚಿಸಬಹುದಾಗಿದೆ. ಆಡಿಟಿ ಸೆಂಟ್ರಲ್​ ಪ್ರಕಾರ, ರಾಬರ್ಟಾ ಎಲೆಕ್ಟ್ರಿಕ್​ ಅಗ್ನಿಶಾಮಕ ಟ್ರಕ್​ ಕೇವಲ ರೂ. 2,05,591 ಆಗಿರುತ್ತದೆ, ಇದು ಅಲ್ಲಿಗೆ ಅಗ್ಗದ ಮತ್ತು ಅತ್ಯಂತ ಒಳ್ಳೆ ಅಗ್ನಿಶಾಮಕ ಟ್ರಕ್​ ಆಗಿದೆ.

50ಕಿಮೀ ವೇಗದಲ್ಲಿ ಓಡಬಲ್ಲ ಟ್ರಕ್​ ಮುದ್ದಾಗಿ ಕಂಡರೂ, ಅಗ್ನಿಶಾಮಕಕ್ಕೆ ಸಂಬಂಧಿಸಿದಂತೆ ಅದರ ಸಾಮರ್ಥ್ಯವು ಹೆಚ್ಚಿದೆ. ಅಲಿಬಾಬಾದಲ್ಲಿನ ವಿವರಣೆಯ ಪ್ರಕಾರ ಸಣ್ಣ ಪ್ರಮಾಣದ ಬೆಂಕಿಯನ್ನು ನಿಭಾಯಿಸಲು ಸಹಾಯ ಮಾಡುವ ವಿವಿಧ ಸಾಧನಗಳನ್ನು ಹೊಂದಿವೆ.

ಇದು ಖಂಡಿತವಾಗಿಯೂ ದೊಡ್ಡ ಬೆಂಕಿಯ ಸಂದರ್ಭದಲ್ಲಿ ಸಹಾಯ ಮಾಡುವುದಿಲ್ಲ, ಕಿರಿದಾದ ದಾರಿಯಲ್ಲಿ ಅಥವಾ ದೊಡ್ಡ ಅಗ್ನಿಶಾಮಕ ಟ್ರಕ್​ಗಳು ಸಾಮಾನ್ಯವಾಗಿ ತಲುಪಲು ಸಾಧ್ಯವಾಗದ ಸ್ಥಳಗಳಲ್ಲಿ ನೆರವಿಗೆ ಬರುತ್ತದೆ.