ಹೊಸ ಆವಿಷ್ಕಾರ: ಜಾಕೆಟ್ ಒಳಗೆ ಫ್ಯಾನ್​, ಭೇಷ್​ ಎಂದ ನೆಟ್ಟಿಗರು

ಜಪಾನ್​​ನಲ್ಲಿ ಸುಡುವ ಶಾಖವನ್ನು ಎದುರಿಸೋದು ಸುಲಭವಲ್ಲ. ಹೀಗಾಗಿ ಇದಕ್ಕೆ ಪ್ರತಿಯಾಗಿ ಹೊಸ ಮಾದರಿಯ ಜಾಕೆಟ್​ವೊಂದನ್ನು ಜಪಾನ್​ನ ಕಂಪನಿಯೊಂದು ತಯಾರಿಸಿದೆ. ಜಪಾನ್​ನಲ್ಲಿ ಸೂರ್ಯನ ಧಗೆಯನ್ನು ಎದುರಿಸಲು ಫ್ಯಾನ್​ ಹೊಂದಿರುವ ಜಾಕೆಟ್​ನ್ನು ಆವಿಷ್ಕಾರ ಮಾಡಿದೆ.

ಟ್ವಿಟರ್​ನಲ್ಲಿ ಈ ಜಾಕೆಟ್​ನ ವಿಡಿಯೋ ವೈರಲ್​ ಆಗಿದೆ. ವ್ಯಕ್ತಿಯೊಬ್ಬರು ಫ್ಯಾನ್​ ಹೊಂದಿರುವ ಕೂಲಿಂಗ್​ ಜಾಕೆಟ್​ ಧರಿಸಿ ತಮ್ಮ ಕೆಲಸವನ್ನು ಮಾಡುತ್ತಿರುವ ವಿಡಿಯೋ 6 ಮಿಲಿಯನ್​ಗೂ ಅಧಿಕ ವೀವ್ಸ್​ ಸಂಪಾದಿಸಿದೆ. ಈ ಜಾಕೆಟ್​​ನಲ್ಲಿ ಗಾಳಿಯನ್ನು ಬೀಸುವ ಫ್ಯಾನ್​ ಇರೋದನ್ನು ನೀವು ಕಾಣಬಹುದಾಗಿದೆ.

ಈ ವಿಡಿಯೋವು ಟ್ವಿಟರ್​​ನಲ್ಲಿ ಹೊಸದೊಂದು ಚರ್ಚೆಯನ್ನು ಸೃಷ್ಟಿಸಿದೆ. ಕಮೆಂಟ್​ ವಿಭಾಗದಲ್ಲಿ ವ್ಯಕ್ತಿಯೊಬ್ಬರು ಈ ರೀತಿಯ ಜಾಕೆಟ್​​​ ಧರಿಸಿದ ಅನುಭವವನ್ನು ಹಂಚಿಕೊಂಡಿದ್ದಾರೆ. ಶಸ್ತ್ರ ಚಿಕಿತ್ಸೆಯ ಸಂದರ್ಭದಲ್ಲಿ ಇಂತಹ ಜಾಕೆಟ್​ ತುಂಬಾನೇ ಸಹಕಾರಿ ಎಂದಿದ್ದಾರೆ. ಇಂತಹ ನವೀನ ಉಡುಪುಗಳ ಬಗ್ಗೆ ಅನೇಕರು ಆಶ್ಚರ್ಯ ಹೊರ ಹಾಕಿದ್ದಾರೆ.