ಇರಾಕ್ ಮೂಲದ ವ್ಯಕ್ತಿಯೊಬ್ಬ ಹಜ್ ಪ್ರಾರಂಭವಾಗುವ 11 ತಿಂಗಳ ಮೊದಲು ಯುಕೆಯಿಂದ ಮೆಕ್ಕಾಗೆ ನಡೆದು ವಿಶ್ವದಲ್ಲಿ ಶಾಂತಿಯ ಸಂದೇಶವನ್ನು ಸಾರುತ್ತಿದ್ದಾನೆ.

ಹೌದು, ವ್ಯಕ್ತಿಯೊಬ್ಬ ಯುಕೆಯಿಂದ ಮೆಕ್ಕಾಗೆ 10 ತಿಂಗಳು ಮತ್ತು 25 ದಿನಗಳಲ್ಲಿ ನಡೆದು, ದಾರಿಯಲ್ಲಿ 11 ದೇಶಗಳನ್ನು ದಾಟಿದ್ದಾನೆ. 52 ವರ್ಷದ ಆಡಮ್ ಮೊಹಮದ್ ಕಳೆದ ವರ್ಷ ಆಗಸ್ಟ್ 1 ರಂದು ವಾಲ್ವರ್‌ಹ್ಯಾಂಪ್ಟನ್‌ನಿಂದ ಹೊರಟು 6,500 ಕಿ.ಮೀ ದೂರವನ್ನು ಕ್ರಮಿಸಿ ಸೌದಿ ಅರೇಬಿಯಾದ ನಗರವನ್ನು ತಲುಪುವ ಮೊದಲು ಜುಲೈ 7 ರಂದು ಹಜ್ ಯಾತ್ರೆ ಆರಂಭವಾಗುತ್ತದೆ.

ಆಡಮ್ ಪ್ರತಿದಿನ ಸರಾಸರಿ 17.8 ಕಿಮೀ ಕ್ರಮಿಸಿದ್ದಾರೆ. ಇಸ್ಲಾಮಿಕ್ ಪಠಣಗಳನ್ನು ನುಡಿಸುವ ಸ್ಪೀಕರ್‌ಗಳನ್ನು ಅಳವಡಿಸಲಾಗಿದ್ದರೆ. ಜಗತ್ತಿನಲ್ಲಿ ಶಾಂತಿ ಮತ್ತು ಸಮಾನತೆಯ ಸಂದೇಶವನ್ನು ಹರಡುವುದು ಅವರ ಉದ್ದೇಶವಾಗಿದೆ.

ತಾನು ಇದನ್ನೆಲ್ಲಾ ಕೇವಲ ಖ್ಯಾತಿ ಅಥವಾ ಹಣಕ್ಕಾಗಿ ಮಾಡುತ್ತಿಲ್ಲ. ಆದರೆ ನಮ್ಮ ಜನಾಂಗ, ಬಣ್ಣ, ಧರ್ಮವನ್ನು ಲೆಕ್ಕಿಸದೆ ನಾವೆಲ್ಲರೂ ಸಮಾನರು ಎಂದು ಜಗತ್ತಿಗೆ ಎತ್ತಿ ತೋರಿಸಲು ಮತ್ತು ನಮ್ಮ ಧರ್ಮ ಇಸ್ಲಾಂ ಕಲಿಸುವ ಶಾಂತಿ ಮತ್ತು ಏಕತೆಯ ಸಂದೇಶವನ್ನು ಹರಡಲು ತಾನು ಈ ರೀತಿ ಮಾಡುತ್ತಿರುವುದಾಗಿ ತಿಳಿಸಿದ್ದಾರೆ. ಕೇವಲ 1,000 ಪೌಂಡ್‌ಗಳನ್ನು ಸಂಗ್ರಹಿಸುವುದು ಅವರ ಗುರಿಯಾಗಿದ್ದರೂ, ಈವರೆಗೆ 26,000 ಪೌಂಡ್‌ಗಳ ದೇಣಿಗೆಯನ್ನು ಪಡೆದಿದ್ದಾರೆ.

ಸಾಂಕ್ರಾಮಿಕ ರೋಗದ ನಂತರ, ಆಡಮ್ ಜೀವನದಲ್ಲಿ ಅನೇಕ ವಿಷಯಗಳನ್ನು ಪ್ರಶ್ನಿಸಲು ಪ್ರಾರಂಭಿಸಿದ್ರು. ಆ ಉತ್ತರಗಳನ್ನು ಕಂಡುಹಿಡಿಯಲು ಕುರಾನ್‌ ಅನ್ನು ಆಳವಾಗಿ ಅರ್ಥ ಮಾಡಿಕೊಳ್ಳಲು ನಿರ್ಧರಿಸಿದ್ರು. ಅವರು ತಮ್ಮ ಪ್ರಯಾಣವನ್ನು ಟಿಕ್ ಟಾಕ್ ನಲ್ಲಿ ಪ್ರಸಾರ ಮಾಡಿದರು. ಮಹಿಳೆಯರು ಹಿಜಾಬ್ ಧರಿಸುವುದನ್ನು ಪ್ರೋತ್ಸಾಹಿಸಲು ಒಂದು ದಿನ ಹಿಜಾಬ್ ಕೂಡ ಧರಿಸಿದ್ದರು.

ಎರಡು ವರ್ಷಗಳ ಅಂತರದ ನಂತರ ಸೌದಿ ಅರೇಬಿಯಾ ಈ ವರ್ಷ 1 ಮಿಲಿಯನ್ ಮುಸ್ಲಿಮರಿಗೆ ಹಜ್ ಯಾತ್ರೆಗೆ ಅವಕಾಶ ನೀಡಿದೆ. 2020 ಮತ್ತು 2021 ರಲ್ಲಿ, ಹಜ್ ಸೌದಿ ಅರೇಬಿಯಾ ನಿವಾಸಿಗಳಿಗೆ ಮಾತ್ರ ಸೀಮಿತವಾಗಿತ್ತು. ಭಾನುವಾರ ಮಧ್ಯರಾತ್ರಿಯ ವೇಳೆಗೆ 2,66,000 ಹಜ್ ಯಾತ್ರಿಕರು ಮೆಕ್ಕಾ ಮತ್ತು ಮದೀನಾವನ್ನು ತಲುಪಿದ್ದಾರೆ ಎಂದು ಸೌದಿ ಅರೇಬಿಯಾದ ಹಜ್ ಸಚಿವಾಲಯ ಹೊರಡಿಸಿದ ಹೇಳಿಕೆಯಲ್ಲಿ ತಿಳಿಸಿದೆ.