ಬಿಯರ್ ಬಾಟಲಿಗಳನ್ನ ನೀವು ಎಷ್ಟು ಪ್ರೀತಿ ಮಾಡುತ್ತೀರಿ..? ಬಿಯರ್ ಪಾನೀಯಕ್ಕಾಗಿ ನಿಮ್ಮ ಪ್ರಾಣಕ್ಕೆ ಸಂಚಕಾರ ತೆಗೆದುಕೊಳ್ಳಲು ನೀವು ತಯಾರಿದ್ದೀರಾ..? ಇಲ್ಲ ಅನ್ನೋದು ನಿಮ್ಮ ಉತ್ತರವಾದರೆ ಈ ಸ್ಟೋರಿಯನ್ನ ನೀವು ಓದಲೇಬೇಕು.
ಆಸ್ಟ್ರೇಲಿಯಾದ ಮಹಿಳೆಯೊಬ್ಬರು ತಮ್ಮ ಬಿಯರ್ ಬಾಟಲಿಗಳನ್ನ ಉಳಿಸಿಕೊಳ್ಳಬೇಕು ಎಂಬ ಕಾರಣಕ್ಕೆ ಪ್ರವಾಹದ ನೀರಿಗೆ ಧುಮುಕಿದ್ದಾರೆ. ಕ್ವೀನ್ ಲ್ಯಾಂಡ್ಸ್ ಹಾಗೂ ಉತ್ತರ ನ್ಯೂ ಸೌತ್ ವೇಲ್ಸ್ನ ಹಲವು ಭಾಗಗಳಲ್ಲಿ ಕಳೆದ ವಾರ ಭಾರೀ ಪ್ರಮಾಣದಲ್ಲಿ ಮಳೆಯಾಗಿದೆ. ಈ ಮಳೆಯು ಆಸ್ಟ್ರೇಲಿಯಾದ ಹಲವು ಭಾಗಗಳಲ್ಲಿ ಪ್ರವಾಹ ಪರಿಸ್ಥಿತಿ ಉಂಟು ಮಾಡಿತ್ತು.
ಪ್ರವಾಹದಿಂದ ತಮ್ಮ ಮನೆ ಮಠಗಳನ್ನ ಉಳಿಸಿಕೊಳ್ಳೋಕೆ ಅನೇಕರು ಹೆಣಗಾಡುತ್ತಿದ್ದರೆ ಒಬ್ಬ ಮಹಿಳೆ ಮಾತ್ರ ನೀರಿನಲ್ಲಿ ಕೊಚ್ಚಿ ಹೋಗುತ್ತಿದ್ದ ಬಿಯರ್ ಬಾಟಲಿಗಾಗಿ ಜೀವವನ್ನೇ ಪಣಕ್ಕಿಟ್ಟಿದ್ದಾಳೆ. ಮೊಣಕಾಲಿನವರೆಗೆ ನೀರು ಬರುತ್ತಿದ್ದರೂ ಅಂಜದ ಮಹಿಳೆ ಪ್ರವಾಹದಲ್ಲಿ ಕೊಚ್ಚಿ ಹೋಗುತ್ತಿದ್ದ ಬಿಯರ್ ಕೇಸ್ಗಳನ್ನ ತೆಗೆದುಕೊಂಡು ಬರುವಲ್ಲಿ ಯಶಸ್ವಿಯಾಗಿದ್ದಾಳೆ. ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
Loading ...