ಆಕಾಶದಲ್ಲಿ ಮೂರನೇ ಬಾರಿಗೆ ಪ್ರತ್ಯಕ್ಷನಾದ ಜೆಟ್​ ಪ್ಯಾಕ್ ಮನುಷ್ಯ…!

2020ರಲ್ಲಿ ಕೊರೊನಾ ಹೊರತುಪಡಿಸಿ ನಮಗೆ ಆಘಾತವನ್ನುಂಟು ಮಾಡುವ ಅನೇಕ ವಿಷಯಗಳನ್ನ ನಾವು ಸಾಮಾಜಿಕ ಜಾಲತಾಣದಲ್ಲಿ ನೋಡಿದ್ದೇವೆ.

ಅದು ಫೆರಾರೋ ರೋಚರ್​ ಚಾಕಲೇಟ್​ನಿಂದ ಮಾಡಿದ ಮಂಚೂರಿಯನ್​ ಆಗಿರಲಿ ಇಲ್ಲವೇ ಮೆಣಸಿನಕಾಯಿ ಜಿಲೇಬಿ ಆಗಿರಲಿ. ಇದನ್ನೆಲ್ಲ ನೋಡಿದಾಗ ಈ ಜಗತ್ತು ಎತ್ತ ಸಾಗುತ್ತಿದೆ ಎಂಬ ಪ್ರಶ್ನೆ ಅನೇಕರಲ್ಲಿ ಹುಟ್ಟಿದ್ದಂತೂ ನಿಜ.

ಇವೆಲ್ಲದರ ನಡುವೆ ಲಾಸ್​ ಎಂಜಲೀಸ್​ನಲ್ಲಿ ಜೆಟ್​ಪ್ಯಾಕ್​ ಮನುಷ್ಯನ ನೋಟವು ಪುನರಾವರ್ತನೆಯಾಗುತ್ತಿರುವ ವಿಲಕ್ಷಣ ಘಟನೆ ಪುನಾರವರ್ತಿತವಾಗುತ್ತಿದೆ.

ಈ ಘಟನೆ ಮೊದಲು ವರದಿಯಾಗಿದ್ದು ಸೆಪ್ಟೆಂಬರ್​ 2020ರಲ್ಲಿ. ಪೈಲಟ್​​ಗಳು ಈ ಜೆಟ್​ಪ್ಯಾಕ್​ ಮನುಷ್ಯನನ್ನ ಪತ್ತೆ ಮಾಡಿದ್ದರು. ನಂತರ ಫೆಡರಲ್​ ಬ್ಯುರೋ ಆಫ್​ ಇನ್ವೆಸ್ಟಿಗೇಷನ್​​ ತನಿಖೆ ಪ್ರಾರಂಭಿಸಿತು.

2020ರ ಅಕ್ಟೋಬರ್​​ನಲ್ಲಿ ಲಾಸ್​ ಎಂಜಲೀಸ್​ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಬಳಿ 6500 ಅಡಿ ಎತ್ತರದಲ್ಲಿ 2ನೇ ಬಾರಿಗೆ ಜೆಟ್​ಪ್ಯಾಕ್​ ಮನುಷ್ಯನನ್ನ ಗುರುತಿಸಲಾಗಿದೆ.

ಈ ಸಮಯದಲ್ಲಿ ಪೈಲಟ್​ ಜೆಟ್​ಪ್ಯಾಕ್​ ಮನುಷ್ಯನ ವಿಡಿಯೋವನ್ನ ಸೆರೆಹಿಡಿದಿದ್ದಾರೆ. ಸಾಮಾಜಿಕ ಮಾಧ್ಯಮಗಳಲ್ಲಿ ಹಲವಾರು ಬಳಕೆದಾರರು ಹಂಚಿಕೊಂಡಿರುವ ವಿಡಿಯೋದಲ್ಲಿ ಮೋಡದ ಮಧ್ಯದಲ್ಲಿ ಚಲಿಸುತ್ತಿರೋದನ್ನ ಕಾಣಬಹುದಾಗಿದೆ. ಈ ವಿಡಿಯೋಗೆ ಸಾಕಷ್ಟು ಮಂದಿ ಕಾಮೆಂಟ್​ ಮಾಡಿದ್ದಾರೆ.

https://www.instagram.com/p/CJHqWoeBiLr/?utm_source=ig_web_copy_link