ಪೋರ್ಚುಗಲ್​ನಲ್ಲಿ ನಿರ್ಮಾಣವಾಯ್ತು ವಿಶ್ವದ ಅತ್ಯಂತ ಉದ್ದದ ಸೇತುವೆ..! ಇಲ್ಲಿದೆ ಅದರ ವಿಶೇಷತೆ

ಕೆಲ ಸಮಯದ ಹಿಂದಷ್ಟೇ ಪಾದಚಾರಿ ತೂಗು ಸೇತುವೆಯನ್ನ ಪೋರ್ಚುಗಲ್​​ನಲ್ಲಿ ಅನಾವರಣಗೊಳಿಸಲಾಗಿತ್ತು. ಈ ಬ್ರಿಡ್ಜ್​ ಇದೀಗ ವಿಶ್ವದ ಅತ್ಯಂತ ಉದ್ದದ ಪಾದಚಾರಿ ತೂಗು ಸೇತುವೆ ಎಂಬ ಕೀರ್ತಿಗೆ ಪಾತ್ರವಾಗಿದೆ.

516 ಅರೌಕಾ ಸೇತುವೆಯು 516 ಮೀಟರ್​ ಉದ್ದ ಹಾಗೂ ನದಿ ನೀರಿನಿಂದ 175 ಮೀಟರ್​ ಎತ್ತರದಲ್ಲಿದೆ. ಈ ಸೇತುವೆಯು ಯುನೆಸ್ಕೋ ಗ್ಲೋಬಲ್​ ಜಿಯೋಪಾರ್ಕ್​ನಲ್ಲಿದೆ. ಇದು ಜಿಯೋಪಾರ್ಕ್​ನ ಎರಡು ತಾಣಗಳಾದ ಅಗುಯಿರಿಸ್​ ಜಲಪಾತ ಹಾಗೂ ಪೈವಾ ಜಾರ್ಜ್​ನ್ನು ಸಂಪರ್ಕಿಸುತ್ತದೆ.

ಕೊರೋನಾ ಎರಡನೇ ಅಲೆಯಿಂದ ತತ್ತರಿಸಿದ ಜನತೆಗೆ ಮತ್ತೊಂದು ಶಾಕಿಂಗ್ ನ್ಯೂಸ್

ಲಿಸ್ಬನ್​​ನಿಂದ ಉತ್ತರದಲ್ಲಿ ಸುಮಾರು 300 ಕಿಲೋಮೀಟರ್​ ದೂರದಲ್ಲಿರುವ ಈ ಸೇತುವೆಯು ಕೆಲ ದಿನಗಳ ಹಿಂದಷ್ಟೇ ಸಾರ್ವಜನಿಕ ಬಳಕೆಗೆ ಮುಕ್ತವಾಗಿದೆ. ಅಂದ ಹಾಗೆ 6 ವರ್ಷದ ಒಳಗಿನ ಮಕ್ಕಳಿಗೆ ಸೇತುವೆ ಪ್ರವೇಶಕ್ಕೆ ನಿರ್ಬಂಧ ಹೇರಲಾಗಿದೆ.

ಅರೌಕಾ ಸೇತುವೆಗೆ ವಿ ಆಕಾರದ ಸಿಮೆಂಟ್​ ಟವರ್​ಗಳಿಂದ ಆಧಾರ ನೀಡಲಾಗಿದೆ. ಇದನ್ನು ಮೆಟಲ್​ ಗ್ರಿಲ್​ಗಳಿಂದ ನಿರ್ಮಾಣ ಮಾಡಲಾಗಿದೆ. 2017ರಲ್ಲಿ ಸೇತುವೆ ನಿರ್ಮಾಣ ಕಾರ್ಯ ಆರಂಭವಾಗಿತ್ತು. ಆದರೆ ಬಳಿಕ ಭೌಗೋಳಿಕ ಸಮಸ್ಯೆಯಿಂದಾಗಿ ಸ್ಥಳ ಬದಲಾವಣೆಗೆ ಒತ್ತಡ ಹೇರಲಾಗಿತ್ತು.