ಸಾಕು ಪ್ರಾಣಿಗಳು ಮಾಡುವ ಕೆಟ್ಟ ಅಭ್ಯಾಸಗಳನ್ನ ರೆಡ್ ಹ್ಯಾಂಡ್ ಆಗಿ ಹಿಡಿದು ಅದರ ಫೋಟೋ ಇಲ್ಲವೇ ವಿಡಿಯೋ ತೆಗೆದು ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡೋದು ಈಗ ಹೊಸ ಟ್ರೆಂಡ್ ಆಗಿ ಬದಲಾಗಿದೆ.
ಇದಕ್ಕೆ ವಿಶೇಷ ಅರ್ಥ ಏನಿಲ್ಲದಿದ್ದರೂ, ಈ ರೀತಿಯ ಫನ್ನಿ ಪೋಸ್ಟ್ಗಳ ಮೂಲಕ ಪ್ರಾಣಿಪ್ರಿಯರು ಒಬ್ಬರನ್ನೊಬ್ಬರು ರಂಜಿಸುವ ಕೆಲಸವನ್ನ ಮಾಡುತ್ತಿದ್ದಾರೆ.
ಫೇಸ್ಬುಕ್ನಲ್ಲಿ ರಚನೆಯಾಗಿರುವ ಪೆಟ್ ಶೇಮಿಂಗ್ ಗ್ರೂಪ್ನಲ್ಲಿ ಸಾಕು ಪ್ರಾಣಿಗಳ ವಿಚಿತ್ರ ಅವತಾರಗಳ ವಿಡಿಯೋಗಳನ್ನ ಪೋಸ್ಟ್ ಮಾಡಲಾಗಿದ್ದು ಸಾಕಷ್ಟು ವೈರಲ್ ಆಗಿದೆ. ಈ ಗ್ರೂಪ್ನಲ್ಲಿ 102000ಕ್ಕೂ ಹೆಚ್ಚು ಸದಸ್ಯರಿದ್ದು ಸಿಕ್ಕಾಪಟ್ಟೆ ವಿಡಿಯೋಗಳನ್ನ ಅಪ್ಲೋಡ್ ಮಾಡಲಾಗಿದೆ.
ತಮ್ಮ ಸಾಕು ನಾಯಿಯ ಫೋಟೋ ಅಪ್ಲೋಡ್ ಮಾಡಿದ ಪ್ರಾಣಿ ಪ್ರಿಯರೊಬ್ಬರು, ನನ್ನ ಹೆಸರು ಬೌರ್ಬನ್ ಹಾಗೂ ನಾನು ನನ್ನ ಮಲವನ್ನೇ ತಿನ್ನುತ್ತೇನೆ. ನನ್ನ ಈ ಅಸಹ್ಯ ಅಭ್ಯಾಸವನ್ನ ನನ್ನ ಮಾಲೀಕರು ಕಂಡು ಹಿಡಿದಿದ್ದಾರೆ ಎಂದು ಬರೆದಿದ್ದಾರೆ. ನನಗೆ ಈ ರೀತಿ ಮಾಡಲು ನಾಚಿಕೆಯಾಗುತ್ತೆ ಏಕೆಂದರೆ ಮಲ ತಿಂದ ಬಾಯಿಯಿಂದಲೇ ನಾನು ನನ್ನ ಪೋಷಕರಿಗೆ ಚುಂಬನ ನೀಡಲು ಯತ್ನಿಸುತ್ತೇನೆ ಅಂತಾ ಮಾಲೀಕರು ಕ್ಯಾಪ್ಶನ್ ಹಾಕಿದ್ದಾರೆ.
ಇನ್ನೊಬ್ಬ ಮಾಲೀಕರು ತಮ್ಮ ಗ್ರೇಟ್ ಡೆನ್ ನಾಯಿ ಇನ್ನೊಂದು ನಾಯಿಯ ಹಾಸಿಗೆ ಮೇಲೆ ಮಲಗಿಕೊಳ್ಳಲು ಹೋಗಿ ಸಿಕ್ಕಿಬಿದ್ದಾಗ ಅದು ಅಡಗಿಕೊಳ್ಳುವ ರೀತಿಯನ್ನ ವಿಡಿಯೋ ಮಾಡಿ ಪೋಸ್ಟ್ ಮಾಡಿದ್ದಾರೆ, ಇದೇ ರೀತಿ ಸಾಕಷ್ಟು ವಿಡಿಯೋಗಳು ಪೆಟ್ ಶೇಮಿಂಗ್ ಗ್ರೂಪ್ನಲ್ಲಿ ಲಭ್ಯವಿದೆ.
Loading ...