ಕೊರೊನಾ ಸೋಂಕಿಗೊಳಗಾದವರಲ್ಲಿ ದೀರ್ಘ ಕಾಲ ಕಾಡಲಿದೆ ಅನಾರೋಗ್ಯ ಸಮಸ್ಯೆ

ಕೊರೊನಾ ಸೋಂಕಿಗೆ ಒಳಗಾದ ಮುಕ್ಕಾಲು ಭಾಗದಷ್ಟು ಜನರು ಮುಂದಿನ ಆರು ತಿಂಗಳುಗಳ ಕಾಲ ಕನಿಷ್ಟ ಒಂದು ರೋಗ ಲಕ್ಷಣದಿಂದ ಬಳಲುತ್ತಿದ್ದಾರೆ ಎಂದು ಅಧ್ಯಯನವೊಂದು ಹೇಳಿದೆ.

ಹೀಗಾಗಿ ಕೊರೊನಾ ವೈರಸ್​ ಬಗ್ಗೆ ಇನ್ನಷ್ಟು ಹೆಚ್ಚಿನ ಅಧ್ಯಯನ ನಡೆಸುವ ಅಗತ್ಯವಿದೆ ಎಂದು ವಿಜ್ಞಾನಿಗಳು ಹೇಳಿದ್ದಾರೆ.

ಲ್ಯಾನ್ಸೆಟ್​ ಮೆಡಿಕಲ್​ ಜರ್ನಲ್​​ನಲ್ಲಿ ಪ್ರಕಟವಾದ ಅಧ್ಯಯನದಲ್ಲಿ ಚೀನಾದ ನಗರವಾದ ವುಹಾನ್​ನಲ್ಲಿ ನೂರಾರು ರೋಗಿಗಳನ್ನ ಒಳಗೊಂಡ ಈ ಸಂಶೋಧನೆಯು ಕೊರೊನಾ ಸೋಂಕಿನ ದೀರ್ಘಕಾಲದ ಲಕ್ಷಣಗಳಗಳನ್ನ ಪತ್ತೆ ಹಚ್ಚಿದೆ. ಕೆಲವರು ಆಯಾಸ ಅಥವಾ ಸ್ನಾಯು ದೌರ್ಬಲ್ಯದಿಂದ ಬಳಲಿದ್ರೆ ಇನ್ನು ಕೆಲವರು ನಿದ್ರಾಹೀನತೆ ತೊಂದರೆಯನ್ನ ಅನುಭವಿಸಿದ್ದಾರೆ.

ಕೊರೊನಾ ಒಂದು ಹೊಸ ಕಾಯಿಲೆ ಆಗಿರೋದ್ರಿಂದ ರೋಗಿಗಳ ಆರೋಗ್ಯದ ಮೇಲೆ ಈ ವೈರಸ್​ ದೀರ್ಘಕಾಲದ ಸಮಸ್ಯೆಯನ್ನ ತಂದೊಡ್ಡುತ್ತದೆಯೇ ಅನ್ನೋದರ ಬಗ್ಗೆ ಹೆಚ್ಚಿನ ಸಂಶೋಧನೆ ನಡೆಸುತ್ತಿದ್ದೇವೆ ಅಂತಾ ರಾಷ್ಟ್ರೀಯ ಉಸಿರಾಟ ಸಮಸ್ಯೆ ಔಷಧಿ ಕೇಂದ್ರದ ಪ್ರಮುಖ ಲೇಖಕ ಬಿನ್​ ಕಾವೋ ಹೇಳಿದ್ರು.