ಕೊರೊನಾ ವೈರಸ್ ಲಾಕ್ಡೌನ್ ಕಾರಣದಿಂದ ಮನೆಯಲ್ಲೇ ದಿಗ್ಭಂಧನಕ್ಕೊಳಗಾಗಿರುವ ಜನರು ತಮ್ಮ ಮೆಚ್ಚಿನ ರೆಸ್ಟೋರೆಂಟ್ ಗಳಲ್ಲಿ ಹೋಗಿ ತಿನ್ನುವುದನ್ನು ಮಿಸ್ ಮಾಡಿಕೊಳ್ಳುತ್ತಿದ್ದಾರೆ.
ಬ್ರಿಟನ್ ನ ಎಸ್ಸೆಕ್ಸ್ನ ಜೇಮಿ ರಸ್ಟ್ ಹೆಸರಿನ ವ್ಯಕ್ತಿಯೊಬ್ಬರು ತಮ್ಮ ಮೆಚ್ಚಿನ ಮ್ಯಾಕ್ಡೊನಾಲ್ಡ್ ರೆಸ್ಟೋರೆಂಟ್ ನ ಮೆನುವನ್ನು ಮಿಸ್ ಮಾಡಿಕೊಳ್ಳುತ್ತಿದ್ದರು. ಅವರೀಗ ಮನೆಯಲ್ಲೇ ಮ್ಯಾಕ್ ಡೊನಾಲ್ಡ್ಸ್ ಮೆನುವಿನ ಐಟಮ್ಗಳನ್ನು ತಯಾರಿಸುವುದನ್ನು ಕಲಿತಿದ್ದಾರೆ.
ಬಿಗ್ ಮ್ಯಾಕ್, ಫಿಲೆ-ಓ-ಫಿಶ್, ಫ್ರೈಸ್ ಸೇರಿದಂತೆ ಮ್ಯಾಕ್ ಡೊನಾಲ್ಡ್ ಮೆನುವಿನಲ್ಲಿ ಇರುವ ಇತರ ಖಾದ್ಯಗಳನ್ನು ಸಹ ಈತ ಚೆನ್ನಾಗಿ ಮಾಡುವುದನ್ನು ಕಲಿತಿರುವುದಲ್ಲದೇ, ಅವುಗಳನ್ನು ಥೇಟ್ ಮ್ಯಾಕ್ ಡೊನಾಲ್ಡ್ಸ್ನಂತೆಯೇ ಪ್ಯಾಕ್ ಮಾಡಿ ಪ್ರೆಸೆಂಟ್ ಮಾಡಿದ್ದಾರೆ. ಜೇಮ್ಸ್ರ ಈ ಕ್ರಿಯೇಷನ್ಗಳು ಖುದ್ದು ಮ್ಯಾಕ್ ಡೊನಾಲ್ಡ್ಸ್ ಔಟ್ಲೆಟ್ನಲ್ಲೇ ಸಿದ್ಧಪಡಿಸಿದಂತೆ ಕಾಣುತ್ತವೆ.