ಕೊರೊನಾ ವೈರಸ್ ಸಂಕಷ್ಟದಿಂದ ವಿಶ್ವದ ಬಹುತೇಕ ಕಡೆ ಮಕ್ಕಳು ಆನ್ಲೈನ್ ಕ್ಲಾಸ್ನಲ್ಲೇ ಪಾಠ ಕೇಳುವಂತಾಗಿದೆ. ಆದ್ದರಿಂದ ಇದಕ್ಕಿಂತ ಇನ್ನೂ ಒಂದು ಹೆಜ್ಜೆ ಮುಂದೆ ಹೋದ ಶಿಕ್ಷಕನೊಬ್ಬ ತನ್ನ ವಿದ್ಯಾರ್ಥಿಗಳಿಗೆ ಆನ್ಲೈನ್ ಕ್ಲಾಸ್ ಮೂಲಕವೇ ಪ್ರವಾಸವನ್ನೂ ಮಾಡಿಸಿದ್ದಾರೆ.
ವಾಷಿಂಗ್ಟನ್ನ ಶಾಲೆಯೊಂದರಲ್ಲಿ ಶಿಕ್ಷಕನಾಗಿರುವ ಗ್ಯಾರೆಟ್ ಟಾಲ್ಕೋಟ್ ಎಂಬವರು 30 ನಿಮಿಷಗಳ ಕಾಲ ಮೃಗಾಲಯದಲ್ಲಿ ಆನ್ಲೈನ್ ಕ್ಲಾಸ್ ಮಾಡುವ ಮೂಲಕ ಕಿಂಡರ್ಗಾರ್ಟನ್ ಮಕ್ಕಳಿಗೆ ಮನೆಯಲ್ಲೇ ಕೂತು ಕಾಡು ಪ್ರಾಣಿಗಳನ್ನ ನೋಡುವಂತೆ ಮಾಡಿದ್ದಾರೆ.
ವುಡ್ಲ್ಯಾಂಡ್ ಪಾರ್ಕ್ ಮೃಗಾಲಯಕ್ಕೆ ಬಂದ ಶಿಕ್ಷಕ ತನ್ನ 8 ವಿದ್ಯಾರ್ಥಿಗಳಿಗೆ ವಿಡಿಯೋ ಕಾಲ್ ಮಾಡಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ. ಶಿಕ್ಷಕ ಮಕ್ಕಳಿಗೆ ಒಂದೊಂದೇ ಪ್ರಾಣಿಯನ್ನ ತೋರಿಸುತ್ತಾ ಹೋಗಿದ್ದು ಮಕ್ಕಳು ಕೂಡ ಶಿಕ್ಷಕನ ಈ ಟ್ರಿಪ್ ಪ್ಲಾನ್ನ್ನು ಎಂಜಾಯ್ ಮಾಡಿದ್ದಾರೆ.
Loading ...