ನೆಟ್ಟಿಗರನ್ನು ಕನ್ಫ್ಯೂಸ್ ಮಾಡುವ ಕಲಾಕಾರಿಕೆ ಇತ್ತೀಚಿನ ದಿನಗಳಲ್ಲಿ ಹೆಚ್ಚುತ್ತಿದೆ.
ಇದೀಗ ಯುಎಸ್ ನ ಬೋಸ್ಟನ್ ಮೂಲದ ವಿಎಫ್ ಎಕ್ಸ್ ಕಲಾವಿದ ಕೆವಿನ್ ವಿಡಿಯೋವೊಂದನ್ನು ಇನ್ಸ್ಟಾಗ್ರಾಂ ನಲ್ಲಿ ಪೋಸ್ಟ್ ಮಾಡಿ ನೆಟ್ಟಿಗರನ್ನು ಕನ್ಫ್ಯೂಸ್ ಮಾಡಿದ್ದಾರೆ.
ಲಾಕ್ಡೌನ್ ಸಂದರ್ಭದಲ್ಲಿ ಜನರನ್ನು ರಂಜಿಸುತ್ತಿರುವ ಇಂಟರ್ನೆಟ್ ಮಾಧ್ಯಮ, ಇಂಥ ವಿಡಿಯೋಗಳಿಂದಲೇ ಹೆಸರುವಾಸಿಯಾಗಿದೆ. ನೆಟ್ಟಿಗರು ಸಹ ಇಂಥವನ್ನು ನೋಡಿ ಆನಂದಿಸುತ್ತಿದ್ದಾರೆ.
ಈ ವಿಡಿಯೋದಲ್ಲಿ ಕಾಣುವಂತೆ 2 ಗ್ಲಾಸ್ ಗಳನ್ನು ಅಕ್ಕಪಕ್ಕದಲ್ಲಿ ಉಲ್ಟಾಪಲ್ಟ ಇಟ್ಟು ವೈನ್ ಸುರಿಯಲಾಗುತ್ತದೆ. ವೈನ್ ಮಾತ್ರ ನೆಲಕ್ಕೆ ಸುರಿಯದೇ ಕಣ್ಣಿಗೆ ಕಾಣದ ಗ್ಲಾಸ್ ನಲ್ಲಿ ಸೇರಿಕೊಳ್ಳುತ್ತದೆ. ಬಳಿಕ ಅಲ್ಲಿದ್ದ ವ್ಯಕ್ತಿ ಅದನ್ನೆತ್ತಿಕೊಳ್ಳುತ್ತಾರೆ.
ನೋಡಲು ಅಚ್ಚರಿ ಎನಿಸಿದರೂ ಈ ಕೌತುಕವನ್ನು vfx ಕೌಶಲ್ಯದಿಂದ ಮಾಡಲಾಗಿದೆಯಂತೆ. ಈ ವಿಡಿಯೋ ತುಣುಕನ್ನು ಪೋಸ್ಟ್ ಮಾಡಿದಾಗಿನಿಂದಲೂ ಸಾಕಷ್ಟು ವೈರಲ್ ಆಗಿದೆ. ನೂರಾರುಮಂದಿ ಕಾಮೆಂಟ್ ಮಾಡಿದ್ದಾರೆ.