ಕ್ಯಾನ್ಸರ್ ರೋಗಿಗೆ ಪ್ರೇರಣೆ ನೀಡುವ ಸಲುವಾಗಿ ಕ್ಷೌರಿಕನೊಬ್ಬ ತನ್ನ ಕೂದಲನ್ನೂ ಕತ್ತರಿಸಿಕೊಂಡಿದ್ದು ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ. ಕ್ಯಾನ್ಸರ್ ರೋಗಿ ನೆಫ್ತಾಲಿ ಮಾರ್ಟಿನ್ ಈ ಹೃದಯಸ್ಪರ್ಶಿ ವಿಡಿಯೋವನ್ನ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.
ವೃತ್ತಿಯಲ್ಲಿ ಕ್ಷೌರಿಕನಾಗಿರುವ ನೆಫ್ತಾಲಿ ಕಿಮೋಥೆರಪಿ ಚಿಕಿತ್ಸೆಯನ್ನ ಪಡೆಯುತ್ತಿದ್ದು ತಮ್ಮ ಕೂದಲನ್ನು ಶೇವ್ ಮಾಡೋಕೆ ಸಹೋದ್ಯೋಗಿ ಜೋಲ್ ಓರ್ಟೆಗಾ ಎಂಬವರ ಬಳಿ ಹೋಗಿದ್ದಾರೆ.
ಸ್ಪೇನ್ನವರಾದ ನೆಫ್ತಾಲಿ ತಮ್ಮ ಕೂದಲನ್ನ ಶೇವ್ ಮಾಡುತ್ತಿರೋ ದೃಶ್ಯವನ್ನ ವಿಡಿಯೋ ಮಾಡಿಕೊಳ್ಳುತ್ತಿದ್ದರು. ಆದರೆ ನೆಫ್ತಾಲಿ ಕೂದಲನ್ನ ತೆಗೆದ ಬಳಿಕ ಓರ್ಟೆಗಾ ತಮ್ಮ ಕೂದಲನ್ನೂ ಶೇವ್ ಮಾಡಿದ್ದು ಈ ದೃಶ್ಯ ವಿಡಿಯೋದಲ್ಲಿ ಸೆರೆಯಾಗಿದೆ.
ಕ್ಯಾನರ್ ವಿರುದ್ಧದ ಹೋರಾಟದಲ್ಲಿ ಸಹೋದ್ಯೋಗಿಗೆ ಬೆಂಬಲ ನೀಡಿದ ಓರ್ಟೆಗಾ ಕಾರ್ಯಕ್ಕೆ ಸಾಮಾಜಿಕ ಜಾಲತಾಣದಲ್ಲಿ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗ್ತಿದೆ.