ತೇಲುತ್ತಿದ್ದಾರೆಯೇ ಈ ಮಕ್ಕಳು…? ಅಚ್ಚರಿಗೊಳಿಸುತ್ತೆ ಈ ವಿಡಿಯೋ

ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಲಾಗುವ ಕೆಲವೊಂದು ವಿಡಿಯೋಗಳಲ್ಲಿರುವ ಕಂಟೆಂಟ್‌ಗಳು ನಮ್ಮನ್ನು ಬೆರಗು ಮಾಡುತ್ತವೆ.

ಜಪಾನ್‌ನ ಸ್ಕಿಪ್ಪಿಂಗ್ ತಂಡವೊಂದು ಒಂದು ನಿಮಿಷದ ಅವಧಿಯಲ್ಲಿ ಅತ್ಯಂತ ಹೆಚ್ಚು ಬಾರಿ ಸ್ಕಿಪ್ಪಿಂಗ್ ಮಾಡುತ್ತಿರುವ ವಿಡಿಯೋವೊಂದನ್ನು ಇನ್‌ಸ್ಟಾಗ್ರಾಂನಲ್ಲಿ ಪೋಸ್ಟ್‌ ಮಾಡಲಾಗಿದೆ. ಸೆಪ್ಟೆಂಬರ್‌ 8, 2017ರಂದು ಜಪಾನ್‌ನ ಇ ಜಂಪ್ ಫುಜಿ ಟೀಂ ಈ ಸಾಧನೆಗೈದಿದೆ.

ಶಿಝೋಕಾದ ಫುಜಿಯ ಶಾಲೆಯೊಂದರ 14 ಮಕ್ಕಳನ್ನು ಈ ವಿಡಿಯೋ ತೋರಿದ್ದು, 12 ಮಕ್ಕಳು ಸ್ಕಿಪ್ಪಿಂಗ್ ಮಾಡುತ್ತಿದ್ದು, ಅವರಿಗೆ ಇಬ್ಬರು ಹಗ್ಗ ಹಿಡಿದು ಆಡಿಸುತ್ತಿದ್ದಾರೆ.

ಒಂದು ನಿಮಿಷದ ಅವಧಿಯಲ್ಲಿ ತಂಡವು 230 ಬಾರಿ ಸ್ಕಿಪ್ಪಿಂಗ್ ಮಾಡಿದೆ. ಈ ಪೋಸ್ಟ್‌ಗೆ ಅದಾಗಲೇ 26.4 ಸಾವಿರ ಲೈಕ್ಸ್‌ಗಳು ಸಂದಾಯವಾಗಿವೆ.

ಜಪಾನ್‌ನ ಹಿರೋಮಿ ಎಲಿಮೆಂಟರಿ ಶಾಲೆಯ ಮಕ್ಕಳು ಒಂದು ನಿಮಿಷದಲ್ಲಿ 217 ಬಾರಿ ಸ್ಕಿಪ್ಪಿಂಗ್ ಮಾಡಿ ದಾಖಲೆ ಸೃಷ್ಟಿಸಿದ್ದಾರೆ.