ಹದ್ದುಗಳೆರಡು ವೈಮಾನಿಕ ಕಸರತ್ತಿನಲ್ಲಿ ಭಾಗಿಯಾಗಿರುವ ವಿಡಿಯೋವೊಂದನ್ನು ಭಾರತೀಯ ಅರಣ್ಯ ಸೇವಾ ಅಧಿಕಾರಿ ಸುಶಾಂತಾ ನಂದಾ ತಮ್ಮ ಟ್ವಿಟರ್ ಖಾತೆಯಲ್ಲಿ ಪೋಸ್ಟ್ ಮಾಡಿದ್ದಾರೆ.
ಮೊದಲು ಒಂದು ಹದ್ದು ಹಾರಾಡುತ್ತಿದ್ದು, ನೋಡನೋಡುತ್ತಿದ್ದಂತೆ ಮತ್ತೊಂದು ಹದ್ದು ಸೇರಿಕೊಂಡು ಒಂದೊಳ್ಳೆ ಕಸರತ್ತನ್ನು ಎರಡೂ ಮಾಡಿವೆ. ಬಾಲ್ಡ್ ಹದ್ದುಗಳ ಈ ಸೂಪರ್ ಸ್ಟಂಟ್ ಅನ್ನು ನೋಡಿ ಆನಂದಿಸಿ ಎಂದು ನಂದಾ ಟ್ವೀಟ್ ಮಾಡಿದ್ದಾರೆ.
ಉತ್ತರ ಅಮೆರಿಕಾದಲ್ಲಿ ಕಂಡು ಬರುವ ಈ ಬಾಲ್ಡ್ ಹದ್ದುಗಳು, ಅಮೆರಿಕ ಸಂಯುಕ್ತ ಸಂಸ್ಥಾನದ ಲಾಂಛನದಲ್ಲಿರುವ ಅಧಿಕೃತ ಪಕ್ಷಿಯಾಗಿದೆ.