ನೀರು ಕುಡಿಯುವುದನ್ನು ಕಲಿಯುತ್ತಿರುವ ಪುಟ್ಟ ಆನೆ ವಿಡಿಯೋ ವೈರಲ್

ಕೀನ್ಯಾದ ಕಾಡೊಂದರಲ್ಲಿ ಅನಾಥ ಆನೆಯೊಂದು ಸೊಂಡಿಲಿನ ಮೂಲಕ ನೀರು ಕುಡಿಯುವ ವಿಡಿಯೋ ಇದೀಗ ವೈರಲ್‌ ಆಗಿದೆ.

ಶೆಲ್ಡ್ರಿಕ್‌ ವೈಲ್ಡ್‌ಲೈಫ್‌ ತಮ್ಮ ಟ್ವೀಟರ್‌ ಖಾತೆಯಲ್ಲಿ ಈ ವಿಡಿಯೋವನ್ನು ಹಾಕಿದ್ದಾರೆ. ಎರಡು ವರ್ಷದ ಆನೆ ಲರ್ರೋ ಸೊಂಡಿಲಿನ ಮೂಲಕ ನೀರು ಕುಡಿಯುವುದನ್ನು ಕಲಿಯುತ್ತಿದೆ. ಆರಂಭದಲ್ಲಿ ಸೊಂಡಿಲಿನಿಂದ ನೀರು ಬಾಯಿಗೆ ಹಾಕುವಾಗ ನೀರು ಕೆಳಕ್ಕೆ ಸೋರುತ್ತಿತ್ತು.

ಬಳಿಕ ಎರಡು ಮೂರು ಬಾರಿಯ ಪ್ರಯತ್ನದ ನಂತರ ಸರಿಯಾದ ರೀತಿಯಲ್ಲಿ ನೀರು ಕುಡಿಯುವುದನ್ನು ಕಲಿತಿದೆ. ಆ ವೇಳೆ ಅದರ ಸಂಭ್ರಮ ಮನೆ ಮಾಡಿತ್ತು.

ಇದೀಗ ಈ ವಿಡಿಯೋ ವೈರಲ್‌ ಆಗಿದ್ದು ನೆಟ್ಟಿಗರು ಆನೆ ಕಲಿತ ಹೊಸ ಪಾಠಕ್ಕೆ ಶಹಬಾಸ್‌ಗಿರಿ ನೀಡಿದ್ದಾರೆ. ಆನೆ ಈ ರೀತಿ ಹಂತ ಹಂತವಾಗಿ ಕಲಿತಿರುವ 47 ಸೆಕೆಂಡ್‌ನ ವಿಡಿಯೋ ಇದೀಗ ಭಾರಿ ವೈರಲ್‌ ಆಗಿದ್ದು, 5 ಸಾವಿರಕ್ಕೂ ಹೆಚ್ಚು ಮಂದಿ ನೋಡಿದ್ದಾರೆ. ಸುಮಾರು ಸಾವಿರಕ್ಕೂ ಹೆಚ್ಚು ಮಂದಿ ಲೈಕ್‌ ಮಾಡಿದ್ದು, 176 ಕಾಮೆಂಟ್‌ಗಳು ಬಂದಿವೆ.