ಮುಂಬೈನ ಬಿಲ್ಡರ್ ಒಬ್ಬರ ಬಳಿ ಚಾಲಕನಾಗಿ ಕೆಲಸ ಮಾಡುತ್ತಿದ್ದ ವ್ಯಕ್ತಿ ಹಾಗೂ ಆತನ ಸಂಬಂಧಿ ಸೇರಿ ಮಾಲೀಕನ ಇಬ್ಬರು ಮಕ್ಕಳನ್ನೇ ಅಪಹರಿಸಿ ಇದೀಗ ಜೈಲು ಪಾಲಾಗಿದ್ದಾರೆ. ಮುಂಬೈ ಉಪನಗರವಾದ ಅಂಧೇರಿಯಲ್ಲಿ ಈ ಘಟನೆ ನಡೆದಿದೆ. ಬಿಲ್ಡರ್ ಬಳಿ ಕೆಲಸ ಮಾಡುತ್ತಿದ್ದ ಚಾಲಕ ಮಕ್ಕಳನ್ನ ಅಪಹರಿಸಿ 1 ಕೋಟಿ ರೂಪಾಯಿ ಪಡೆಯುವ ಹುನ್ನಾರ ಮಾಡಿದ್ದ ಎನ್ನಲಾಗಿದೆ.
ಮಗಳ ಮದುವೆಗೆ ಹಣ ಹೊಂದಿಸಲಿಕ್ಕಾಗಿ ನಾನು ನನ್ನ ಮಾಲೀಕನ ಅವಳಿ ಮಕ್ಕಳನ್ನ ಅಪಹರಣ ಮಾಡಿದ್ದು ನಿಜ ಎಂದು ಆರೋಪಿ ಚಾಲಕ ವಿಚಾರಣೆ ವೇಳೆ ತಪ್ಪೊಪ್ಪಿಕೊಂಡಿದ್ದಾನೆ.
ಮೀನು ತುಂಬಿದ್ದ ಲಾರಿ ಅಪಘಾತ: ಪುಕ್ಕಟ್ಟೆ ಮೀನು ಆಯ್ದುಕೊಳ್ಳಲು ಮುಗಿಬಿದ್ದ ಜನ
ಮಕ್ಕಳು ಅಪಹರಣಕ್ಕೊಳಗಾಗಿದ್ದಾರೆ ಎಂದು ರಿಯಲ್ ಎಸ್ಟೇಟ್ ಉದ್ಯಮಿ ಮುಂಬೈ ಪೊಲೀಸರಿಗೆ ದೂರು ನೀಡಿದ್ದರು. ಈ ಸಂಬಂಧ ತನಿಖೆ ನಡೆಸಿದ ಪೊಲೀಸರು ಪ್ರಕರಣ ಭೇದಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಜುಹುವಿನಿಂದ ಮನೆಗೆ ಹಿಂದಿರುಗುತ್ತಿದ್ದ ವೇಳೆ ಬಂದ ಅಪಹರಣಕಾರರು ಚಾಲಕನನ್ನ ಥಳಿಸಿ ಮಕ್ಕಳಿಗೆ ಬೆದರಿಕೆ ಹಾಕಿ ಬಲವಂತದಿಂದ ಕಾರು ಬಾಗಿಲನ್ನ ತೆರೆದು ಪಿವಿಆರ್ ಪ್ರದೇಶದ ಬಳಿ ಕಾರನ್ನ ತೆಗೆದುಕೊಂಡು ಹೋಗಿದ್ದಾರೆ.
ಪಿವಿಆರ್ ಪ್ರದೇಶಕ್ಕೆ ತೆರಳುತ್ತಿದ್ದ ವೇಳೆ ಚಾಲಕ ಹಾಗೂ ಮಕ್ಕಳಿಗೆ ನಿದ್ರೆ ಮಾತ್ರೆ ನೀಡಲಾಗಿತ್ತು. ಬಳಿಕ ಒಂದು ಮಗು ಹಾಗೂ ಚಾಲಕನನ್ನ ಶಾಲೆಯ ಬಸ್ನಲ್ಲಿ ಕಿಡ್ನಾಪರ್ ಕೂರಿಸಿದ್ದಾನೆ. ಇನ್ನೊಂದು ಮಗು ಕಾರಿನಲ್ಲೇ ಇತ್ತು. ಇದಾದ ಬಳಿಕ ಇನ್ನೂ ಆರು ಮಂದಿ ಅಪಹರಣಕಾರರು ಸ್ಥಳಕ್ಕೆ ಆಗಮಿಸಿದ್ದರು ಎಂದು ದೂರಿನಲ್ಲಿ ಉಲ್ಲೇಖಿಸಲಾಗಿತ್ತು.
ಹನಿ ಟ್ರ್ಯಾಪ್ ಪ್ರಕರಣ – ಖಾಸಗಿ ಸುದ್ದಿ ವಾಹಿನಿ ಮಾಲೀಕ ಸೇರಿ ನಾಲ್ವರ ಬಂಧನ
ಆದರೆ ಹೇಗೋ ಒಂದು ಮಗು ಕಿಡ್ನಾಪರ್ ಕೈಯಿಂದ ತಪ್ಪಿಸಿಕೊಂಡಿದೆ. ಇದಾದ ಬಳಿಕ ಬರೋಬ್ಬರಿ 18 ತಾಸುಗಳ ಕಾಲ ಚಾಲಕನ ವಿಚಾರಣೆ ನಡೆಸಿದ್ದಾರೆ. ಸಾಕಷ್ಟು ಪ್ರಶ್ನೆಗಳಿಗೆ ಉತ್ತರಿಸಲು ತಡಕಾಡಿದ ಚಾಲಕ ಬಳಿಕ ಹಣಕ್ಕಾಗಿ ತಾನೇ ಈ ಡ್ರಾಮಾ ಮಾಡಿದ್ದಾಗಿ ಒಪ್ಪಿಕೊಂಡಿದ್ದಾನೆ.
Loading ...