ಉದ್ಯಮಿ ಆನಂದ್ ಮಹಿಂದ್ರಾ ಸಾಮಾಜಿಕ ಜಾಲತಾಣದಲ್ಲಿ ಯಾವಾಗಲೂ ಸಕ್ರಿಯರಾಗಿರುತ್ತಾರೆ. ಬಹಳ ಆಸಕ್ತಿಕರ ಪೋಸ್ಟ್/ವಿಡಿಯೋಗಳನ್ನು ಶೇರ್ ಮಾಡುವ ಮಹಿಂದ್ರಾ ತಮ್ಮ ಫಾಲೋವರ್ಗಳಿಗೆ ಒಳ್ಳೆಯ ಸಂದೇಶ ಕೊಡುತ್ತಲೇ ಇರುತ್ತಾರೆ.
ನಾಗರಹೊಳೆಯ ಅರಣ್ಯ ಪ್ರದೇಶದಲ್ಲಿ ಹುಲಿಯೊಂದು ಆನೆಯನ್ನು ಗಮನಿಸುತ್ತಿರುವ ವಿಡಿಯೋವೊಂದನ್ನು ಆನಂದ್ ಶೇರ್ ಮಾಡಿಕೊಂಡಿದ್ದಾರೆ. ತಮಗೆ ಈ ವಿಡಿಯೋವನ್ನು ತಮ್ಮ ಸಹೋದರಿ ಕಳುಹಿಸಿದ್ದಾರೆ ಎಂದು ಮಹಿಂದ್ರಾ ತಿಳಿಸಿದ್ದಾರೆ.
ಈ ವಿಡಿಯೋದೊಂದಿಗೆ, ವಿಲಿಯಂ ಬ್ಲೇಕ್ರ ಖ್ಯಾತ ಪದ್ಯವೊಂದರ ಸಾಲುಗಳನ್ನು ಸೇರಿಸಿ ಪೋಸ್ಟ್ ಮಾಡಿದ್ದಾರೆ ಮಹಿಂದ್ರಾ.