ಭಾರತದ ಆಟೋ ಮೊಬೈಲ್ ಕ್ಷೇತ್ರದಲ್ಲಿ ದಿನಕ್ಕೊಂದು ಉತ್ಪನ್ನಗಳು ಮಾರುಕಟ್ಟೆಗೆ ಪ್ರವೇಶಿಸುತ್ತಲೇ ಇರುತ್ತದೆ. ಗ್ರಾಹಕರನ್ನ ಸೆಳೆಯುವ ವಿಭಿನ್ನ ವಿನ್ಯಾಸದ ಡಿಸೈನ್ ಹಾಗೂ ಅದ್ಭುತ ಕಾರ್ಯಕ್ಷಮತೆಯನ್ನ ಇಂಜಿನ್ಗಳನ್ನ ತಯಾರಿಸುವಲ್ಲಿ ಆಟೋ ಮೊಬೈಲ್ ಕಂಪನಿಗಳು ಇನ್ನಿಲ್ಲದ ಹರಸಾಹಸ ಪಡುತ್ತವೆ.
ಆದರೆ ಸ್ಪರ್ಧಾತ್ಮಕ ಮಾರುಕಟ್ಟೆಯಲ್ಲಿ ಗ್ರಾಹಕರ ಸುರಕ್ಷತೆಯ ಕಡೆಗೆ ಗಮನ ಕೊಡುವಲ್ಲಿ ಆಟೊ ಮೊಬೈಲ್ ಕಂಪನಿಗಳು ಕೊಂಚ ಹಿಂದೆ ಉಳಿದುಬಿಡುತ್ತವೆ.
ಕೇಂದ್ರ ರಸ್ತೆ ಸಾರಿಗೆ & ಹೆದ್ದಾರಿ ಸಚಿವಾಲಯ ದೇಶದಲ್ಲಿ ಮುಂಭಾಗದ ಪಕ್ಕದ ಸೀಟಿಗೂ ಏರ್ ಬ್ಯಾಗ್ಗಳನ್ನ ಕಡ್ಡಾಯಗೊಳಿಸಬೇಕು ಎಂಬ ಪ್ರಸ್ತಾವನೆಯನ್ನ ಈ ಹಿಂದೆಯೇ ಸಲ್ಲಿಸಿದೆ.
ಇದೀಗ ಕಾನೂನು ಸಚಿವಾಲಯ ಈ ಪ್ರಸ್ತಾವನೆಯನ್ನ ಅಂಗೀಕರಿಸಿದ್ದು, ಮುಂಭಾಗದ ಎರಡೂ ಸೀಟಿಗೆ ಏರ್ ಬ್ಯಾಗ್ ಅಳವಡಿಕೆ ನಿಯಮಕ್ಕೆ ಗ್ರೀನ್ ಸಿಗ್ನಲ್ ನೀಡಿದೆ. ಪ್ರಸ್ತುತ ದೇಶದಲ್ಲಿ ಕೇವಲ ಚಾಲಕರ ಸೀಟಿಗೆ ಮಾತ್ರ ಏರ್ಬ್ಯಾಗ್ ಕಡ್ಡಾಯವಾಗಿ ಇರಬೇಕು ಎಂದಿದೆ.
ರಸ್ತೆ ಅಪಘಾತಗಳು ಕಡಿಮೆಯಾಗಬೇಕು ಅಂದರೆ ಪ್ರಯಾಣಿಕರ ಸುರಕ್ಷತೆಯ ಕಡೆಗೆ ಗಮನಹರಿಸಲೇಬೇಕು. ಈ ಏರ್ಬ್ಯಾಗ್ಗಳು ಅದೆಷ್ಟೋ ಸಾವುಗಳನ್ನ ತಡೆಯುವಲ್ಲಿ ಯಶಸ್ವಿಯಾಗಿದೆ ಅನ್ನೋ ಮಾತನ್ನ ತಳ್ಳಿ ಹಾಕುವಂತಿಲ್ಲ. ದೇಶದಲ್ಲಿ ಏಪ್ರಿಲ್ 1ರಿಂದ ಏರ್ಬ್ಯಾಗ್ಗಳು ಕಡ್ಡಾಯವಾಗಲಿವೆ. ಇನ್ನು ಮೂರು ದಿನಗಳಲ್ಲಿ ಏರ್ಬ್ಯಾಗ್ ಸಂಬಂಧ ಕೇಂದ್ರ ರಸ್ತೆ ಸಾರಿಗೆ ಸಚಿವಾಲಯ ಪ್ರಕಟಣೆ ಹೊರಡಿಸಲಿದೆ.
ಈಗಾಗಲೇ ಕಾರನ್ನ ಹೊಂದಿರುವವರಿಗೆ ಪಕ್ಕದ ಸೀಟಿಗೂ ಏರ್ ಬ್ಯಾಗ್ ಅಳವಡಿಸಲು ಆಗಸ್ಟ್ 31ರವರೆಗೆ ಸಮಯಾವಕಾಶವಿದೆ.