ಶಾಕಿಂಗ್..! ಚಲಿಸುವ ಕಾರ್ ನಲ್ಲೇ ಅತ್ಯಾಚಾರ –ಕೆಲಸ ಕೊಡಿಸುವುದಾಗಿ ಕರೆದೊಯ್ದು ಕೃತ್ಯ

ಮಧ್ಯಪ್ರದೇಶದ ಗ್ವಾಲಿಯರ್ ನಲ್ಲಿ ಚಲಿಸುವ ಕಾರಿನಲ್ಲಿಯೇ ಮಹಿಳೆಯ ಮೇಲೆ ಅತ್ಯಾಚಾರ ಎಸಗಿದ ಪ್ರಕರಣ ಬೆಳಕಿಗೆ ಬಂದಿದೆ.

ಕುಲಾತ್ ಗ್ರಾಮದ ನಿವಾಸಿಯಾಗಿರುವ ಮಹಿಳೆ ಈ ಕುರಿತು ದೂರು ನೀಡಿದ್ದು, ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಇಬ್ಬರನ್ನು ಬಂಧಿಸಿದ್ದಾರೆ. ಅತ್ಯಾಚಾರ ಎಸಗಿದ ರಾಂಬಾಬು ಗುರ್ಜರ್ ಮತ್ತು ಆತನ ಕಾರ್  ಚಾಲಕನನ್ನು ಬಂಧಿಸಲಾಗಿದೆ.

ಮೊರೆನಾ ನಿವಾಸಿ ರಾಂಬಾಬು ಕಾರಿನಲ್ಲಿ  ಮಹಿಳೆ ಪ್ರಯಾಣಿಸುವ ವೇಳೆ ಅತ್ಯಾಚಾರ ಎಸಗಿದ್ದಾನೆ. ಕೆಲಸ ಕೊಡಿಸುವುದಾಗಿ ಬಹೋದಾಪುರದಿಂದ ಕಾರಿನಲ್ಲಿ ಕರೆದುಕೊಂಡು ಹೋಗಿದ್ದು, ಕಾರ್ ಚಾಲನೆಯಲ್ಲಿದ್ದ ವೇಳೆಯಲ್ಲೇ ರಾಂಬಾಬು ಅತ್ಯಾಚಾರ ಎಸಗಿದ್ದಾನೆ.

ಘಟನೆಯ ನಂತರ ಮಹಿಳೆ ಇಂದಿರಾಗಂಜ್ ಪೊಲೀಸ್ ಠಾಣೆಗೆ ತಲುಪಿ ದೂರು ನೀಡಿದ್ದಾಳೆ. ಅತ್ಯಾಚಾರ ಪ್ರಕರಣ ದಾಖಲಿಸಿಕೊಂಡ ಇಂದಿರಾಗಂಜ್ ಠಾಣೆ ಪೊಲೀಸರು ಆರೋಪಿ ಮತ್ತು ಚಾಲಕನನ್ನು ಬಂಧಿಸಿದ್ದಾರೆ ಎಂದು ಅಪರಾಧ ವಿಭಾಗದ ಡಿಎಸ್ಪಿ ವಿಜಯ್ ಬದೋರಿಯಾ ಹೇಳಿದ್ದಾರೆ.