ಹಾರ್ದಿಕ್ ಪಾಂಡ್ಯ ಹಾಗೂ ಕೃನಾಲ್ ಪಾಂಡ್ಯ ಸಹೋದರರು ಎಂದರೆ ಗೊತ್ತಿಲ್ಲ ಎನ್ನುವವರು ಸಿಗೋದು ತುಂಬಾನೇ ಕಡಿಮೆಯೇ. ಸತತ ಪರಿಶ್ರಮದ ಮೂಲಕ ಟೀಂ ಇಂಡಿಯಾದಲ್ಲಿ ಸ್ಥಾನ ಪಡೆದ ಈ ಸಹೋದರರ ಕತೆ ನಿಜಕ್ಕೂ ಸ್ಪೂರ್ತಿದಾಯಕವಾಗಿದೆ. ಟೀಂ ಇಂಡಿಯಾದ ಆಲ್ರೌಂಡರ್ ಪಟ್ಟಿಯಲ್ಲಿ ಸ್ಥಾನ ಪಡೆದಿರೋ ಈ ಸಹೋದರರು ಬಹುತೇಕ ಕ್ರಿಕೆಟ್ ಅಭಿಮಾನಿಗಳ ಫೇವರಿಟ್ ಆಟಗಾರರೂ ಹೌದು.
ಪಾಂಡ್ಯ ಸಹೋದರರನ್ನ ಟೀಂ ಇಂಡಿಯಾ ಜೆರ್ಸಿಯನ್ನ ನೋಡೋದು ತಂದೆ ದಿವಂಗತ ಹಿಮಾಂಶು ಪಾಂಡ್ಯರಿಗೆ ಕನಸಾಗಿತ್ತು. ಇದೀಗ ತಮ್ಮ ವೃತ್ತಿ ಜೀವನದಲ್ಲಿ ಸಾಧನೆಯ ಶಿಖರದಲ್ಲಿರುವ ಈ ಸಹೋದರರು ತಮ್ಮ ಐಷಾರಾಮಿ ಜೀವನದ ಮೂಲಕವೂ ಆಗಾಗ ಸುದ್ದಿಯಲ್ಲಿರ್ತಾರೆ.
ಗುಜರಾತ್ನ ವಡೋದರಾದಲ್ಲಿ ಪಾಂಡ್ಯ ಸಹೋದರರು ಐಷಾರಾಮಿ ಪೆಂಟ್ಹೌಸ್ನ್ನು ಖರೀದಿ ಮಾಡಿದ್ದಾರೆ. ಈ ಮನೆಯ ಐಷಾರಾಮಿತನ ಹೇಗಿದೆ ಅನ್ನೋದಕ್ಕೆ ಇವರ ಸೋಶಿಯಲ್ ಮೀಡಿಯಾದ ಖಾತೆಗಳ ಮೇಲೆ ನೀವು ಒಮ್ಮೆ ಕಣ್ಣು ಹಾಯಿಸಿದರೂ ಸಾಕು. ಜಿಮ್ ಸೌಲಭ್ಯ, ಕ್ಯಾರಿಯೋಕೆ ರೂಂ, ಐಷಾರಾಮಿ ಅತಿಥಿ ಗೃಹ, ವಿಶಾಲವಾದ ಡೈನಿಂಗ್ ಕೋಣೆ, ಅತ್ಯಂತ ಸುಂದರವಾದ ಟೆರ್ರೆಸ್, ಗಾರ್ಡನ್ ಹೀಗೆ ಈ ಮನೆಯನ್ನ ನೋಡೋಕೆ ಎರಡು ಕಣ್ಣು ಸಾಲದು.
ಪಾಂಡ್ಯಾ ಸಹೋದರರ ಈ ಮನೆಯು ಸುಮಾರು 6000 ಚದರ ಅಡಿಯ ಅಪಾರ್ಟ್ಮೆಂಟ್ ಆಗಿದೆ. ಕ್ರಿಕೆಟ್ನಿಂದ ವಿರಾಮ ಬೇಕೆನಿಸಿದಾಗೆಲ್ಲ ಪಾಂಡ್ಯ ಬ್ರದರ್ಸ್ ಇದೇ ಮನೆಯಲ್ಲಿ ವಾಸ್ತವ್ಯ ಹೂಡುತ್ತಾರಂತೆ..!
ಪ್ರಸ್ತುತ ಪಾಂಡ್ಯ ಸಹೋದರರು ಶ್ರೀಲಂಕಾ ವಿರುದ್ಧ ಜುಲೈ ತಿಂಗಳಲ್ಲಿ ನಡೆಯಲಿರುವ ಪಂದ್ಯಕ್ಕೆ ತಯಾರಿ ನಡೆಸುತ್ತಿದ್ದಾರೆ. ಇನ್ನೊಂದೆಡೆ ಕೊಹ್ಲಿ ನೇತೃತ್ವದ ಟೀಂ ಇಂಡಿಯಾ ಡಬ್ಲುಟಿಸಿ ಫಿನಾಲೆಗಾಗಿ ಸೌತಾಂಪ್ಟನ್ನಲ್ಲಿದೆ ಮತ್ತು ಆಗಸ್ಟ್-ಸೆಪ್ಟೆಂಬರ್ನಲ್ಲಿ ಜೋ ರೂಟ್ ನೇತೃತ್ವದ ಇಂಗ್ಲೆಂಡ್ ತಂಡದ ವಿರುದ್ಧ 5 ಟೆಸ್ಟ್ ಪಂದ್ಯಗಳನ್ನ ಎದುರಿಸಬೇಕಿದೆ.
Loading ...